المساعد الشخصي الرقمي

مشاهدة النسخة كاملة : حـــســـون وبـــويــــعـــل



عبير دبي
10-07-2010, 04:03 PM
بسم الله الرحمن الرحيم

السلام عليكم ورحمة الله وبركاته

مساكم الله بالخير ياأهل عرب الساحل .. أشحالكم شخباركم أن شاء الله بخير ..

يحليلة ولد الفريج مفتقدين سوالفه وخواريفة عن بوحسن وأم حسن بعد ماصاروا مشهورين على يده

ودرهم :nzd::nzd:

الله يرجعة بالسلامة أن شاء الله ويا خراريفة الي تونس وتشرح الصدر

والسموحه من أخوي ولد الفريج اليوم عندي هاي السالفة ..:lam::lam:

أمي أمي ها حسون وش بلاك وش علامك . لا تخافين مافيني شي ليش كلما نهميت عليش ولا قلت

الش شي جبدش تنبط .

أنت ياحسون ماي من وراك الا المشاكل والمصايب .:109::109:

أمي باقولش وش أستوى اليوم وي أحمدوا خليته يرفع دشداشته على راسة ويركض من الخوف ..:shocked::shocked:

حسبي الله عليك ياحسون وش سويت في ولد الناس تبي تخوفه وجبدة تنبط ويموت من الخوف ورحنا

نبتلش في موتته

لا أمي مابيموت بس شوي من خوفه بيمرض وبيصيبه بصفار من الخوف وبيطيح في الفراش ..

أنزين قولي وش سويت فيه ..

سرنا في الفريج وي أحمدو ووليدو وخالدو ومرينا صوب الزرايب ورحنا نمشي جافيت بويعل يمشي ويدفر

جدامة كورة

جان أسير وأجوفه وشليته وفريته على أحمدوا الخواف وحزتها مات من الخوف وأنهزم :f60952e1::f60952e1:

أنت ياحسون ومتخاف من شي أجان باجر أمه يت الي وقالت حسون وش مسوي في أحمدوا بقول عندكم

أياة :157::157:

متيوز عن سوالف وفعايلك ونقول أستويت ريال وعرسيت الله يهديك يا ولدي

شو هو بويعل ..

سألت أمي وسألت الظبيانية قالوا مثل الخنفسانه شوي أكبر لونها أسود وتيمع وساخة وتسويها كرة

وتدفرها جدامها ..

أسود ليل ما هو بليل يحفر غار مثل الفار وما هو بفار ؟

البويعل :biggrin2::biggrin2:

وهم يقولون زعل بويعل ههههههه

شو البصفار ..

هو مرض وهو اصفرار العينين واصفرار البول بشدة

البصفار بروحه يبيله موضوع نكتب عنه وعن علاجه

مع السلامة وأشوفكم على خير أن شاء الله :154::154::154:

أحمد الحوسني
10-07-2010, 04:31 PM
وعليكم السلام ورحمة الله وبركاته

مواضيعج حلوة يا عبير والله انج ظحكتيني وذكرتيني بولد الفريج

بس ليش الخواف اسمه احمدو ؟؟

ليش مب حمود هههههه

الظبيانية
10-07-2010, 04:54 PM
وينك ياولد الفريج ويا سوالفك التراثيه

بوحسن و ام حسن هالايام مالهم حس في الفريج الظاهر الحين حسون طالع عليهم مسوي مشاكل في الفريج

اتذكر يوم كان صغار اندور وين مكان البويعل ان صب في بيت ماي حتي يطلع

دجبت احمدو جبده من بطه من الخوف البويعل ميخوف


تسلمين يالغاليه علي الموضوع

وليد جابر آل بوخلف
10-07-2010, 06:42 PM
ههههههههه بويعل بعد ما سلم منكم


يعطيج الف عافيه اختي و موضوع جميل بارك الله فيج و الله يرجع الكاتب الادبي ولد الفريج

تحياتي لكم و سوالف طيبه بلهجه عرب الساحل

فتي المقام
10-07-2010, 06:56 PM
وعليكم السلام ورحمة الله وبركاته
مساج الله بالخير اختي عبير
ماشاء الله عليج يا بنت الفريج ابدعتي
يعطيج العافيه
و علي اخبار ولد الفريج هو بخير و ايسلم عليكم كلكم و انشاء الله عن قريب يرجع للمنتدي

عالفكرة استخبارات الفريج قدرت اتصور الدعلي (بويعل) و كورته اللي هالحسون الشر امخوف احمدو :132:
http://0k.012.img98.com/out.php/i401863_daallai.jpg

الظبيانية
10-07-2010, 07:14 PM
ههههههههههه ههههههههههههه

استخبارت الفريج مينخش عنها شي مشالله امتابعه المواضيع اول باول

عيال سوتلي تلفون عبير تسالني عن البويعل خخخخ وانا في مكان عام تبي بويعل هههههه

زين يافتي المقام يابيت الطلب لعبير لان معشت مع البويعل ولا شفتنه



تسلم يا صبي يافتي المقام و الله يسلم ولد الفريج

بنت الكويت
10-08-2010, 12:38 AM
عبير دام انج ذكرتى موضوع البويعل
ودى اعرف ليش دايما نقول زعل بويعل
هل يعنى ان اللى يزعل منا مو مهم عندنا
مثل بويعل
واااى صورته تييب المرض

الظبيانية
10-08-2010, 01:39 PM
كلنا نقول يوم احد يزعل نقول زعل بويعل ليش مدري

احمتل ان البو يعل يوم يعصب يروح يجمع اشياء و يسوي له كوره و يحفر له حفره و يدفن نفسه


نتريا من الاخوان اللي يعرف يفسر ليش يقولون زعل بويعل

ال بوخلف الحمادي
10-08-2010, 04:21 PM
أشكر أختنا عبير دبي على طرحها للموضوع الجميل

وخاصة ذكرتنا بمواضيع أخونا ولد الفريج الله يحفظه ويرده لنا سالم وغانم

بالنسبة سبب تسمية زعل بوعيل بنسأل الشواب

الله يحفظكم جميعا

تحياتي

الخياط
10-08-2010, 11:21 PM
موضوع وخوريفة جميلة

اخت عبير ستبقين مميزة دووم فى مواضيعج

يعطيج العافية

تحياتى

عبير دبي
10-10-2010, 08:26 AM
الله يسلمكم من كل شر

تسلمون على حضوركم الرائع وماقصرتوا ..

تواصلكم وتواجدكم هو كنزلنا لنتعرف على كل شي يختص بعرب الساحل

الفهد
10-10-2010, 08:52 PM
ههههههههه يقطع ابليسج شللي ذكرج فيه ؟ :133:

تسلم يدج يالغاالية وشكرا على هالقصة الجميلة

عساج على القوة

عبير دبي
10-10-2010, 10:16 PM
العفو يامراسلنا الي يحب التراث يبحث عنه لو كان مخشوش ومنساي

تسلم وماقصرت على الحضور وبارك الله فيك

وليد الحوسني
01-20-2011, 10:33 PM
يمكن ماقدر علي الدربيانة يوديهاهدها ويزعل بويعل


تحياتى الجمعيع

عبير دبي
02-01-2011, 10:54 AM
تسلم ياخوي على حضورك وردك

منور وماتقصر

الجبريه
02-02-2011, 06:52 PM
هههههههههههه

حلو موضوعج

يعطيج العافيه

ولد الفریج2
02-03-2011, 01:18 AM
ههههههههههههههه

الصراحه ابدعتی اختی عبیر مووضووع وااید حلو الصراحه عجبنی اسلوبج وااید

خخخخ ماشالله استخبارات الفریج قدرت تصور البویعل بعد خخخخ

قلم ممیز و کلمات احلی واصلی هالاسلوب تری ماشالله عندج مقدره ف الکتابه

کل الشکر و فائق الاحترام لکل من سال عنی بالاخص اختی الظبیانیه و اخوی ابن الرمس و اخوی احمد

و اخوی ال بوخلف و الکل ، طبعاالبرکه فیکم اکید و السموحه ع هالانقطاع

مشکووووورین و مااقصرتوا ربی یعطیکم الصحه و العاافیه

تسلم یمناج اختی عبیر ع هالطرح الاکثر من رائع

الصراحه استمتعت وااید اسلوبج کان حلو

تحیااتی ولد الفریج

عبير دبي
02-03-2011, 08:48 AM
ياهلا ومرحبا فيك ياخوي ..منور الموضوع ياكاتبنا .. الحمد لله على السلامة