المساعد الشخصي الرقمي

مشاهدة النسخة كاملة : قصــیده بدتی امــی العوده



ولد الفریج2
07-15-2010, 01:24 PM
[SIZE="2"]█▄♥ ●[™ .الـ,,,ــلام cـليكم乂 ™]● ♥ ▀█


صباحكم//مساكم رضا الرحمن


اخوانی و خواتی اعضاء منتدی عرب الساحل شحالکم عساکم طیبین الیوم یایب لکم قصیده جمیله عن

ایام زمان عنوانها :daz:

يدّتي أمي العوده .. طيبه من نسوان لوّل


هاي قصيده قديمه للشاعر البحريني المبدع/ عبد الرحمن رفيع

القصيده ماااااا لها حل اکید !

اسمعوها و احکموا بنفسکم


تفضلوا رابـــــــــــــــــط التحمیل

http://www.6rob.com/PreviewSongs/ViewSinger-41/1638.html

______________________________________

أترككم ألحين مع کلمات القصيده الفكاهيّه الجميله


يدّتي .. أمي العوده .. طيبه من نسوان الأول ..


إقعديت مره معاها .. قلت لها: سولفي عن أول ..


أبي كمّن سالفة منك .. تذكرين أيامك أول ..


أوصفي لي شلون أهلها كانوا اكراه ولا أشكل ..


علميني اشلون زمانك كان مثل ما نشوف أو اكمل ..



اضحكت مني وقالت: هذي شي يا ولدي كمّل ..


لا تذكرني ابزمان ليته بس اشويه طول .. :yoyo:


آه على أيامنا الأول !!!



كان أبوك العود يا ولدي لين لبس زين وتعدل ..


قلبي ما يتم في مكانه وعيني عنه ما اتّحول ..


ولين مشى صرَت انعاله وانتفخ ثوبه لمّلمل ..


ولين تحنحن أو تخنخن كل درايشنه اتقلقل ..


كان يبل .. له هيبه حلوه ولين ضحك ويهه ايتهلل ..



موب مثل سبلان زمانكم:poiuyt: هالرخو اللي يتدلل ..


كشه الراس جنها عشه هذي راس واحد امخبل ..:135:


يصلح الواحد من ذوله في الدكاكين والله سمبل ..


قلت بعد يا يده باسأل قالت: اشقد إتّسأل ..


قلت لها: يوم كنتي شابه اصغيره قط حبيتي أحد ..


اضحكت وايد أو تمت تنتفض والدنيا موب برد .. :


قالت: استغفر من الله لا تكفر بالهيس الآربد .:175:. (هههههه)


كانت البنت في زمانّه في السكيك مول ما اتردد ..


لو اطلعت من بيتها مره في السنة اتروح اتحمد ..


ولو اطبقوها من الدريشه اتظل من الخوف اتّبريد .. :cry:


موب مثل أيامنا هذي تمشي في السوق:goss: واتصيّد ..


قلت لها: اشكان يهازج وكم دفع في مهرك الجد ..


قالت: اشويه ربابي ما اتعدّى ترسه اليد ..


والجهاز كان بقشه عوده كل شي فيها امكوّد ..


فيها دفه أم عمايل صوف من اللماع الأسود ..


وثوب نشل وامحله كله زري صج ما يتيعّد ..


وفيها ميداسين وملفع نغده من يرَع امورد ..


والمشط سيسم اضروسه ما اتعوّي وما اتمدّد ..


وقالبين صابون بناتي اللي ريحته ريحة الورد ..


وحنه عيار في خريطه وتوله دهن عود وأزيد ..


قلت لها: هذه جهازج يدتي .. قالت: انا اشهد ..


قلت لها: يا يده سولفي لي عن الليلة العظيمه ..



ليلة الزفة اللي راحت وأصبحت أخبار قديمه ..



قالت: الزفة خذوني مريم وبنّه وحليمه ..



في وسط زولية حمره بالغصب كنّي يتيمه ..


وقالوا: اسم الله عليها وهالحسن الله يديمه ..


ودخلوني الفرشه وانا خايفه خوف الله عليمه ..


العروس ف أيامنا كانت تستحي وعاقلة وفطينه ..


والعروس ف أيامنا هذي تقبض الزوج من يمينه ..



رافعة راسها كانه فوق وييها جلود متينه ..


وتمشي مستانسه وتضحك ولين تعب زوجها تعينه ..


قلت لها: هذي تمدن و لكل زمان سلكه وافنونه ..



قالت: اي سلك واي تمدن كلنا من نفس العجينه ..


يدتي ماتدري عني إن لي أيام حسينه ..


ما كأني في زماني في الفريج كنت اتمشى ..



شاربي كان توه طالع والشعر فوق راسي كشه .. :poiuyt:


والبنات من كل دريشه وكل أجاسي ما تغشه ..



هذي تضربني ابعنقيشه وهي تحذفني ابغرشه ..



وانا ماشي في طريقي ما ارتعش مول حتى رعشه ..




هذي سالفه من سوالف يدتي الطيبة الوحيده ..




قلت لكم منها وباكر اللي يبي الزود بازيده ..


وسلامتكم


ان شالله عجبتکم القصیده :poiuyt:


>>>>>>>>>>>>>>>>>>>>>>>>>>>>>>>>>>>>> یزاکم الجنه>]

الصقر
07-15-2010, 01:53 PM
قصيده جميله جداً

تسلم على الموضوع والكلمات الرائعه والجميله

الخنداوي
07-15-2010, 03:17 PM
الف شكر لك علي الموضوع الرايع صراحة كلام الجدة في الصميم في ترسيم حالنا اليوم
http://albwasil.jeeran.com/romanc_pic/flower8.gif

الظبيانية
07-15-2010, 03:23 PM
هههههههههههه الله يعلن ابليسك ياولد الفريج

انا وايد احب سوالف الشاعر عبدالرحمن الرفيع



والمشط سيسم اضروسه ما اتعوّي وما اتمدّد ..

وقالبين صابون بناتي اللي ريحته ريحة الورد


كلامه كل صح مايب شي من عنده هذا سؤالف زمان اول


تسلم يمناك ياخوي

وليد جابر آل بوخلف
07-15-2010, 03:53 PM
هههههههههههههههههه حلو

قال : سمبل (sampal) هالكلمه تعني الانسان الكسلان و موجوده في لهجتنا الجميله

يعطيك الف عافيه ولد الفريج يا ولد الاصايل

الخنداوي
07-15-2010, 03:55 PM
شكرا ولد الفريج ذكرتنني في يدتي مهرها كان قلت تمر ههههههههههههه
والحين الله يعين لازم تجيب كنتينر تمر بس للضيوف هههههههههههه

http://albwasil.jeeran.com/romanc_pic/flower8.gif

ولد الفریج2
07-15-2010, 06:30 PM
اخوی الصقر مرورک الاجمل مااقصرت و یعطیک الف عاافیه ع االمرور الجمیل


اختی الظبیانیه : الله یسلمج اختی الکریمه تسلم یمناج ع المرور الجمیل و یعطیج الف عافیه

اخوی ابن الرمس : معلوومه وااید حلوه اول مره اعرف هالمعنی مشکووور ع الرد الجمیل و یعطیک الف عاافیه

اخوی الخنداوی :منشکووور ع المرور الجمیل و تسلم یمناک اخوی ع الرد الحلو الله یخلی لک یدتک ان شالله بارک الله فیک

كحيلآن الحمادي
07-15-2010, 06:51 PM
تسلم اخوي ولد الفريج ع القصيده
وصح الله الّلسان الشاعر
قصيده تروح عن النفس..

ولد الفریج2
07-15-2010, 06:55 PM
الله یسلمک اخوی عساف تسلم یمناک ع المرور الجمیل و ماقصرت