حق الليلة ( القرقعان )

[الظبيانية]

بسم الله الرحمن الرحيم

السلام عليكم و رحمة الله وبركات

اخواني و اخواتي كلكم تعرفون القرقعان

كالعاده نصف من شعبان الامارات تحتفل في حق الليله

اما عرب الساحل عادتهم غير يحتفلون في نصف رمضان

الأطفال يتنقلون من بيت الي بيت ف “الفريج” لجمع الحلويات


http://www.gulfup.com/share/1/12802203381.jpg (http://www.gulfup.com/info.htm)

احتفلت عائلات إماراتية في مختلف إمارات الدولة أمس بمناسبة حلول ليلة النصف من شعبان التي تعرف بـ”حق الليلة”، حيث تحيي الإمارات ودول الخليج العربي هذه المناسبة في كلّ عام.
وجاء احتفال العائلات بهذه المناسبة ابتهاجاً بقرب حلول شهر رمضان المبارك، إذ ارتدى الأطفال الملابس التقليدية الخليجية التراثية الزاهية، حاملين “ الخرايط” الأكياس المصنوعة من القماش والتي تعلق على الكتف أو تمسك باليد، ومرددين الأهازيج الخاصة بـ”حق الليلة”

“عطونا الله يعطيكم.. بيت مكة يوديكم عطونا من مال الله يسلم لكم عبدالله”.

وانطلق الأطفال بعد صلاة العصر مباشرة، متنقّلين من بيت إلى بيت ومن فريج إلى فريج ليجمعوا الحلويات والمكسّرات.

ومن جهة الأهالي للاحتفال بمناسبة “حق الليلة” بشراء المكسّرات وبعض الحلويات المعروفة قديماً من المحال ومن ثم تعبئة الأكياس التي يحملها صغارهم وأطفال الفريج.
إنّ هذه المناسبة هي عادة توارثناها من أمهاتنا وجدّاتنا منذ الصغر، وها نحن نعيدها إلى أبنائنا لما لها من أثر كبير في إدخال الفرحة في قلوبهم.

ان شالله نوارثها من جيل الي جيل

و بعض الأهل يصنعون الأكلات التراثية في هذه الليلة وتوزيعها على الجيران والأقارب مثل “الهريس والخنفروش والبلاليط” وغيرها من الأكلات، أنّ فرحة الأطفال في هذا اليوم كبيرة، وهي ما تدور حوله “حق الليلة


http://www.gulfup.com/share/1/12802203382.jpg (http://www.gulfup.com/info.htm)



http://www.gulfup.com/share/1/12802290631.jpg (http://www.gulfup.com/info.htm)


حتي في الدومات يوزعون القرقعان

http://www.gulfup.com/share/1/12802290632.jpg (http://www.gulfup.com/info.htm)



يالله الحين نشوف منو الي شل خريطه و دار في الفريج و شو المواقف الي صارله في ذيج الايام

اكيد عندكم مواقف في هالمناسبه

اتريا ردودكم الحلوه

[بوحمدان الخالدي]

يا سلامي ع القرقيشااان ولا ( قرقيعان)

اشكرج اختي الكريمه ع الموضوع والصور والشرح الجميل

بارك الله فيج اختي الكريمه

لج تحياتي

[الرحال]

تسلمين اختي الكريمه الظبيانيه موضوع جميل من العادات القديمه عند عرب الخليج بكل ظفتيه

[وليد جابر آل بوخلف]

مشكوره اختي الظبيانيه على الموضوع و صحيح عرب الساحل الشرقي و الجزر يحتفلون في نص رمضان و يقرقعون

[ال بوخلف الحمادي]

شكرا على المعلومة المفيدة وعلى الصور

عذرا بالنسبة للصور المطلوبة لم أتمكن من أخذها

تحياتي لكم

[ولد الفریج2]

والله ذکرتینه بایااام جمیله یاختی الظبیانیه


قبل کل شی شو تعنی کلمة قرقيعان ؟

هناك أكثر من قول في معنى " قرقيعان " :

القول الأول : أن " قرقيعان " لفظ عامي مأخوذٌ من قرع الباب ، و ذلك لأن الأطفال يقومون بقرع أبواب البيوت في هذه

المناسبة فسُميت المناسبة بالقرقيعان .

القول الثاني : أنه مشتق من " قرَّةُ العين " و هو ما فيه سرور الإنسان و فرحه ، و منه قول الله عَزَّ و جَلَّ :

﴿ ... رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ ... ﴾ [1] .

طبعا المسمیات تختلف من منطقه لاخری مثلا عندنا یسمون هالعاده «الخلویصه »شو معناه هالاسم الله و اعلم

طبعا مثل ماتفضلتی اختی الکریمه هو من العادات الجمیله اللی یحتفل الناس فیها فی نصف شعبان او رمضان من کل

سنه بس عندنا فی المقام یحتفل الناس فی نصف شعبان بالعاده

عاده الاطفال یدورون حزه العصر بس تخیلوا امس فی هالحر فی هالشمس الحاره القایله هالیهال مامنخلین حد یرتاح

شایلین

خرایطهم و یطقون البیبان بیت بیت خخخخ ماشالله علیهم عیال الفریج شکلهم للحین شیاطین مثل ماکانوا عیال الفریج قبل


(بس اکید ولد الفریج مو منهم خخ )

روح المرح و الشقاوه مامنعتهم انهم یقعدون فی البیت


مثل ماتفضلتی لما تصیر فتره العصر یعنی جریب المغرب تشوفین الجیران واحد مسوی الهریس و الثانی

بلالیط و الاخر خنفروش او اللقیمات او کستر او ساقو و یتناقلونه بین بعضهم البعض


تشوفین لج النسوان جریب المغرب شایلات الصوانی ،فیها الهریس او..... یفترون ع بیوت الفریج یعطونهم صحن و الحمدلله للحین

هالعاده مستمره حتی ف رمضان الله یبلغنا و ایاکم ایاه ان شالله هالعاده نلمسهه اکثر و اکثر

و انتی بعد ماشالله علیج ماخلیتی شی ماذکرتیه اختی الظبیانیه

تسلم یمناج ع الطرح الجمیل و یعطیج العاافیه

تقبلی تحیااتی اخوج ولد الفریج

[كحيلآن الحمادي]

(( سلم ولدهم ياالله وخله لمه ياالله ))
حنّااا بالكويت نحتفل بالقرقيعااان بنص رمضاااان
مع أهلنااا بالساحل
يعطيج العافيه ياالظبيانيه على الموضوع
ويحفظج ربي

[الصقر]

شكرا على الموضوع الجميل

يعطيج العافيه على القرقاعو الجميله

[الفهد]

تسلم يدج اختي الظبيانية على هالموضوع التراثي الجميل ، شغل عدل الصراحة ههههههههه



كنا مجموعة ( صغارية ) إندور بالفريج ، وكان معانا واحد ينقاله احمد ، كان يتيم

كل ماندخل أي بيت ، يسألونا .... انته إمنو ولده ؟ :133:

اللى يقول ولد خلفان و واللى يقول ولد محمد ولد صالح ، بالدور هههههههههههه

اول ماعرفوا ان هالولد يتيم :shocked:
يعطونه بيض مسلوق او عصير و مرات بيزات

وانا كنت ازعل :131: هههههههههههه واقول إشمعنى اهووو ؟؟؟

ليش مايعطوني انا ؟؟؟ :f60952e1:





تقبلوا تحياتي

[الخنداوي]

قرنقعوه قرقاعوا عطونا الله يعطيكم بيت مكه يوديكم ,عطونا زخت ميزان الله يخلي عزيزان عطونا زخت خيشه الله يخلي عوشه عطونا زخت مله الله يخلي بوكله ... الخ:157: الي يسبق البيوت ايحصل اكثر ههههههههههه

الفلوس الصبح اتروح تشتري:icecream: واذا اخوك اخذ افلوسك:131: واذا انضربت من اعيال الفريج :nj:

[الظبيانية]

والله ذکرتینه بایااام جمیله یاختی الظبیانیه


قبل کل شی شو تعنی کلمة قرقيعان ؟

هناك أكثر من قول في معنى " قرقيعان " :

القول الأول : أن " قرقيعان " لفظ عامي مأخوذٌ من قرع الباب ، و ذلك لأن الأطفال يقومون بقرع أبواب البيوت في هذه

المناسبة فسُميت المناسبة بالقرقيعان .

القول الثاني : أنه مشتق من " قرَّةُ العين " و هو ما فيه سرور الإنسان و فرحه ، و منه قول الله عَزَّ و جَلَّ :

﴿ ... رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ ... ﴾ [1] .

طبعا المسمیات تختلف من منطقه لاخری مثلا عندنا یسمون هالعاده «الخلویصه »شو معناه هالاسم الله و اعلم

طبعا مثل ماتفضلتی اختی الکریمه هو من العادات الجمیله اللی یحتفل الناس فیها فی نصف شعبان او رمضان من کل

سنه بس عندنا فی المقام یحتفل الناس فی نصف شعبان بالعاده

عاده الاطفال یدورون حزه العصر بس تخیلوا امس فی هالحر فی هالشمس الحاره القایله هالیهال مامنخلین حد یرتاح

شایلین

خرایطهم و یطقون البیبان بیت بیت خخخخ ماشالله علیهم عیال الفریج شکلهم للحین شیاطین مثل ماکانوا عیال الفریج قبل


(بس اکید ولد الفریج مو منهم خخ )

روح المرح و الشقاوه مامنعتهم انهم یقعدون فی البیت


مثل ماتفضلتی لما تصیر فتره العصر یعنی جریب المغرب تشوفین الجیران واحد مسوی الهریس و الثانی

بلالیط و الاخر خنفروش او اللقیمات او کستر او ساقو و یتناقلونه بین بعضهم البعض


تشوفین لج النسوان جریب المغرب شایلات الصوانی ،فیها الهریس او..... یفترون ع بیوت الفریج یعطونهم صحن و الحمدلله للحین

هالعاده مستمره حتی ف رمضان الله یبلغنا و ایاکم ایاه ان شالله هالعاده نلمسهه اکثر و اکثر

و انتی بعد ماشالله علیج ماخلیتی شی ماذکرتیه اختی الظبیانیه

تسلم یمناج ع الطرح الجمیل و یعطیج العاافیه

تقبلی تحیااتی اخوج ولد الفریج


تسلم تسلم علي هالرد الحلو و الاضافة الجميله


انا كم مره اقولك كبر الخط هههههههه

اوووووو فاتك القرقعان ياولد الفريج مرحت معهم

ولا انت مايفوتك سيطان الفريج يسموك من كيجه الي كيجه ( سكه الي سكه) خخخخخخخخ

:jaja20_200610121:

[النعيمي]

ذكريات جميلة أيام الماضي وايام حق الليلة ياما طفنا البيوت والسكيك ونكون جماعات (عطونا حق الله مال الله ) وكنا نعرف البيوت اللي يوزعون فيها فلوس دراهم ونمر عليها مرة مرتين ههه، ومن المواقف اللي اذكرها كنت مرة مريض وطريح الفراش ياني اخوي وعطاني خمسة وعشرين درهم وقالي تحمل لاتسير حق الليلة فصحت وكنت حينها في الصف الخامس وقلت في نفسي يعني هذا يصير حق الليلة وانا ع الفراش طايح لا والله لسير وأتسلل من البيت وحط إلين مزرت الخريطة ورجعت البيت رغم إجهاد المرض وحصلت لي هزاب يوم رديت، بس صج كانت ايام حلوه احن لها ولا يمكن أنساها ....

إختي الظبيانية اشكرج على هالموضوع الحلوه واللي ذكرتينا فيه بأيام حلوه، تسلمين ولاتحرمينا من يديدج المميز والله يعطيج العافية ....

أخوج
النعيمي

[الظبيانية]

ذكريات جميلة أيام الماضي وايام حق الليلة ياما طفنا البيوت والسكيك ونكون جماعات (عطونا حق الله مال الله ) وكنا نعرف البيوت اللي يوزعون فيها فلوس دراهم ونمر عليها مرة مرتين ههه، ومن المواقف اللي اذكرها كنت مرة مريض وطريح الفراش ياني اخوي وعطاني خمسة وعشرين درهم وقالي تحمل لاتسير حق الليلة فصحت وكنت حينها في الصف الخامس وقلت في نفسي يعني هذا يصير حق الليلة وانا ع الفراش طايح لا والله لسير وأتسلل من البيت وحط إلين مزرت الخريطة ورجعت البيت رغم إجهاد المرض وحصلت لي هزاب يوم رديت، بس صج كانت ايام حلوه احن لها ولا يمكن أنساها ....

إختي الظبيانية اشكرج على هالموضوع الحلوه واللي ذكرتينا فيه بأيام حلوه، تسلمين ولاتحرمينا من يديدج المميز والله يعطيج العافية ....

أخوج
النعيمي


صدقت اخوي النعيمي ذكريات عمر الواحد الي عيشها ماينسها

عيل يوم طلع و شفت عيال الفريج صحيت ههههههههه

كانت الحلوه ليها طعم اخر ولا بعد بعض البيوت معروفين بالقرقعنهم عير عنده حلويات ايبون لهم من

الكويت و البحرين او قطر كما قالون روحو بيت فلان يوزعون حلوه خارجيه عادي ركض متسابقين منو يوصل قبل هههههه


مب الحين انواع الحلوه و لكن من دون طعم


شكرا اخوي النعيمه ع الرد الجميل

[النعيمي]

صدقت اخوي النعيمي ذكريات عمر الواحد الي عيشها ماينسها

عيل يوم طلع و شفت عيال الفريج صحيت ههههههههه

كانت الحلوه ليها طعم اخر ولا بعد بعض البيوت معروفين بالقرقعنهم عير عنده حلويات ايبون لهم من

الكويت و البحرين او قطر كما قالون روحو بيت فلان يوزعون حلوه خارجيه عادي ركض متسابقين منو يوصل قبل هههههه


مب الحين انواع الحلوه و لكن من دون طعم


شكرا اخوي النعيمه ع الرد الجميل



هذا هو من ظهرت من البيت وعشت الجو صحيت هه ...

صج انزين كل شي مال اول غير ...

تسلمين اختي الظبيانية والله يعطيج العافية ..

[عبير دبي]

ياسلام عليج وعلى طرحج ماخليت فريج وماسرت ودورت فيه

ريولي عورتني من كثر اللف لحد المغرب

ونترس الخريطة من كل شي ولما نرجع ندور في الخريطة

عندي صور وأن شاء الله بنزلهم الكم