الظبيانية
09-09-2010, 04:37 AM
بسم الله الرحن الرحيم
اخواني و اخواتي الكرام
في يوم السبت قررت ان اجري لقاء مع احد الشخصيات المعروفة في اختر 1/5/2010
بس السموحه منكم ما اقدر احط الاسم للأهميه
رحت بعد صلاة المغرب له البيت وقعدت معاه واذن العشاء و بعد الصلاة بديت اسولف معاه عن الماضي
اول سؤال من هم اول ناس سكنوا اختر ؟؟ ::
الساده هم الرفاعي اصولهم من بغداد و اصل اختر هم من عبدالواحد و بعد البو سالم و حاي محمد
و هل بوعلوي و جدهم حاي جمعه
من حكم اختر من الشيوخ ؟؟
الشيخ حاتم و هو راعي غنم و زراعه اول ماوصل عطوه مكان يسمى ( بشتة البروال و جهمين)
وبعدين قال لاهله انا بحكمكم بس عطوني الفلي و استولى علي الفلي (الفلج) وسووا لهم ديوان فلوس
يأخذ من كل شخص قروني (ضريبه) ولكن الاهالي رفضوا و طلعوا من البلاد وركبوا العوامل وراحوا لبلاد
اسمها حسينه وبعدين الشيوخ عرفوا ان هذا الي صار غلط و طرشوا وراهم ناس حتي يرجعون
وبعدين انقسم الانتاج بين الاهالي و الشيوخ 2 للشيوخ و 3 للمالك
بعد ما استقروا اهل اختر ، هل بو حاي علي و الشيوخ صارت بينهم فتنة
الشيخ ناصر قال للسيد احمد بحطك والي لاختر بس ابي منك ان تسحب السند الي عند النساء وهي
حرمه اسمها حمدة عبود تحتفظ بالسندات و خاشتنها في قرن حتى محد يعرف مكانه
وهذا السند مهم مرسومة فيه حدود اختر من الطوي البري الي قودة كلي شاهون بين اختر و عينات و فوق
بيمندل الى قلالي عبدو .
الشيخ ناصر قال للسيد احمد عطني السند بشوفه و برده لك ولكن راح السند وضاعت اختر مع السند
خبرنا عن الحروب التى وقعت فى قرية اختر ؟
الحروب صارت بين العرب و العيم الي يبون ياخذون اختر
زمان الشيخ حاتم دخلوا العيم اختر و تجمعوا في مكان شرق اختر يسمى زريبة نخل غروب حتي يحتمون
فيها و العرب في البري (البرج) مكان بيت راشد بين البرج و نخل غروب وادي
و العرب اقوياء مثلا خلف شمس و حسن سالم و بعض اهالي اختر و كان حسن سالم يستعمل يد اليسار
و بعد كان ناس يحرسون في الجلعه و في حرمه ينقال لها حمده عبود هي الي كانت تنقل للعرب الاسلحه
و الرصاص في البري و بعد ماشافوا انهم مابيقدرون على العيم طلبوا المساعده من واحد في قرية سهموه حميد و اخوه
من ابرك طرش له شخص يساعدهم المهم تغلبوا على العيم وطلعوهم من البلاد و لكن اخو حميد
قتلوه و سحبوه في بيت حاي مالله و دفنوه تحت الجزه
وبعد فتره رجعوا العيم يطلبون الصلح من حميد وهو مايدري ان هم قتلوا اخوه و قال لهم خلاص متصالحين
بس حكم عليهم الشيخ حاتم ان يوم تدخلون البلاد ماتدخلون مع اسلحتكم (التفق) ولكن العصي مسموحة.
كيف تسافرون و متى اول سفره و الي وين؟
اول سفره رحت البحرين مع سنبوك علي حسن البحريني حصلت 5 دنانير و ثاني سفره بعد البحرين ناخذ
معانا دياي حطب بارد و عطونا 5 قلطه
وبعدها من البحرين رحنا الكويت واشتغلت في حمل الكنكري لمدة 8 شهور و بعدها رجعت للبحرين ودخلنا
مع واحد عنده محمل انا و ابراهيم جاسم و غريب حسن هذول من اختر و اشتغلنا في البر كل يوم 5 ربيات
رجعت البلاد و تزوجت و بعدين رحنا الكويت و اشتغلت في نايف يعطونا 5 ربيات وقعدت في جعيد ناطور
(حارس) كان ذاك اليوم السفر من فارس الي الكويت 25 ربيه
و بعدين سفرنا الهند نودي بضايع تهريب ( بلنش ) عبدالعزيز صقر
كنا نسافر على الموسم و نقعد 8 اشهور من الهند الى الساحل الافريقي الى مقديشو و ممباسة و زنجبار عمان وهكذا
هل تذكر عن الغرقات؟ طبعات السفن ؟؟
بوم احمد حاي محمد من اهل بو حاي علي
كان شاحن من نيبال الى الخليج عابرين من بومبي ( الهند ) يوم وصلوا نصف البحر تبطل عليهم ( كلين بوش) الخاص
بالمحمل ودخل الماي و غرق البوم وعندهم ماشوه (قارب صغير) وخذوا معاهم بصل و عنده كرتون شربت
( فيمتو ) كان الله يرحمه الوالد معهم و ظلوا 3 ايام بالبحر حتى لاثوا على باكستان بلاد اسمها اليلي
حصلو واحد حمال على البر و عطاهم شوى طحين و حصلوا قطعة تنك و سوولهم خبز حتى يتغذون و بعد
الوالد عنده ساعه بيده باعها و اشتروا لهم اكل و بعدين وصلوا الى السفاره الايرانية و دبرت لهم مركب يرجعهم الى البلاد
ــــــــــــــــــــــــــــــــــــــــــــــــــ ــــــ
و استوت الساعه عشر و نصف موعد نومه شكله تعب
و اخر شي قلت له متعرف تشعر قال الحين متذكر وايد
و قال هالابيات من النوخذه حمد من البحرين كان قاعد سرحان قلت له شو فيك ياحمد
قال:
لتشتكي ياحمد تراني بالدهر حيران
باتت عيوني تباري النغش و الياء و الميزان
خلي القطو يشفي مراير حزن
سري لفاني فبندات شنق و وزن
نخل بلا فحول كيف يثمر ياولد خلفان
_____________________
بحمد الله و بشكر ربنا المختاري
علي ياطفيلي ما بلغ الوطاني
امر مقدور كريم الباري
صبر عندك عالم الاسراري
مسرور حالك ياحسن في الجنه
وتك حسافه و الفراق محنه
العدوان قدو لا هم مهنه
ياعلم الرب من حميم الناري
النار تحرق من شعاب افرقه
السموحه هذي الابيات الي قالها
اخواني و اخواتي الكرام
في يوم السبت قررت ان اجري لقاء مع احد الشخصيات المعروفة في اختر 1/5/2010
بس السموحه منكم ما اقدر احط الاسم للأهميه
رحت بعد صلاة المغرب له البيت وقعدت معاه واذن العشاء و بعد الصلاة بديت اسولف معاه عن الماضي
اول سؤال من هم اول ناس سكنوا اختر ؟؟ ::
الساده هم الرفاعي اصولهم من بغداد و اصل اختر هم من عبدالواحد و بعد البو سالم و حاي محمد
و هل بوعلوي و جدهم حاي جمعه
من حكم اختر من الشيوخ ؟؟
الشيخ حاتم و هو راعي غنم و زراعه اول ماوصل عطوه مكان يسمى ( بشتة البروال و جهمين)
وبعدين قال لاهله انا بحكمكم بس عطوني الفلي و استولى علي الفلي (الفلج) وسووا لهم ديوان فلوس
يأخذ من كل شخص قروني (ضريبه) ولكن الاهالي رفضوا و طلعوا من البلاد وركبوا العوامل وراحوا لبلاد
اسمها حسينه وبعدين الشيوخ عرفوا ان هذا الي صار غلط و طرشوا وراهم ناس حتي يرجعون
وبعدين انقسم الانتاج بين الاهالي و الشيوخ 2 للشيوخ و 3 للمالك
بعد ما استقروا اهل اختر ، هل بو حاي علي و الشيوخ صارت بينهم فتنة
الشيخ ناصر قال للسيد احمد بحطك والي لاختر بس ابي منك ان تسحب السند الي عند النساء وهي
حرمه اسمها حمدة عبود تحتفظ بالسندات و خاشتنها في قرن حتى محد يعرف مكانه
وهذا السند مهم مرسومة فيه حدود اختر من الطوي البري الي قودة كلي شاهون بين اختر و عينات و فوق
بيمندل الى قلالي عبدو .
الشيخ ناصر قال للسيد احمد عطني السند بشوفه و برده لك ولكن راح السند وضاعت اختر مع السند
خبرنا عن الحروب التى وقعت فى قرية اختر ؟
الحروب صارت بين العرب و العيم الي يبون ياخذون اختر
زمان الشيخ حاتم دخلوا العيم اختر و تجمعوا في مكان شرق اختر يسمى زريبة نخل غروب حتي يحتمون
فيها و العرب في البري (البرج) مكان بيت راشد بين البرج و نخل غروب وادي
و العرب اقوياء مثلا خلف شمس و حسن سالم و بعض اهالي اختر و كان حسن سالم يستعمل يد اليسار
و بعد كان ناس يحرسون في الجلعه و في حرمه ينقال لها حمده عبود هي الي كانت تنقل للعرب الاسلحه
و الرصاص في البري و بعد ماشافوا انهم مابيقدرون على العيم طلبوا المساعده من واحد في قرية سهموه حميد و اخوه
من ابرك طرش له شخص يساعدهم المهم تغلبوا على العيم وطلعوهم من البلاد و لكن اخو حميد
قتلوه و سحبوه في بيت حاي مالله و دفنوه تحت الجزه
وبعد فتره رجعوا العيم يطلبون الصلح من حميد وهو مايدري ان هم قتلوا اخوه و قال لهم خلاص متصالحين
بس حكم عليهم الشيخ حاتم ان يوم تدخلون البلاد ماتدخلون مع اسلحتكم (التفق) ولكن العصي مسموحة.
كيف تسافرون و متى اول سفره و الي وين؟
اول سفره رحت البحرين مع سنبوك علي حسن البحريني حصلت 5 دنانير و ثاني سفره بعد البحرين ناخذ
معانا دياي حطب بارد و عطونا 5 قلطه
وبعدها من البحرين رحنا الكويت واشتغلت في حمل الكنكري لمدة 8 شهور و بعدها رجعت للبحرين ودخلنا
مع واحد عنده محمل انا و ابراهيم جاسم و غريب حسن هذول من اختر و اشتغلنا في البر كل يوم 5 ربيات
رجعت البلاد و تزوجت و بعدين رحنا الكويت و اشتغلت في نايف يعطونا 5 ربيات وقعدت في جعيد ناطور
(حارس) كان ذاك اليوم السفر من فارس الي الكويت 25 ربيه
و بعدين سفرنا الهند نودي بضايع تهريب ( بلنش ) عبدالعزيز صقر
كنا نسافر على الموسم و نقعد 8 اشهور من الهند الى الساحل الافريقي الى مقديشو و ممباسة و زنجبار عمان وهكذا
هل تذكر عن الغرقات؟ طبعات السفن ؟؟
بوم احمد حاي محمد من اهل بو حاي علي
كان شاحن من نيبال الى الخليج عابرين من بومبي ( الهند ) يوم وصلوا نصف البحر تبطل عليهم ( كلين بوش) الخاص
بالمحمل ودخل الماي و غرق البوم وعندهم ماشوه (قارب صغير) وخذوا معاهم بصل و عنده كرتون شربت
( فيمتو ) كان الله يرحمه الوالد معهم و ظلوا 3 ايام بالبحر حتى لاثوا على باكستان بلاد اسمها اليلي
حصلو واحد حمال على البر و عطاهم شوى طحين و حصلوا قطعة تنك و سوولهم خبز حتى يتغذون و بعد
الوالد عنده ساعه بيده باعها و اشتروا لهم اكل و بعدين وصلوا الى السفاره الايرانية و دبرت لهم مركب يرجعهم الى البلاد
ــــــــــــــــــــــــــــــــــــــــــــــــــ ــــــ
و استوت الساعه عشر و نصف موعد نومه شكله تعب
و اخر شي قلت له متعرف تشعر قال الحين متذكر وايد
و قال هالابيات من النوخذه حمد من البحرين كان قاعد سرحان قلت له شو فيك ياحمد
قال:
لتشتكي ياحمد تراني بالدهر حيران
باتت عيوني تباري النغش و الياء و الميزان
خلي القطو يشفي مراير حزن
سري لفاني فبندات شنق و وزن
نخل بلا فحول كيف يثمر ياولد خلفان
_____________________
بحمد الله و بشكر ربنا المختاري
علي ياطفيلي ما بلغ الوطاني
امر مقدور كريم الباري
صبر عندك عالم الاسراري
مسرور حالك ياحسن في الجنه
وتك حسافه و الفراق محنه
العدوان قدو لا هم مهنه
ياعلم الرب من حميم الناري
النار تحرق من شعاب افرقه
السموحه هذي الابيات الي قالها