المساعد الشخصي الرقمي

مشاهدة النسخة كاملة : شفتها يانواف صدفه



شقاوة بنوته
10-05-2010, 11:27 PM
شفتها صدفه عند قسم المختبر
شفتها يانـــواف صدفة بعد ما غابت سنين
عند قسم المختبـر وسط مشفى الجامعة
جبيتها ثم قلت ممكن في سؤالي تسمحين
ناظــرت فينـي بدهــشة نظره متواضعة
قــــالت انته تـحسبني مــن بنات صايعين
تـحسبني في زماني عن طريقي ضايعه
قلت أنا ما راح أطول كـل أبوها كلمتين
وأبعــــدت عني شويه ثم جتنـي راجعـه
قـالت أسال واضح انك من رجال طيبيـن
بس هرجك يالسنـافي كان وشهوة دافعـه
قلـــت أنا حبيت وحده يوم كنا صغيـرين
ومن ثمان أسنيـن راحت للمواصــل قاطعـه
عقبهـا مــا ذقت نـوم يهتني به النايمين
ســاهر في طول ليلي لين شـمسي طالعـه
اذكر انه فيه حبه فـوق ثغـره مـن يميـن
واذكـر انه لا جــرينا كـــــان شعـره تابعـه
واذكر انـه عـــاشـق فالــورد الياسميـن
صـــــار قلبي بالورود اللي عشقهـا زارعـه
طابعا اسمه بقلبي فيه سين وفيه عــين
وفيه ألـــف وفيه دال وســط قلبـي طابعـه
قاطعتنـي بقولها سبحـان رب العالميـن
كـــررتـها مــــــره ومــــــــــرتيـن ورابعـه
قلـت وشفــيك وشبـلاك بابنيه ترجفـيـن
ليش عينك يابنيه مـــــن كـــــلامـي دامعة
قــالت الموقف وقلبي والمـحبة والحنين
كــيف أشـوفك بعد مــــا كنت عنك قانعة
قلت أنا بسالك أن كأنك أنتي تذكرين
عــن مواثيـق ثـمنها مــــن حــياتـي دافعـه
قالت ظروف الزمان ما تطيع العاشقيـن
بيعونـي غـصب حـــبك لو هو ماني بايعـه
أنا في دنياي حالي كنها حال السجين
حتى لــــو فكـــوا سراحه فيه شي مانعـه
زوجوني غصب واحد وحرموني حاجتين
السعــــادة فـي زمانـي والحيـــاة الرائعة
والحين أنا أم لثلاثة عندي ريم وياسمين
والولد ا سمه على اسمك والمشاعـر جايعـه

عبير دبي
10-07-2010, 12:06 AM
كلمات جميله لو كانت من كتباتج واصلي أبداعج بالكتابه

ولو كانت منقوله تسلم يمناج على النقل وماقصرتي

العليلي
10-07-2010, 01:05 AM
أبياتـ فيـ منتهى الروعهـ والإبداعـ ،،،

تسلمينـ ،،،

الله يعطيجـ العافيهـ ،،،

فهد بن عبدالله الحمادي
10-07-2010, 07:54 PM
يعطيج العافيه اخت شقاويه عالنقل الجميل

ملاحظة .. لم يتم ذكر المصدر ( منقول / قصيدي ) يرجى التوظيح ويرجى التفظل لقرائة قوانين قسم الشعر

يعطيج العافيه

العجبري
10-07-2010, 08:40 PM
سبحان الله على الكلام الجميل


الصراحه من كثر ماكانت القصيده فنااانه ومشوقه



استمتعت وانا اقراها وكان المشهد في خيالي وانا اقراها



سبحان الله الكلام بسيط بس جميل جدا وفيه كل التعابير الجميله



اشكرج على هالقصيده الزينه يا شقاااااااااااااااااوه


كثري من هالزين وزيدي

شقاوة بنوته
10-07-2010, 09:38 PM
اسفه نسيت اكتب منقول بس كل القصائد اللي انزلها منقوله

تسلمون اسعدني مروركم

فهد بن عبدالله الحمادي
10-07-2010, 11:17 PM
الاخطاء وارده طال عمرج والاصح منه هو تصحيحه يعطيج العافيه الى الامام انشاءالله

ولد تمبو
10-08-2010, 01:47 AM
يعطيج العافية اختي علي النقل والقصيدة الجميلة...

صرااااحة وااااااايد حلوة وعجبتني...

الله يعطيج الصحة العافية...

والــي الامــام يــا رب




تحيــــ ولـــد تمـــبـــو ــــاتي

الظبيانية
10-08-2010, 02:17 AM
تسلمين اختي علي النقل ابيات جميله

شقاوة بنوته
10-08-2010, 04:20 PM
تسلمو اسعدني مروركم منورين