المساعد الشخصي الرقمي

مشاهدة النسخة كاملة : ذکریات الفریج (شريط التسجيل)



ولد الفریج2
06-16-2010, 09:33 PM
█▄♥ ●[™ .الـ,,,ــلام cـليكم乂 ™]● ♥ ▀█

[
[img]http://up5.up-images.com/up//uploads/images/images-4ab26e89fa.jpg (http://fashion.azyya.com). (http://uploadpics.a2a.cc). (http://www.a2a.cc)[/img


الحنين الى الماضي وايام الطفوله والبرائه ذكريات لاتنسى ومااجمل تلك الايام التي عشناهاا دون ان

نعير ماحولنا وما يحدث اي اهتمام سوى ان نبحث لسعادتنا

اخواني و خواتي اعضا منتدي عرب الساحل شحالكم عساكم بخير انا عضو یدید و های اول مشارکه لی

فی هالمتندی ان شالله تعجبکم

اليوم بغيت انقل لكم ذكري جميله من ذكريات الفریج

شريط التسجيل


ليش بالذات شريط التسجيل

ترا سالفته سالفه خلونی اقول لکم ...

الله يسلمكم مثل ماتدرون ماكان قبل فی فریجنا وسيله تواصل بين الاهالي يتطمنون ع اقاربهم و

ربعهم ف الخارج الا رساله كتابيه و يالله بالحسره يلاقون ليهم احد يكتب لهم و بعدين لما صار تطور

شويه و يات المسجلات اهني عاااد خصوصا العيايز مافوتوا هالفرصه الثمينه ع قولتهم و بدوا

يسجلون شرايط و يطرشونه حق اهلهم

و الشريط كان قبل وسيله حديثه لتبادل التهاني و التحيه ف المناسبات و الافراح بين الجماعه و

الاهل
مساكين والله كانوا يرتيون شهور لين يسمعون احد يبا يسافر ف اللنجات و اهني عااد مايقصرن

يسجلون اشرطتهم و يلوونه عدل باللزق و خلاقين يعطونه للبحار او النوخذه اللي بيسير

بعدين بالاضافه الي هالشريط طبعا خياش اليعده و ماادري الربجه و الدغابيس و کماکم الموري و

الطريحه و.... يبلشون هالنوخذه المسكين فيها

المهم شو كانوا يقولون ف هالشريط

هيه خخخخ

مايخلون عرج ميت ف الاسره و بين الاهل ما یطلعونه و يهدونه السلام لا الحلو في هالسالفه انه

يبدون كلامهم

اهدي سلامي لفاطمه يوسف حسن مادري سلامن كثير بليا عدد

اهدي سلامي لاخوي لخماس سبت جمعه سلامن كثير بليا عدد

و بعد ماخلصوا من ذكر اسامي اقاربهم
ردوا من عندهم
يهدونكم السلام فلان بن فلانه سلامن كثير بلايا عدد

يارتنه فلانه تسلم عليكم و تهديكم سلامن كثير بلايا عدد

و طبعا عليه هالمنوال لين الشريط مايخلص خخخخ

وعقب ماخلصوا السلام اهنی عاد ه تبدي عاده الطلبات وحده تبا كندوره و واحد يبا ثياب و واحد يبا

حلاوه و مادري ...خخخخخ

مساكين والله عاشوا ع بساطتهم

ناس لاعرفت تلفون و لاعرفت نتات و ماادري بلاك بيري و سوالف الحين اللي نشوفهه و نسمعهه

اليوم

حليلهم والله كانوا ع ويهم

عاشول اجمل لحظات حياتهم ببساطتهم ,,

های کانت ذکری جمیله من ذکریات الفریج حبیت انقلها لکم ان شالله عجبتکم


یزاکم الجنه

وليد جابر آل بوخلف
06-16-2010, 10:24 PM
تقبل تحيه طيبه بليا عدد اخوي ولد الفريج

يا حييك و الله و بدايه قويه و موضوع جميل و ذكريات لم و لن تنسى

تحياتي لك

ال بوخلف الحمادي
06-16-2010, 10:26 PM
صدقت يا خوي هذا الي كان يحصل ولحقت على شئ منه

تحياتي لشخصكم الكريم

أحمد الحوسني
06-17-2010, 12:52 AM
الله عليك ياولد الفريج

رجعتنا 20 سنة ورا

يعطيك ألف عافية

بوفلاح
06-17-2010, 01:07 AM
مشكور اخوي ولد الفريج بلفعل ايام حلوه فيها لذه ولها قيمه

انا بس حبيت اقرا المكتوب (الرساله)

وانشاءالله ايبها صح

الى حضرة الجناب الاكرم المكرم الوالد افلان بن افلان المحترم

تحيه طيبه وبعد

السلام عليكم ورحمة الله وبركاته
اذا سئلتو عنا فنحنا بخير وصحه وعافيه وما كثير سؤالنا الى عنكم وعن صحة حالكم
احال الله عنا وعنكم من كل سوء ومكروه
اما بعد يسلمون عليك الوالده والاخوان .......
كما اهدي سلامي على خميس ابراهيم و.... وجميع من يسأل عنا

مع تحيات ابنك بوفلاح

الظبيانية
06-17-2010, 01:12 AM
ياهلا و سهلا اخوي ولد الفريج شرفيتنا في هالموضوع

موضوع روعه و قيمه و ذكريات اجمل

بس كانت المسجل بو شريط واحد بعد مب كل بيت في بعضهم عندهم

الرحال
06-17-2010, 01:54 AM
تسلم والف تحيه وشكر لك اخوى وشرفتنا في هذا المنتدى المبارك والله صدقت في كل كلمه قلتها كان ماضي بسيط وناس ابسط وقلوب نظيفه ومحبين لبعض تسلم تسلم وننتظر منك ذكريات فريج اخرى

بوحمدان الخالدي
06-17-2010, 03:09 AM
بيض الله ويهك اخي الكريم ولد الفريج ع الموضوع الجميل


وحياك الله في المنتدي ومثل ماقالوو الاخوان بدايه قويه وان شاءالله راح نشووف منك كل جديد


لك تحياتي عزيزي

الصقر
06-17-2010, 04:54 PM
شـكرا لـك ولد الفريج على المووضوع الرائـع

تسـلم ويعطيك العافيه

وليد جابر آل بوخلف
06-17-2010, 04:55 PM
مشكور اخوي ولد الفريج بلفعل ايام حلوه فيها لذه ولها قيمه

انا بس حبيت اقرا المكتوب (الرساله)

وانشاءالله ايبها صح

الى حضرة الجناب الاكرم المكرم الوالد افلان بن افلان المحترم

تحيه طيبه وبعد

السلام عليكم ورحمة الله وبركاته
اذا سئلتو عنا فنحنا بخير وصحه وعافيه وما كثير سؤالنا الى عنكم وعن صحة حالكم
احال الله عنا وعنكم من كل سوء ومكروه
اما بعد يسلمون عليك الوالده والاخوان .......
كما اهدي سلامي على خميس ابراهيم و.... وجميع من يسأل عنا

مع تحيات ابنك بوفلاح



صيغة الرسائل ( الخط ) في الماضي عجيب و فيه نوخه خاصه

تسلم بوفلاح

الفهد
06-17-2010, 10:00 PM
بالفعل كانت ايام حلوة ، و ماتنّسي

يعطيك الف عاافية اخوي ولد الفريج على هالموضوع الجميل

ذكرتنا بالماضي ( الله يرحم الزمان ) هههههههه


اتمنى لك التوفيق والنجاح

لك مني اجمل التحيات

آرام
06-18-2010, 09:44 PM
و طبعا عليه هالمنوال لين الشريط مايخلص خخخخ

هههههههه
والله زماااان
صج صعبة
الحمدلله على التطور اللي حصل

ولد الفريج
يعطيك الف عافية

شبيه الريح
06-19-2010, 03:20 PM
طريقه جميله و اسلوب جميل في السرد

ايام حلوه و قلمك به احساس جميل


تسلم شيخي و نتريا الزود منك

ولد الفریج2
06-20-2010, 01:08 PM
اخوی ابن الرمس ابو خلف الحمادی احمد الحوسنی بوفلاح اختی الظبیانیه الرحال ولد الاصول الصقر اخوی الفهد آرام و شبیه الروح

تسلم یمناکم ع الردود الحلوه و هالترحیب الحار والله انا بعد لی الشرف ان انضم لهالاسره الجمیله من عرب الساحل یارب یقدرنی ان شالله و اکون قد حسن ظن الجمیع یراکم الله الف خیر و ماقصرتوا

الدروازه
10-14-2010, 01:28 PM
يعطيك العافيه ولد الفريج موضوع جميل والله ذكرتني بهالموضوع باياام مضت