المساعد الشخصي الرقمي

مشاهدة النسخة كاملة : حــســون بــيــعــرس



عبير دبي
09-14-2010, 09:05 AM
بسم الله الرحمن الرحيم

السلام عليكم ورحمة الله وبركاته

صبحكم ولا مساكم الله بالخير ..

بوحسن بوحسن ها يا أم حسن وش تبين .. أبي سلامة راسك .. أقول أقول خبريت المحسن ( الحلاق )

باجر العصر أيي علشان يحلق حسون .. أي خبريته وقلت اله ماينسى لان حسن ولدنا أستو ريال وبيعرس

أمي أمي أمي .. ها حسن وش تبي ؟

باجر الصبح أن شاء الله بيي أحمدو وعلوي ويماع بيركبون الحجلة وعمي خماس ناظر يوم عرسي يحنيني

وقال بيب خلفان يضرب هبان الي ويرقص في زي ..:148::148:

أنزين يما لا تنسى أتسير بيت بوصقر عندهم نخل أتيب خوص النخل علشان يركبونها على الحجلة ..

والخلقة الخضرة وبعد سير بيت يدك يب صورة أبوك وصورت يدك نحطها على الحجلة أن شاء الله أمي ..

أستوى الصبح وقامت أم حسن قشت الحوش وسوت مكان ليركبون الحجلة في الليوان ..

يا أحمدو وعلوي ويماع وسار حسون ياب خوص نخل من بيت بوصقر .. والحجلة الخضرة من بيت الظبيانيه

مال عرس ولدها ..

ركبو الحجلة في الليوان ويابو المساند التكيات الخضر من بيت ولد الرمس وصفوها وعدلوها ..

أستوت الساعة 10 ياو ربع حسون كلهم الي في عرب الساحل والجزر ..

ويت الظبيانية وأم يوسف وغيرهم من حريم الفريج وعرب الساحل

لينت أم حسن الحنة طبعا قبل طاحنتنها ومجهزتنها .. وعمه خماس قعد حسون وقعد الربع وياه وقعد

يحنيهم ويلوص ريلهم .. وقاعدين الحريم واليهال يصفقون ويغنون والظبيانية أتالل على راس حسون وخذتها

العبرة وقعدت تبجي وتذكرت عرس ولدها ..:v9v9net_040::v9v9net_040:

وعقب ساعة غسلو ريل المعرس والي وياة ..وشربو شرب الحلو مال المعاريس وكل واحد أيقول أن شاء

الله أنا بعد أعرس ويضربون الي حجلة ..وبعدين كل واحد سار بيتهم ..

أذن العصر وبعد صلاة العصر يا المحسن غلوم وي عدته وأم حسن فرحانه ولدها بيعرس ..

قعد يحلقونه ويضحك وفرحان وده يقوم يرقص من الفرحة ..

بعد ماخلص عطو الحلاق المقسوم وسار ..

الحين بيودونه على الماي حسون جل ملابس العرس وساروا بيت عمة أبن السواحل يتسبح والشباب

ربعة والناس يتريونه يخلص .. أتسبح وخلص وطلع وقعدو أيبيبون ويصفقون .. الحين بيدورون فيه في الفريج

طلعوا من بيت عمة ويمشون في الفريج في الوادي والهبان يضرب وراه ويرقصون الحريم في الدساميل

ولابسين الثوب العربي ..وهم يمشون ساروا عند بيت الظبيانيه وأمسويه شربت عطتهم وفيدها جفير

حاطة فيه نقل وجسمت عليهم ..

ومشو وهم وقفو عند بيت أم يوسف وفيدها جفير الحلاوة ونشرت عليهم واليهال يلقطون الحلاوة

هاي الجفران ..

http://www.3sl3.com/up/upfiles/MuS33833.jpg (http://www.3sl3.com/up/)

http://www.3sl3.com/up/upfiles/uR033833.jpg (http://www.3sl3.com/up/)

http://www.3sl3.com/up/upfiles/8Z633833.jpg (http://www.3sl3.com/up/)

لحد وصلوا بيت أم حسن وأم حسن وبو حسن يرقصون في الحوش ووصل المعرس حسون ودشو

الحوش .. والهبان يضرب ويرقصون ووقف الهبان والي رقصون قعدوا يستراحون والي وياهم من الشباب

والحريم واليهال يشربون جاهي وماي وشربت وقعدت أم حسن أجسم نقل في حضنهم ..

الله يديم الافراح على الجميع ..

( عندي هالايام عرس بنت ريلي وسويت الها جفران ليوم الحنة وحطيت فيها حلاوة .. و يقط فقوش ..

وحلاوة برميت ملونه مال أول )

عقبال الجميع أن شاء الله بالزوجات الصالحات والازواج الصالحين والذرية الصالحة أن شاء الله

هاي اليوم سالفتي أن شاء الله تعجبكم وتنال على رضاكم ..

ولد الفریج2
09-14-2010, 11:51 AM
خخخخخخخخخخخخخخخخخخخخخخخخ

یااااسلاام علیج

ش علیک حسوووووون بیعرسونک صرت ریاال:cipollinomuhahavp1:

بس ان شالله تستوی ریاال و تدور لک شغل و تخلی عنک دواره السکیک ویا هالبطالیه :hook2:

والله یاخت عبیر عیشتینه اجواء عرس قبل:154: من خلال هالسرد الجمیل

کانه شریط احداث مصور یدور ف بالی و انا اقرا هالموضوع:p

ع طااری الحجله نسیتی تحااطین صوره الطاووس فی حجله حسوون خخخ

اذکر کاانوا یحطوون صورة او صورتین طااووووووس فی حجلتهم تحت خوص النخل و بجانبها منظرتین

تیمنا باللوون الاخضر و الالواان الجمیله الی یرمز لها الطاووس رمز للفرح و السرور و کانت هالصور معرروفه

عندهم وااید :much:

ان شالله رااح احاطیهاا لکم ..

حتی کانوا قبل بعد مایحسنون المعرس کانوا یودونه تحت الرول و یلبسونه ثیابه هنااک

و کل اهاالی الفریج یشاارک اهل المعرس و یوقفوون معااهم فی فرحتهم


الف مبرووووووک اختی عبیر زوااجهم و الله یدیم علیکم الافرااح و السرور

طرح ممیز و جمیل و سردددد راائع:bee: عجبنی وااید الصرااحه

ربی یعطیج الصحه و العاافیه اختی عبیر ع الموووضووع الجمیل و مااقصرتی

تحیااتی ولد الفریج

الظبيانية
09-14-2010, 01:20 PM
تسلمين و مقصرتي كفيتي موضوع جميل


يو م يحنونه المعرس في واحد من حريم الفريج تتالال و الحريم يسيلن وراها


بصراح محفظه الاهازيج يقولون

في حوشنا دجه و ليوانه

فيحوشنا للخيل ميدانه

في حوشنا معرس يحنون


يو م يحسنونع

فيحوشنا دجه و ليوانه

في حوشنا للخيل ميدان

فيحوشنا معرس يحسنونه موس الذهب يلعب علي راسه


هذي صورة الحنا

http://www.3sl3.com/up/upfiles/xbH51503.jpg (http://www.3sl3.com/up/)


الحجله نقص الصور و خوص النخل و مثل مقال اخوي ولد الفريج صورة الطاوس

http://www.3sl3.com/up/upfiles/FoK51503.jpg (http://www.3sl3.com/up/)


و هذا المعرس حسون و ربعه



http://www.3sl3.com/up/upfiles/8ad51503.jpg (http://www.3sl3.com/up/)

فتي المقام
09-14-2010, 03:12 PM
اكيد عجبتنا اختي عبير . ماشاء الله عليج كفيتي و وفيتي .اخيرررا حسون بعد التعب و المعاناه وصل للي يبغيه
مبروووووك حسون و مبروكين ام حسن و بوحسن:154:
ماشا الله اهل الفريج كلهم حاضرين في العرس احمدو و علوي و يماعو و خماس و خلفان حتي بوصقر حاضر في العرس خخخخخخخخخخخخخ
و الفريج منور اكثر بوجودكم اختي عبير و اختي الظبيانيه و اخوي العزيز ولد الفريج و بالنسبة للصورة ترا يبتها لك عالسريع اخوي العزيز
http://0k.010.img98.com/out.php/i330756_12.JPG

عبير دبي
09-14-2010, 04:00 PM
ياسلام ياسلام على حضوركم وردودكم الرااااااااااااائعة

كفيتوا ووفيتوا في المشاركة وتسلم يمناكم على الصور وعساكم على القوة

عبير دبي
09-14-2010, 04:23 PM
تذكرت هم شي ثاني أن يحطون على البيت نشرات من خلق ملونه مثلثات مخيطه

ويحطونها على البيت

كحيلآن الحمادي
09-14-2010, 08:14 PM
اللهم بارك لهما وبارك عليهما
واجمع بينهما على خير :)
مبروك للعريس والعروسه
بس انشاء الله حسون مايصير مثل امه وابوه ..
مشاكلهم معبيه المنتدى هههه
لاهنت اختي عبير
قصه حلوه ومعبره عن التراث والعادات القديمه
وإنشاء الجاي اجمل واجمل ..

ولد النواخذه
09-15-2010, 12:29 AM
اخت عبير خوووووش قصة جميلة وتعبير احلى وتوقعت بألقى كل الذين بالمنتدى موجودين وكل واحد معطتنا دور

ألف مبروك بس المره الياية تعزمينا

ترى كلنا إعيال عم ما راح نقصر بنقوم بالواجب ونضبط ولدك بنزفا زفة ما صارت ولا إستوت

بإنتظار الجديد

الظبيانية
09-15-2010, 01:23 AM
اخوي ولد النوخذه اهل الفريج و عيال الفريج ايون من دون عزيمه الكل مشارك في عرس حسون

اختي عبير هذا الاعلم الصغير و مثلث بدل اليتات و الزينه الحين

بنطرش جويرية تيمع الاقمش الزايده من خياطة ملبس الناس من عند ام ابرهيم و ام احمد بيان بنات الفريج

بيخيطن الاعلم

دانة النوخذه1
09-15-2010, 02:44 AM
ماشالله عليج اختي عبير دوووووومج متميزه بمواضيعج
خخخخ واخيرا عرس حسون
مبروووكين ام حسن وبوحسن

يعطييييج العافيه....ع الطرح المميز
وهاي صوره صينيه الحنه

http://center.jeddahbikers.com/uploads/jb12845001511.jpg (http://pic.jeddahbikers.com/)


تحياتي....

عبير دبي
09-15-2010, 10:31 AM
الله يعافيكم ويبارك فيكم

مشكوووووووورين على الحضور الرائع

وليد جابر آل بوخلف
09-15-2010, 06:13 PM
اللهم بارك لهما وبارك عليهما
واجمع بينهما على خير :)
مبروك للعريس والعروسه
بس انشاء الله حسون مايصير مثل امه وابوه ..
مشاكلهم معبيه المنتدى هههه
لاهنت اختي عبير
قصه حلوه ومعبره عن التراث والعادات القديمه
وإنشاء الجاي اجمل واجمل ..

ههههههههه هيه والله

يعطيج العافيه اختي عبير دبي على الابداع المستمر و لج فائق الاحترام و التقدير

عبير دبي
09-21-2010, 10:50 AM
العفو من الجميع والله يعطيكم العافية وماقصرتوا

نورتو الموضوع بالردود والتواجد الراااااائع

عساكم على القوة