الـعامـــلـــــة ...

[عبير دبي]

بسم الله الرحمن الرحيم

السلام عليكم ورحمة الله وبركاته ..

العاملة ...

هي نوع من أنواع السفن والقوارب بس صغيرة الحجم .. وتستخدم فيها المجداديف مب السكان ..


وتوجد عدة أنواع من السفن ( البقارة .. البوم .. السنبوك .. العاملة .. الشاشة .. ) وغيرها من السفن

وصناعة السفن موروثه زمان وتناقلها الاجداد وهي كانت مصدر الرزق الهم في سفرهم وتجارتهم ولا في

صيد السمج .. واسمع أمي تقول العاملة كانت تضغي سمج .. يعني كان يشيلون الالياخ في العاملة

ويطيحونه بحر .. وبعد كم ساعة يسحبونه صوب البر على سيف البحر ..


وهاي صور للعاملة ...


http://www.3sl3.com/up/upfiles/04p85890.jpg (http://www.3sl3.com/up/)

http://www.3sl3.com/up/upfiles/xDr85891.jpg (http://www.3sl3.com/up/)

http://www.3sl3.com/up/upfiles/aW885891.jpg (http://www.3sl3.com/up/)

http://www.3sl3.com/up/upfiles/AdZ85892.jpg (http://www.3sl3.com/up/)

http://www.3sl3.com/up/upfiles/g2N85892.jpg (http://www.3sl3.com/up/)

http://www.3sl3.com/up/upfiles/H6p85892.jpg (http://www.3sl3.com/up/)

http://www.3sl3.com/up/upfiles/HMG85892.jpg (http://www.3sl3.com/up/)

http://www.3sl3.com/up/upfiles/zfw85893.jpg (http://www.3sl3.com/up/)


أن شاء الله الموضوع ينال على أعجابكم ورضاكم

نترككم بحفظ الله ورعايته وأشوفكم على خير أن شاء الله

[بوحمدان الخالدي]

موضوع جميل شكرا لج اختي عبير دبي و مبدعه كالعاده بالتصوير و الفن

[الظبيانية]

الله ياعبير ذكرتيني بالعامله يوم هاجرو الناس تركوها مصطفه علي الحادي (السيف )


كان الوالد الله يرحمه هو يصنع العوامل و الي توا يديد يسنمونها اوشاره او اوشار


كل واحد راعي بحر اقل شي عندو اثنتين لا بعد كل عامله لها اسم مثل وردة او سلمه الشخص يحط اسم الي يحبه



يروحون فيها الغوص و الدفار و الهيال و يضغون العومه و الكنعد و الكباب و الصدى و التبان


للسفر مناطق القريب مب للبعيد مب نفس السنبوك ولا الجالبوت


اكثر شي يستخدمونها في الشتا و الصيف يسون لها ظلل من الخوص و يدهنونها بالصل حتى لا تتلف من حر الشمس


تسلمين يالغاليه دومج مميز في مواضيعج

[أحمد الحوسني]

موضوع مميز

تسلمين اختي عبير وشاكر لج هتمامج بتقديم كل ماهو مفيد

[بوفلاح]

شكرا اختي عبير على الموضوع والشرح الجميل والله لا يحرمنا من ابداعاتج

تحياتي

[عبير دبي]

العفو من الجميع ومشكورين ماقصرتوا على ردودكم وتشجيعكم الرائع

الله يبارك فيكم ويسلم قلبكم نورتوا الموضوع .. هذا هدفي ماعشت ولا شفت الماضي بس أبحث عنه وأتعلم وأستفيد

منه أحس جزء مني ويكمل هوايتي وهي التصوير ...

[وليد جابر آل بوخلف]

ماشاءالله عليج اختي عبير دبي ابدعتي و مجهود يشيد به الله يعطيج الصحه و العافيه

تحياتي لج

[كحيلآن الحمادي]

ما شاء الله إبداع ف اختيارج للمواضيع
ومجهود يستحق الشكر ..
والشكر موصول للظبيانيه ع الاضافه
يحفظج ربي

إضافه :-
من اسماء السفن : البَلَمّ

[الفهد]

شكرا اختي عبير على هالمعلومات الطيبة والصور الجميلة .... ماشاءالله عليج فنااااانه

عساج على القوة

[عبير دبي]

الله يقويكم ويعافيكم من كل شر تسلمون ومنورين الصفحة

ياحياكم الله ومرحبا الساع