المساعد الشخصي الرقمي

مشاهدة النسخة كاملة : ممكن



احمد بن محمد
06-15-2010, 05:48 AM
السلام عليكم جميعا

عندي استفسار بسيط انا شاب بحريني واتمناء اني ازوركم واشوف السواحل والاهل الطيبين بس ماعرف اشلون اوصل لكم

ممكن الشرح بالتفصيل

بوحمدان الخالدي
06-15-2010, 06:42 AM
عليك السلام و رحمة الله و بركاته

مرحبا اخوي احمد بن محمد و نتشرف بك اخوي

طال عمرك عن زيارة الساحل و طريقة الوصول و تفاصيل السفر الى الساحل الشرقي :

دامك من مملكة البحرين الشقيقه لديك خيارين لوصول الساحل :

1- تسافر الى دبي و من دبي الى مدينة اعسلو في الساحل الشرقي من الخليج لانه المطار الدولي الوحيد في المنطقه و ايضاً فقط لديه الرحله من و الى دبي .

2- تسافر من البحرين الى شيراز و من ثم من شيراز الى اعسلو .

و عن الساحل الشرقي طبعاً حدوده من مدينة كنكون النصوريه حتى مدينة لنجه و ما حولها مع الجزر ( جزيرة قيس و جسم و ...)


و من اهم الامور اللي لابد انه تعرفها قبل السفر انك بتسافر للسياحه ام للتاريخ ام لمشاهدت العرب هناك ؟

لانه لكل من اللي ذكرته مدينه و منطقه خاصه

بأمكان الشباب مساعدتك بعد تحديد هدف الرحله لتزويدك بصور من المنطقه و خريطة المنطقه و ايا نبذه بسيطه عن الاماكن اللي راح تزورها


السموحه و تقبل تحياتي اخوي

الفهد
06-15-2010, 11:18 AM
لنجة فيها مطار الدولي و جزيرة قشم و جزيرة قيس

من دبي الى لنجة
من دبي الى جزيرة قشم (جسم)
من دبي و ابوظبي الى جزيرة كيش ( قيس )

تقبلوا تحياتي

أحمد الحوسني
06-15-2010, 01:42 PM
عربنا مضيافين ومرحبانيين

من توصل هناك بتحس انك بين اهلك وعربانك اخوي أحمد

الشباب موجودين هناك وبيودونك وين ماتبا

ولد الاصول انت راعي واجب وشرحك وافي

وليد جابر آل بوخلف
06-15-2010, 07:55 PM
بارك الله في الاخوان ما قصروا

الوايلي
07-03-2010, 01:02 AM
السلام عليكم ورحمة الله وبركاته


أخوي احمد دام انك من دار الزين البحرين احب افيدك انه في منطقة تسمى القصبة أغلب سكانها من أهل

البحرين وحتى لهجتهم بحرينيه بحته..... وعسا الله يوفقك


ودمتم سالمين

شبيه الريح
09-25-2010, 06:11 PM
الشباب ما قصرو بارك الله فيهم و الله يفقك اخوي و انصحك تزور المنطقه و تشوف التاريخ و العروبه بعينك

عبير دبي
09-26-2010, 09:52 AM
الله يعطيهم العافية الشباب فيهم الخير والبركة ماقصروا بالمعلومات

وهم مابيقصرون وياك أهناك من توصل