فـــســـر الـــمـــثـــل

[عبير دبي]

بسم الله الرحمن الرحيم

السلام عليكم ورحمة الله وبركاته

هلا والله ومليون غلا فيكم يا أعضاء عرب الساحل ..

بصراحة أستمتعنا بوجود موضوع المثل الشعبي وموضوع حلو ورائع ..

والبعض بصراحة يعرف المثل بس مايعرف معناه وأستخدامة ..

فقلت بنحط المثل والي أيي يفسر معنى المثل علشان يستفيد منه الاعضاء شو رايكم ؟؟


(( الديك يصقع في البيضه))

يالله خل نشوف تفسيركم :queenie::queenie:

[ولد الفریج2]

خخخخخخخخخخخخخخخ

مثل جمیل و موضوع وااید حلو و فکره رائعه

یمکن یاخت عبیر ف نظری الشخصی لانه البیضه ترمز الی الشی الصغیر و الدیج للشی الکبیر بنفسر

البیضه الیااهل و الدیج الریال المکتمل

ف رایی هالمثل یطابق علی شباب او یهال قبل اکثر من الحین

لانه ناادر نشووف ف هالزمان شباب هاب ریحین

لانه قبل صج کان فیه یهال و هم ف سن مراهقه مثلا دشو البحر و تعبوا

و شقوا ویا اباهم و اثبتوا جدارتهم

بس ماشالله لانه فعایلهم فعال ریاییل کبار قالوا عنهم هالمثل

البیضه تصقع ای تتضع معاالم هالصبی من صغره و یقولون فلان و هو صغیر ریال

خیر مثال اباانا و اجدادنا

الخلاصه من المثل و الله اعلم

یقول الولد من صغره یعامله الناس معاملة الریاال وهو في سن المراهقة أو أقل

هاللی یه ف بالی

مشکوووووووره ع الطرح الممیز و ماقصرتی

ربی یعطیج الصحه العاافیه

تحیااتی ولد الفریج

[فتي المقام]

وعليكم السلام ورحمة الله وبركاته
فعلا اختي الكرىمه يبتيها صح موضوع رائع و يستحق الأشادة به سلمت يمناك اختي
الدبج يصقع في البيضه هالمثل معروف عندنا و المقصود منه الرجل يبين من صغره . بعض الصغار من صغرهم يبين عليهم ملامح الرجال من كلامهم و حركاتهم و ذكائهم و شجاعتهم و تقدر تحسب عليه حساب و مثل ما يقولون ريال البيت و البعض لا يعني هو ديج (ديك) كأنه فروي (فروج) يعني رجال و مثله مثل الأطفال
ارجوا ان قدرت اوصل مفهوم هالمثل الشعبي

تقبلي مروري

[عبير دبي]

الله يعافيكم ويبارك فيكم وجوابكم صح 100 %

مشكورين ماقصرتوا بالحضور ...

تفسير المثل ..

المثل جاء يبين ان الولد من حين صغر سنه تتضح رجولته وشهامته ويعرف من حركاته وتتعلق به الآمال فيعامل معاملة

الرجال وهو في سن المراهقة أو أقل.

[عبير دبي]

يالله المثل الياي ..

ماشاء الله عليكم هبريحين وشطار ههههههه

(( اربط صبعك وكل بينعت لك دواء ))

[فتي المقام]

اعطيكم كم مثال مما مر علي و اللي ينطبق علي هذا المثل (( الديك يصقع في البيضه))
في الحرب الأخيرة علي غزه راينا اطفال في مقابلة مع قناة الجزيره والله يتكلمون كلام جميل و موزون و يوصفون معاناة الحرب و حتي بعضهم يوصف موت عائلته امامه . نسأل الله الكريم ان ينصرهم علي عدوهم و يعلي كلمتهم
و من كم مدة في احد القنوات الفضائيه اجروا مقابلة مع طفل مصري عمره في حدود 12 سنة و هو يخطب بالناس و يلقي عليهم محاظرات عن ظهر قلب . نسال الله ان يحفظه لوالدينه
الشئ المهم في تنشأة الأطفال علي الفطرة السليمه بعد توفيق الله سبحانه و تعالي هو التربية الصحيحة في الحديث قال رسول الله صلى الله عليه وسلم ( كل مولود يولد على الفطرة فأبواه يهودانه أو ينصرانه أو يمجسانه )

[وليد جابر آل بوخلف]

http://www13.0zz0.com/2010/09/24/11/575999355.jpg (http://www.0zz0.com)

المثل الاول مصور

[فتي المقام]

يالله المثل الياي ..

ماشاء الله عليكم هبريحين وشطار ههههههه

(( اربط صبعك وكل بينعت لك دواء ))
هالايام كل واحد منا صار عنده تخصص في كل شيء .واحد اذا فتحت معه موضوع ديني صار لك علامه و عادي يفتي لك في المسائل الدينية و بعد اشوي اذا سألته عن دواء و لا عن مرض :hlp:عافنا الله و اياكم صار لك طبيب متخصص علي اعلي مستوي و اذا دشيت معه في مسائل سياسية تشوفه يتكلم و كأنه وزير امور خارجيه و .... بس ماشاءالله ناقصه شهادات
يعني كافي هلأيام بس تربط صبعك و ببيطلع لك خمسين طبيب من حواليك طبعا بدون ما يدرسون طب و كل واجد بيوصف لك دواء

[ولد الفریج2]

یعطیج العااااافیه اخت عبیر و الاخ فتی المقام ع مجهودکم و اکید تفسیرکم الرائع للامثال


(( اربط صبعك وكل بينعت لك دواء ))



یمکن هالمثل اکثر شی یرمز الی تدخل الناس ف اشیا ماتعنیهم و اشیا ماتخصهم

او بالاحری التدخل ف شوون الغیر من دوون سابق اذن


مشکووووووره ع الطرح الجمیل و ربی یعطیج الصحه و العاافیه

تحیااتی ولد الفریج

[عبير دبي]

تسلمون الله يعطيكم العافيه على التفسير بارك الله فيكم

فعلا مثل ماقال أخوي فتى المقام وولد الفريج ..

يعني ان الناس يحبون ابداء رأيهم واظهار معرفتهم فلا تعمل بكل ما تسمع.

[عبير دبي]

الحين مع هالمثل وفسروه ...

( افلان يسبح على قرعته )

[العليلي]

تفسير المثل (افلان يسبح على قرعته ) ،،،

أيـ منفردا برأيهـ لا يشاور أهلـ الرأيـ والخبرهـ والتجاربـ ،،،

وتسلمين أختي عبير على المثل ،،،

[عبير دبي]

وأنت صح صح صح تسلم على الجواب الصائب يا العليلي

وياحياك الله ويانه منور الصفحة والمنتدى كله

[عبير دبي]

ما هو ني ولا هو ناضي

يالله فسروا المثل

[العليلي]

عبير دبيـ ،،،

يقال هذا المثلـ بالنسبهـ للانسانـ الذيـ لا يستقر على رأى واحد ،،،

والذيـ لا يعرفـ لهـ مطلبـ أو رأيـ واضحـ ،،،

نيـ : نيء أيـ لمـ ينضجـ ،،،

ناضيـ : أيـ ناضجـ ،،،

الله يعطيجـ العافيهـ ،،،

[عبير دبي]

الله يعافيك ياخوي

مشكور وماتقصر وبارك الله فيك

[الظبيانية]

فسرو المثل

الطول طول انخله و العقل عقل اصخله

[عبير دبي]

يعني الشخص كبير وعريض وشكله مايحتاي بس مايفهم ومايوزن الامور ومايعرف يتصرف ..

وفي ناس صغار ويهال بس يعرفون يتصرفون وفاهمين ويوزنون الامور بعقل وحكمة وأذكياء ...