المساعد الشخصي الرقمي

مشاهدة النسخة كاملة : أم حسن بذبخته ويا ذكرياتها



عبير دبي
09-03-2010, 07:21 PM
بسم الله الرحمن الرحيم

السلام عليكم ورحمة الله وبركاته

مساكم الله بالخير جميعا

جحوالكم وش خباركم أن شاء الله بخير

أم حسن وي بوحسن شوفو شو صار وياهم ..

بو حسن ياحرمة ماقولش أسكني واقعدي مكان واحد ليش ماتسميعين الحجي والقول ..

أم حسن يابوحسن هذا فريجي وربعي الي تعودت على زيارتهم واطمن عليهم وأسير الضحى لبنت

النوخذة أسلم عليهم .. وأم يوسف من مدة واعلي عليه قالوا مريضة ...

بوحسن أذيتنيه وي بنت النوخذة وأم يوسف وخجو و زليخو وعاشو ال أنتو يالحريم بتشردون الريايل من

دوارتكم ..

يوم تقولين فلانه مربيه والده بتزورينها يوم بنت النوخذة مسويه يمعت حريم ويوم مول مابتخلصين من

الأدوارة والجوليك فالفريج وعباتش على راسج ماتسكنين مكان واحد ..

جوفي كلام يوصلش ويتعداش لو مابتقعدين وتسكنين مكان واحد جلي أثيابج وسيري بيت أبوش ..

أها خذتها العبرة أم حسن وقعدت في الليوان وحط يدها على خدها وقعدت تتذكر الايام الي مرت عليها ..

http://www.3sl3.com/up/upfiles/6ak20395.jpg (http://www.3sl3.com/up/)


قعدت تتذكر يوم عرسها ومتعدله ومجحلة والذهب لابستنها وزفوها على بوحسن ..

http://www.3sl3.com/up/upfiles/w8N20395.jpg (http://www.3sl3.com/up/)

شوفوها أم حسن أيام شبابها ..

وبعدين صدت صوب باب الحجرة الميلس الي الحريم أيون الها الضحى ..

بنت النوخذة وخجو وزليخو وعاشو وأم يوسف يقعدون يخيطون الملابس ويسون التلي ..

http://www.3sl3.com/up/upfiles/kOh20395.jpg (http://www.3sl3.com/up/)

وبعدين تذكرت صندوق دزتها الي يابوها الها زهبتها الكندورة أم التلي والسروال التلي

والاجحال وملفع المنغد وغيرها متروس الصندوق

http://www.3sl3.com/up/upfiles/qSp20395.jpg (http://www.3sl3.com/up/)

وصدت صوب الليوان من جهة اليمين وشافت القعدة الي يتفاولون فيها التمر وي القهوة عقب مايخلصون

شغلهم ويرتاحون ويسولفون ويضحكون ...

http://www.3sl3.com/up/upfiles/N1q20395.jpg (http://www.3sl3.com/up/)

وجابلت الحوش وتذكرت حسون لما ولدته ولليلة ولادتها وي الدايه أم علي وتيود الانوار وتبي تولد

وعقب ماولدت سوت الها الصخون الجلاب ..

هذا حسون ..

http://www.3sl3.com/up/upfiles/g8e20395.jpg (http://www.3sl3.com/up/)


وهاي ميرحنة حسون الي مرزوزة بالحوش يلعب فيها الضحى وظهر النهار القايلة ويركض ورا الدياي في

الحوش

http://www.3sl3.com/up/upfiles/4pI20395.jpg (http://www.3sl3.com/up/)

وتذكرت حسون وي ولد الفريج يلعبون تيلة ..

http://www.3sl3.com/up/upfiles/x3d20395.jpg (http://www.3sl3.com/up/)

وأهنى حسون وي ولد الفريج ووي يسفو وحمود يلعبون

http://www.3sl3.com/up/upfiles/2wv20395.jpg (http://www.3sl3.com/up/)

خذتها العبرة وقعدت تبجي لما عينها طاحت على مطبخها وتذكرت وأهي قاعدة على الجولة أم بمب تطبخ الغدا

http://www.3sl3.com/up/upfiles/28620395.jpg (http://www.3sl3.com/up/)

http://www.3sl3.com/up/upfiles/Mfn22210.jpg (http://www.3sl3.com/up/)


ورحايتها الي تطحن عليها حب وتسوي هريس تندب صحن لبنت النوخذة وصحن لام يوسف وتنهم على ولد

الفريج هاي تعال ود لبيتكم هريس

http://www.3sl3.com/up/upfiles/W1O22210.jpg (http://www.3sl3.com/up/)

وخصف التمر الي يندبه الهم من بيت النوخذة بوصقر الله يطول بعمرة مايقصر لحزة زكاة النخل أخر الموسم

يسون تمر ويوزع على الفريج وعلى كل محتاج ...وتحط من التمر الخستاوي في الناخريه لبوحسن واهو

ساير السمج ولا مسافر في البحر بس مايبين في عينه ..

http://www.3sl3.com/up/upfiles/CO922210.jpg (http://www.3sl3.com/up/)

http://www.3sl3.com/up/upfiles/NUf22210.jpg (http://www.3sl3.com/up/)


وشافت بلاصي الطريح وتذكرت المجبوس الطريح الي تسويه وتحطه الظهر للغدا وي بوحسن وحسون ياكلون

وتفلق راس البصل الأرويد والكحكيز واللومي من شيرة بيت ولد الرمس فيها لوميه متروسة وتوزع أم ولد

الرمس فيد ولد الرمس ليرانها وماتنسة أم حسن ..


http://www.3sl3.com/up/upfiles/UBC22210.jpg (http://www.3sl3.com/up/)

وش بتقول وش بتتذكر حياتها من أولها لحد هاليوم قضيت و أيام ماننسى وهم بوعيالها بو حسون ..


السموحة منك ياخوي ولد الفريج اليوم خذيت مكانك في الخروفة

الله يعطيك العافية ويبارك فيك

أشوفكم وي سالفة يدية وأم حسن وبو حسن .

:154::154::154::154:

صلاح الدين
09-03-2010, 08:22 PM
بارك الله فيج

فتي المقام
09-03-2010, 09:01 PM
ماشاء الله عليج اختي عبير كفيتي و وفيتي.سالفة روووووووووووووعة و صور اروع.و يسعدنى انضمامج لفريجنا اذا دخلتي فريجنا صعب تطلعين منه . نبارك لام احسن لانها اصبحت شخصية المنتدي:bubu: .

كحيلآن الحمادي
09-03-2010, 09:05 PM
ما شاء الله ابدعتي
خلاص بنسميج بنت الفريج هههه
مشكوره ولاهنتي ع القصه المأثره :)

أحمد الحوسني
09-03-2010, 10:12 PM
الله يعطيج العافية اختي عبير

سوالفج حلوة وتنونست بقرايتها

بس كأنج نسيتيني ولاكأني معاكم فالفريج:cipollinoincazzatou

الظبيانية
09-04-2010, 01:13 AM
ويعليها ام حسون تبجي علي الذكريات المر و الحلوه الي عاشتها مع بو حسون


يعطيج ياختي الغاليه عبير قصه روعه

بس صبري علي جن مارديت علي بو حسن


لي رجعه

بوحمدان الخالدي
09-04-2010, 04:19 AM
الصراحه ابدعتتي اختي الكريمه عبير دبي

اشكرج اختي ع القصه الجميله

لج تحياتي

وليد جابر آل بوخلف
09-04-2010, 04:21 AM
ههههههههههههههههه والله و ام حسون و بوحسون صاروا من الاساطير

يعني شو بيطلع الموضوع يوم يتقابل الابداع و الاصاله؟؟؟

يعطيج الف عافيه اختي عبير دبي و ماشاءالله عليكم انتي و ولد الفريج مبدعين


تحياتي و احترامي لج

عبير دبي
09-04-2010, 04:45 AM
كل الشكر والتقدير اتقدم به لجميع من شاهد وقرا الموضوع ورد عليه

هذا تشجيعكم يحمسني على التفكير بسالفه وخروفة ثانيه

الله يعطيكم العافيه ويبارك فيكم

لا ياخوي الحوسني مب ناسينك أن شاء الله لو كتبت قصة ثانيه بتكون أنت من ظمنهم لا تزعل

كلش ولا زعل الاخوان علينه في عرب الساحل

ولد الفریج2
09-04-2010, 05:03 AM
خخخخخخخخخخخخخخخخخخخخخخ

سلط الله علی ابلیسج یاا ام حسن وصلتی کل هالاغراض المنتدی متی عااد


و اناااااا اقوول لیش الشاایب و العیووزه محتشرین ف السکه الیووم و شایلین الفریج ع رااسهم

سمعت بوحسن یقول سودیتی ویهی یامسوده الوویه مااخلیتی اسرار مااطلعتیهاا

کل هالاشیا خاشنهه لمرتی الیدیده مو ماالج خخخ

یاااااااااسلااام علیج والله یااخت عبیر ابدعتی الصرااحه سووالف جمیله و صور احلی

بدااایه جممیله ااکید و طرح ممیز یااااااااااااااااااابنت الفریج

یالله بانتظاار سوالفج الیاایه و ام حسن و بووحسن نجووف شو بیسوون هالمره

ربی یعطیج العاافیه ع مااتقدمینه و مااقصرتی

تحیااتی ولد الفریج

الظبيانية
09-04-2010, 05:19 AM
ام حسن تصيح في الفيرج تقول و تجمعو عليها عيال الفريج الي في المنتدي تسكتي لهم

تفول ياويلي ياعيالي انا تغبت و شقيت لما بو حسون وقف علي اريول و استوا ريال


كنت اروح ايب الحطب علي راسي من اليبل

http://www.3sl3.com/up/upfiles/2yO58709.jpg (http://www.3sl3.com/up/)


و ارجع البيت و بعد اروح الطوي ايب الماي من الطوي و اصب في المدانه حتي بيل ريج ماي بارد



http://www.3sl3.com/up/upfiles/hfS58709.jpg (http://www.3sl3.com/up/)


http://www.3sl3.com/up/upfiles/u9V58709.jpg (http://www.3sl3.com/up/)


http://www.3sl3.com/up/upfiles/H5J58709.jpg (http://www.3sl3.com/up/)


و ادموعها علي خدها تبجي علي اللي سوا فيها بو حسن


و اخرتها يفر اخصافتي برع في السكه

يقولي شيلي قشش و طلي عن بيتي السانج طويل ها منج

الرحال
09-04-2010, 09:30 PM
هذي السوالف الشعبيه والتراثيه الجميله سوف تبقى ذكريات جميله انتهت لكن تبقى في هذا المنتدى يقرئها ابنائنا ويفهمون مغزا هذي السوالف ومنها يتعرفون على ما ضي اسلافهم كيف كان تسوده الالفه والمحبه على الرغم من الادوات البدائيه وعلى الرغم من جولت ام بامب التي اذا خربت تشعل وتحرق وجهك على الرغم من كل هذي الظروف الا انهم ما ياكلون اللقمه الي يطبخونها عن ربعهم وجيرانهم ويتعلمون منها كيف كانت الزيارات بين الاقارب وجلسات الضحى وتجمع الناس عند بعض العصر وكانت قلوب صافيه تسودها المحبه فانا معجب بما يقدم من تصوير عيشت ايام اول على صيغة سوالف وقصص في النهايه الف الشكر لج اختي الكريمه عبير دبي على هذي السوالف الجميله

عبير دبي
09-11-2010, 02:35 AM
تسلمون وماقصرتوا على التواجد والردود الرائعة

Abdulwahab
10-24-2011, 12:46 AM
يعطيج الله العافيه

عبير دبي
10-24-2011, 09:17 AM
الله يعافيك ياخوي مشكور وماقصرت منور الموضوع

امیرالظلام1
10-24-2011, 03:43 PM
شکراً اختی عبیر
موضوع رائع

عبير دبي
10-24-2011, 03:48 PM
عفوا ياخوي منور الموضوع بتواجدك وردك بارك الله فيك وعساك على القوة