أحـــويـــت

[عبير دبي]

بسم الله الرحمن الرحيم

السلام عليكم ورحمة الله وبركاته


صباح ولا مساء الخير على الجميع

أشحالكم شخباركم أن شاء الله بخير وعافيه ..

من يومين سرنا العصر على البحر نتسبح وجان أقرب صوب الحصى الفشت وأدور قلت يمكن القى شي

وجان أحصل أحويت وهي من الكائنات البحريه الي تستوي على الحصى تكون لازقة .. وأكثر شي تتكاثر

في وقت الصيف وقت الي يستوي الرطب .. جان نقعد نلقط بس للأسف الكامرة مب ماخذتنها وياي علشان

أصور وأحنا نلقط أحويت .. أن شاء الله لو سرت اليوم ولقط بصور وين يتواجد وهم أحنا نلقط ..

طبعا يبناه البيت وغسلناه عن الرمل وحطينه بالجدر وي الماي وشوي ملح حطينه عليه لحد ماطبخ

وبعدين يبنا أبرة وقمنا نطلع وناكل حتى عيالي الصغار ياكلون وعجبهم .. والبعض يسويه ناشف حمسة

أحويت وي البصل والطماط والبهارات وي العيش ياكلونه ..

والكم هاي صور الحويت الي مب شايفنه ولا يعرفه

وهذا عرفناه وتعلمناه من الامهات والاباء والاجداد ..

http://www.gulfup.com/lives/12737250341.jpg (http://www.gulfup.com/info.htm)

http://www.gulfup.com/lives/12737245522.jpg (http://www.gulfup.com/info.htm)

http://www.gulfup.com/lives/12737245523.jpg (http://www.gulfup.com/info.htm)

http://www.gulfup.com/lives/12737245524.jpg (http://www.gulfup.com/info.htm)

http://www.gulfup.com/lives/12737245525.jpg (http://www.gulfup.com/info.htm)


بالعافيه عليكم الحويت ..

مع السلامة وأشوفكم على خير ..

[ولد تمبو]

ماشاءلله اختي علي الموضوعات الجميله واهنيج شكلج تراثيه بتظهرين...

شكرا.

[الخياط]

ما شاءالله عليج اختنا الحجية عبير

هذا نحن نسمية دمبل باايووو

بارك الله فيج هذا انتى ما ماخذة الكيمرة وجى يعنى حسينا انه شفنا بالصور فمابالج ونتى ماخذة الكيمرة ههههه

اقصد لو كنتى شالة معاج الكيمرة بعد لو شو سويتى هههه
ما شاءالله عليج

تحياتى

[وليد جابر آل بوخلف]

اشكرج اختي الكريمة عبير دبي على هالطبخة التراثية

مجهود طيب تشكرين علية

[بوحمدان الخالدي]

اشکرج اختی عبیر دبی ع الطبخه التراثیه

بارک الله فیج

لج تحیاتی

[الفهد]

تسلم يدج اختي عبير على هالطبخة التراثية


منطقة الشرقية يسمونه قَوقُوع ( گَوگُوع)


لج تحياتي

[شبيه الريح]

اكلة شعبية تراثية ماشاءالله

و انصح الي مب مجربها ، ياكلها و لو مره و ما راح ينساها بالمره

[حفيظة]

تسلمين اختي عبير دبي اكلتي احبها الحويت

اخي الخياط الدمبل حيو هو شي الي يمشي علي الحصاء

و الحويت دخل لحم يكلونه

[ال بوخلف الحمادي]

شكرا للأخت عبير دبي على الآكلة التراثية

تسلمين لنا وبيض الله وجهك

تحياتي لكم بالصحة والعافية

[الرحال]

شكراً لج اختي الكريمه على ما تقدمين من مواضيع

[بوفهد]

حلاته والله

تسلمين اختي الكريمه و ما قصرتي

[بوفلاح]

بيض الله وجهج على الموضوع الجميل

احلا اكله للحويت هي الناشف

حبيت اضيف شي بلنسبه للفرق بين الدمبل والحويت
الدمبل يختلف اختلاف كلي عن الحويت لانه له ارجل ويتحرك في كل مكان
لاكن الحويت اكثر الاماكن اللي يتواجد فيها بين الحصا والقصاصير ويظهر عند الجزر اكثر ويحب الحراره

(اخبر الكم مكان مليان حويت )

http://center.jeddahbikers.com/download.php?img=640916 (http://center.jeddahbikers.com/)

http://center.jeddahbikers.com/download.php?img=640917 (http://center.jeddahbikers.com/)

تحياتي

[حفيظة]

بيض الله وجهج على الموضوع الجميل

احلا اكله للحويت هي الناشف

حبيت اضيف شي بلنسبه للفرق بين الدمبل والحويت
الدمبل يختلف اختلاف كلي عن الحويت لانه له ارجل ويتحرك في كل مكان
لاكن الحويت اكثر الاماكن اللي يتواجد فيها بين الحصا والقصاصير ويظهر عند الجزر اكثر ويحب الحراره

(اخبر الكم مكان مليان حويت )

http://center.jeddahbikers.com/download.php?img=640916 (http://center.jeddahbikers.com/)

[url=http://center.jeddahbikers.com/]http://center.jeddahbikers.com/download.php?img=640917[/url

تحياتي



صج لسانك فرق بين الدمبل حوي و الحوي

اخي الكريم الي ماكل الحويت بيعرف الفرق

[عبير دبي]

لكم كل الشكر على المشاركة والرد والاضافات ..

وهم فيه الفلفلو الي لونه أسود وأتروك الي مثل قحفيه وغير من الاسامي ..

صورت الحويت ومان تواجده أن شاء الله بنزل الصور بس أحصل فرصة

[وليد الحوسني]

مشكورة بس لبغيتى الحويت فوحي بسفن اب وشوفي وشكرا

[عبير دبي]

iهلا ومرحبا فيك ياخوي وليد

أفوحه بسفن أب أول مره أعرف هالشي

خل أيي الصيف بنجرب أن شاء الله