المساعد الشخصي الرقمي

مشاهدة النسخة كاملة : عیال الفریج (سوالف عيال اول )



ولد الفریج2
06-20-2010, 01:32 PM
█▄♥ ●[™ .الـ,,,ــلام cـليكم乂 ™]● ♥ ▀█


صباحكم//مساكم رضا الرحمن

اخوانی و خواتی اعضاء منتدی عرب الساحل شحالکم عساکم طیبین

مثل ماعودتکم الیوم بعد یایب لکم سالفه یدیده من ذکریات فریجنا الحلوه

طال عمرکم سالفه فریجنا هالمره عن عیال الفریج:ssss:


http://up5.up-images.com/up//uploads/images/images-e636c23a69.jpg (http://fashion.azyya.com). (http://uploadpics.a2a.cc). (http://www.a2a.cc)

الیوم حبیت انقل لکم بعض ذکریات عیال فریجنا شو کانوا یسووون و شلون کانت حیاتهم :115: فی الفریج

مساکین والله لا عرفوا لا بلای ستیشن و لا لاب توب و لا موبایلات و لا اشیا ثانیه اللی عرفها

عیال هالوقت بس هالشی مایدل طبعا علی بساطتهم طبعا

صج ان عیال الفریج :daf:قبل کانوا ع ویهم و ماعرفوا هالاشیا کلهه بس بعد مابنمدحهم وااید لانهم

کانوا مشاغبین فوق ماتتصورون لیش انا بقول لکم ؟

تدرون العاده الناس فی القوایل الحاره یالسیه فی بیوتهه ترتاح و ترقد و ماتطلع بارع فی هالحر

،بس عیال فریجنا الله هداهم غیر

فی عز القایله تشوفهم فی السکیک یفترون و یدورون

عشان لانظلمهم و لایزعل البعض علینا بعدین

هم فئات مختلفه البعض منهم ماشالله علیه الله هادنه عاقل من صغره تشوفه

یسیرصوب البحر یحدق او یصید سمج او قبقوب و و یتمرن علی الحیاه و هو صغیر

یدش مع ابوه البحر و یتعلم فنون الصید و خیر مثال ابانا اللی نشوفهم الحین

و البعض الثانی الله ماهادنه واید شویه شررر یعنی مووو واید تشوفهم یسیرون مع بعض صوب

الطوایه یسبحون و منهم تشوفه سایر صوب الرول او السدر


بس عیال الفریج الحقیقییین او بالاحری شیاطین الفریج بالعاده هم عصابه متشکله من کم نفر

http://up5.up-images.com/up//uploads/images/images-c9341dfc7a.jpg (http://fashion.azyya.com). (http://uploadpics.a2a.cc). (http://www.a2a.cc)


هالعصابه:poiuyt: طبعا متعاونین مع بعض فوق ماتتصورون و عندهم رئیس و قائد بدیر فریقه و یعلمهم طرق

التعایش فی الفریج تخیلوا عااد راس العصابه او بالاحری کبیرهم الذی یعلمهم السحر

شو یدرسهم طبعا مایحتای اقول البوق و السرقه خخخ

قراصنه الفریج شلون و متی کانوا ینفذون عملیاتهم و یطبقون هاموامرات ؟؟/

عاده السرقات و بوقات الفریج تستوی فی القوایل فی عز الظهر لما الناس راقده و محد له خلق

یطلع بارع و سرقتهم عاد مو ای سرقه تخیلوا و الناس راقده یرکبون مخازن هالمساکین

مایرحمون اللوز و التوت اللی فی الحوش و مایخلون و لا لوزه فی الشیر و عقب ماخلصوا عاده

یلتمون فی مکان

یتجاسمون حصیله یومهم مع بعض

بس عملیه السطو و السرقات و البوقات العوده بالعاده تصیر فیالزرایب

مثل ماتدرون قبل کان جدران زرایب الفریج طینیه و الاهالی عاده لتفادی زریبتهم من سرقات

هالعیال الشر فی کانوا یحطون شوک علی الیدار بس طبعا حب الخلال و الرطب مایمنع العیال

من تنفیذ عملیة النهب و اذا صادوهم عاااده الله یستر علیهم یادرب

وینک و اذا لحقوهم کفایه واحد منهم ینصاد خخ

البقایه طبعا یشرد صوب الخرایب یتخشش بس مافی ملاذ مردک تنصاد مافی الید

الید حیله حدهم للیل بعدین بروحه ایی لحبل المشنقه خخخخ

یحصلون دق عدل عشان هالخلالتین اللی باقوها

و لما یستوی العصر تشوف الکل ملتم ع نقایه الفریج جماعات

یهال و بنات یلعبون مع بعض حدن یلعب المکسی و حدن یلعب القبه و العععاب مختلفه و جمیله ...

حلیلهم والله عیال فریجنا ع شقاوتهم و روح المرح اللی کانت فیهم عاشوا اجمل لحظات عمرهم

مع بعض و لعبوا و کبروا و صاروا ریاییل ماشالله یعتمد علیهم ....

ان شالله یارب سالفه فریجنا الیوم عجبتکم

مع خالص الاحترام و الود

اخوکم ولد الفریج

.................................................. ................................ یزاکم الجنه ...................

وليد جابر آل بوخلف
06-20-2010, 01:51 PM
خواطر جميله بس شكلك يا ولد الفريج مشاغب وايد اللي تعرف سوالفهم هههه

ربي يعطيك العافيه يا راعي القلم لتراثي

الرحال
06-20-2010, 02:09 PM
راعي الفريج تسلم على سرد قصة اولاد الفريج بشكل مرح وفي نفس الوقت تاخذ جانب من حيات اعيال الفريج ايام زمان وايام طفولتهم تسلم ولا هنت

بوحمدان الخالدي
06-20-2010, 02:39 PM
مبدع اخوي ولد الفريج سوالف جميله جداُ

اشكرك ع كل ما قلته موضوع تراثي وجميل

بيض الله ويهك

عساك ع القوه

لك تحياتي

ولد الفریج2
06-20-2010, 02:46 PM
خواطر جميله بس شكلك يا ولد الفريج مشاغب وايد اللي تعرف سوالفهم هههه

ربي يعطيك العافيه يا راعي القلم لتراثي


شاکر لک اخوی ابن الرمس مرورک الجمیل تسلم یمناک ع الرد الحلو

خخخ مشاغب بس مو لهالدرجه اللی ف الموضوع خخخ بس ساعات نشارک العصابه مو دوووم :005:

ع العموم یعطیک الف عافیه و ماقصرت الصراحه

ولد الفریج2
06-20-2010, 02:47 PM
راعي الفريج تسلم على سرد قصة اولاد الفريج بشكل مرح وفي نفس الوقت تاخذ جانب من حيات اعيال الفريج ايام زمان وايام طفولتهم تسلم ولا هنت

مشکووور اخوی الرحال ع المرور و الرد الجمیل الصراحه تسلم یمناک ع الرد الحلو ان شالله یارب اکون قد الثقه اللی منحتونی ایاها و اکون قد حسن ظنکم یزاک الله الف خیر و ماقصرت

ولد الفریج2
06-20-2010, 02:48 PM
مبدع اخوي ولد الفريج سوالف جميله جداُ

اشكرك ع كل ما قلته موضوع تراثي وجميل

بيض الله ويهك

عساك ع القوه

لك تحياتي


الشکر لله عزوجل اخوی الکریم

و یاک بالمثل ان شالله الله یقویک تسلم یمناک ع الرد الجمیل و ماقصرت یعطیک الف عافیه

ال بوخلف الحمادي
06-21-2010, 01:03 AM
تسلم على الموضوع بن عمي

وتستاهل الإشراف في هذا القسم

تحياتي لك

اًلـבـاًيرهـً
06-21-2010, 03:02 AM
هههههههههههههههههههه

حلاتهم عيآل الفريج يسون جوؤ ..

ويـوم يـروحـوؤن .. والله كل شي بالفريج يشتاق لهم ..

الصراحه كلام جميييل عن عيال فريجكم

يعطيك العافيه

أم يوسف
06-21-2010, 04:07 AM
تسلم على الموضوع

والشطانه والشقاوة موجودة في كل واحد عاش طفولته بشكل جميل


لانه الشقاوة فيها نوع من المغامرة والاغلبية منا ايحبون هالسوالف


تسلم..~

الظبيانية
06-21-2010, 09:58 AM
الظاهر اخونا ولد الفريج وياهم في هالسوالف شيطان الفريج من كيجه الي كيجه (سكه ) خخخخخخخ

الله علي ذيج الايام براء في كل واحد

اتذكر سالفه كنا في النخل و النخله طويله نفر الحصاء حتي يطي لنا خلل و لكن الحصاء طاحت علي بنت الفريج

و انشق راسها معندنا شي نوقف الدم السائل من راس البنت شو سوينا احصلنا جبو (رماد ) وحتينا علي الجرح

حتي يوقف الدم و ربطنا في شيلة و حدة من البنات

الحمدلله مشت الامور


تسلم يمينك اخوي علي هالسوالف

ولد الفریج2
06-21-2010, 12:04 PM
تسلم على الموضوع بن عمي

وتستاهل الإشراف في هذا القسم

تحياتي لك

مشكوور اخوي أل بوخلف ع المرور الجميل يزاك الله الف خير و ماقصرت

ولد الفریج2
06-21-2010, 12:05 PM
هههههههههههههههههههه

حلاتهم عيآل الفريج يسون جوؤ ..

ويـوم يـروحـوؤن .. والله كل شي بالفريج يشتاق لهم ..

الصراحه كلام جميييل عن عيال فريجكم

يعطيك العافيه


مشكوره اختي الكريمه ع المرور الجميل و ماقصرتي ع الرد الحلو

يعطيج العافيه

ولد الفریج2
06-21-2010, 12:06 PM
تسلم على الموضوع

والشطانه والشقاوة موجودة في كل واحد عاش طفولته بشكل جميل


لانه الشقاوة فيها نوع من المغامرة والاغلبية منا ايحبون هالسوالف


تسلم..~


الله يسلمج اختي الكريمه

اكيد الشطانه كانت موجوده اصلا حلاه الطفوله بهالشقاوه خخخ

مشكوره و ماقصرتي يعطيج العافيه

ولد الفریج2
06-21-2010, 12:11 PM
الظاهر اخونا ولد الفريج وياهم في هالسوالف شيطان الفريج من كيجه الي كيجه (سكه ) خخخخخخخ

الله علي ذيج الايام براء في كل واحد

اتذكر سالفه كنا في النخل و النخله طويله نفر الحصاء حتي يطي لنا خلل و لكن الحصاء طاحت علي بنت الفريج

و انشق راسها معندنا شي نوقف الدم السائل من راس البنت شو سوينا احصلنا جبو (رماد ) وحتينا علي الجرح

حتي يوقف الدم و ربطنا في شيلة و حدة من البنات

الحمدلله مشت الامور


تسلم يمينك اخوي علي هالسوالف

الله یسلمج

خخخ يعني تقدرين تقولين بس ساعات نشارك العصابه ف البوق یعنی مو دوم

خاطره جميله و ذکری واااید حلوه رماااااااااد عااد خخخ یالظبیانیه مسکینه والله ربیعتکم

مشکووره ع القصه الحلوه و هالتفاعل

بارک الله فیج اختی ع الرد و المرور و ماقصرتی الصراحه یعطیج العافیه

الدروازه
10-15-2010, 10:32 PM
تسلم ولد الفریج علی هالخواطر الجمیلةُ و ماقصرت مبدع ماشالله علیک