المساعد الشخصي الرقمي

مشاهدة النسخة كاملة : العواء و الحمامه ( خواريف فريجنا )



فتي المقام
10-11-2010, 02:32 AM
بسم الله الرحمن الرحيم
اخواني و اخواتي السلام عليكم ورحمة الله وبركاته
كل واحد منا عنده ذكريات جميلة لا تنسي في طفولته و من هذى الذكريات يوم كنا صغار و كن نجلس عند جدتنا و تخورف علينا كل ليله خوريفه حتي ننام
ومن اشهر هالخواريف و اللي اكيد كلكم سامعينها خوريفة العواء و الحمامه
حبت انقلها بصيغة محلية انشاء الله تعجبكم


كان يا ما كان في جديم الزمان كان في فريجنا عواء و حمامه


http://0k.012.img98.com/out.php/i411595_ooa.jpg
http://0k.012.img98.com/out.php/i411596_hamma.JPG

في يوم من الايام العواء و الحمامه كانوا يتلقطون علي الصنية . العواء لقط عظم و الحامه لقطت طعامه و سارو كل واحد منهم فسل لقطته في بيتا و كل يوم يسجون الزرع علشان يطلع . العواء تعب من سجي عظمه يوم يومين اسبوع اسبوعين ما طلع له شي اما الحمامه نبيتت لها فسيله و قامت تسجيها كل يوم
العواء الخبل يوم جاف ما في فايده و يطلع له شي . طلع العظم و طحناه و طبخاه و سوا له مرقة و قام يشفط المرق ششططططط شششششطططط من كثر حلاة طبخة العواء الريحة فاحت في الفريج . الحمامه المسكينه كانت يوعانه واييييييد قالت في نفسها باسير لي رفيجي العواء و باخذ منا اشويت مرق
يوم وصلت عند العواء قالت له : عطني اشويت مرىقه قال لها : المرق للحين حار . سيري حوطي في الفريج له برد المرق تعالي و بجوفين حاط لش المرق تحت العرش
طبعا العواء شرب المرق كله و عقب ما شبع مكرم القارين سواها في الطاسه و لحف الطاسه(يــــــاه يا مكرك يا العواء)
الحمامه بعد ما تعبت من الدوارة يت فرحانه اول ما شالت عن الطاسه ولا ريحة الخياس فاحت
الحمامه المسكينة تمت تدعي علي العواء و سارت بي يوعها البيت
مرت الايام و الشهور و فسيلة الحمامه كبرت و استوت انخلة و سوت خلال و رطب و الحمامة حصلت ثمرة تعبها
و قامت تاكل رطب كل يوم


http://0k.012.img98.com/out.php/i411597_nkala.jpg

في يوم من الايام و الحمامة فوق النخلة و تاكل رطب ياها العواء و قال لها عطيني ارطبة قالت له : تذكر العظيمه
قال: عيل عطيني خلالة قالت : لا
قال عطيني خايوسة
فلت : لا
قال لها : انزين عطيني شوكه
قلت له : صد وراء و خذت الشوكه و غجتا في ذيله . العواء قام ايصيح واي واي واي و سار البحر و بيغسل روحه و هنا شافه النوخذه يوسف . يوم شاف حالت العواء المسكين فاده عوراه عليه و وداه بيته و عالجاه و تم عنده العواء كم يوم و بعد ما طاب اتشكر من النوخذة و سار بيته علي دربه اتذكر سواة الحمامه قال باسير لها و بارويها نجوم الضحي .يوم دش بيتها جاف البت خالي و محد فيه استغل الفرصة و ياب له قوطي تملا خالي و حطه تحته و ركب النخلة و قام ياكل و ياكل و ياكل و خلا اشوية رطب و الله يكرمكم بعدين الي في بطنه فرغاه في القوطي و من فوقه حطي رطب حتي لا يشك فيه احد و سكر القوطي و حطاه علي جتفه و قام ايدور في الفريج : ما تبون قوطي رطب و تعطوني انعجه . محد خذا عنه الرطب يوم وصل لي آخر بيت دق الباب طلعت له العيوزه ام جسوم خذت عنه القوطي و عطته النعجه
العواء ما صدق اخذ النعجه و ودها اليبل ذبحاهه و كلاهه و ضخ بطنه و رقد


http://0k.012.img98.com/out.php/i411598_yebal.jpg

اما البدبخته ام جسوم وش صار فيها : العصر اعيالها يو من اللعب و يوعانين و قالو ليها : امي امي يوعانين
قالت لهم سيرو فوق الدجه و اكلوا رطب من القوطي . احمدو اول نفر خش يده و طلع له اشوية رطب و كلا
الثاني حسون بعد خش يده و طلع له رطب و كلا و ليما وصل الدور لي جسوم خش يده و طلعها ولا يده متروسه اخياس و قام يبجي و راح لي امه و يوم دروا بالسالفة قرروا ايسرون لي العواء و ياخذون نعجتهم ( اللي كانت في خبر كان ) يوم وصلو اليبل جافوا العواء منسدح في الظلة ضاخ بطنه و عظام النعجه حوله
يوم جافوا المنظروا هجموا علي العواء وضربو ضرب سنة ابساعه خلو ينسي طعم النعجه
خلصـــــــــــــــــت ملصــــــــــــــــــــت
يت الديايه عنفصــــــــــــــــــــــــــــت
الصنية : المكان الذي يجمع فيه النفايات
خايوسه : الرطب الخراب

وليد جابر آل بوخلف
10-11-2010, 05:14 AM
خروفة العوى ( الذيب ) و الحمامه من اشهر الخواريف في الساحل الشرقي للخليج و على فكره الخواريف ما تنقال على الفاضي و الاوليين كان عندهم حكمه و هدف من قول مثل هالنوع من الخواريف و ليومنا هذا شي مثل في الساحل يقول ( يعن عليك الاعظيم ؟) و يقال يوم واحد يبغي يذكر حد بشي سيئ او انه يعايره ،،، مثلاً : احمد يقول حق محمد عطني ماي ، محمد يقوله يعن عليك الاعظيم !!!! يعني تذكر يوم ذيج المره انت ما عطيتني ماي !

الغريب و اللي محيرني التشابه الكبير في الخواريف و القصص يعني قبل ما كان تلفزيون ولا راديو و هالنوع من الخواريف كانت تتنقل و تسرد في كل بيت عربي و حتى في الساحل الغربي لاكن من أين منشأها ؟؟؟؟؟

سبحان الله هالخروفه جميله و يوم اسمعها اتذكر ايام صج اتمنى ترجع و بالذات ريحة الفنر و ذاك النوم الهادي

ما اقول رحم الله والديك و بيض الله ويهك يا الاصيل فتى المقام و تاكد في توثيق خواريفنا و تراثنا و تاريخنا راح تدان لك حضارتنا العربيه الاصيله

اتمنى تسجلون كل ما تعرفون و لو بسيط تأكدوا راح يأتي من بعدكم من يهتم فيه و يبحث عنه ،،،

تحياتي و احترامي

بوحمدان الخالدي
10-11-2010, 05:59 AM
مشكور اخي العزيز فتى المقام خروفه جميله سمعت بها كثيرا و الله يعطيك العافيه على توثيقها

عبير دبي
10-11-2010, 09:11 AM
بيض الله ويهك ياخوي قصة حلوووووووووووه

أول مره أسمعها منك .. الله يعطيك العافيه ويبارك فيك

مشكور ..وعساك على القوة ..

الظبيانية
10-11-2010, 12:32 PM
مشالله عليك يافتي المقام مقصرة خروفه روعه مع الصور

هذي الخروفه مافي بيت ميعرفها في الساحل حق اليهال في خراريف وايد بذات قصة العوا و الحمامه للحين نقولها لعيالنا

يقول عواء و حمامه صار علي صنية كنامه العوا يب عظم و الحمامه يبت طعمه .............


في الاخير الحمامه في النخله و العوا تحت يقول للحمامه عطيني رطبه تقول الحمامه مانيني يفول عطيني بسره تقول مانيني... الخ بعدين قال عطين سليه ( الشوكه ) عطت و شلها و ظرب الحمامه و طحت من النخله

و يا العوا ربت علي ظهر خصف و ركب النخله كل كل لما انطرس بطنه فرغ في الخصف و بعدين طرس الغصف و حط

علي وجهه رطب و راح في الفريج يبيعه


و يدور في الفريج من سكه الي سكه و يقول ( قيصره في انعيه ....... قيصره في النعيه )

طلعت له واحده من الفريج اسمها مهارو قالت تعال ان بشتري من عندك رحت يبت احسن انعجه عندها و عطت العوا

و العوا فرح و بعدين يوم استوا وقت الغدا راحت مهارو تيب رطب حطت يدها اول مره زين اما بعدي طع كل اخياس



السموحه


تحياتي لك

شبيه الريح
10-11-2010, 03:42 PM
خروفه جميله شكرا لك اخي الكريم فتى المقام و وفقك الرحمن لما يحبه ويرضاه

فتي المقام
10-13-2010, 08:36 PM
خروفة العوى ( الذيب ) و الحمامه من اشهر الخواريف في الساحل الشرقي للخليج و على فكره الخواريف ما تنقال على الفاضي و الاوليين كان عندهم حكمه و هدف من قول مثل هالنوع من الخواريف و ليومنا هذا شي مثل في الساحل يقول ( يعن عليك الاعظيم ؟) و يقال يوم واحد يبغي يذكر حد بشي سيئ او انه يعايره ،،، مثلاً : احمد يقول حق محمد عطني ماي ، محمد يقوله يعن عليك الاعظيم !!!! يعني تذكر يوم ذيج المره انت ما عطيتني ماي !

الغريب و اللي محيرني التشابه الكبير في الخواريف و القصص يعني قبل ما كان تلفزيون ولا راديو و هالنوع من الخواريف كانت تتنقل و تسرد في كل بيت عربي و حتى في الساحل الغربي لاكن من أين منشأها ؟؟؟؟؟

سبحان الله هالخروفه جميله و يوم اسمعها اتذكر ايام صج اتمنى ترجع و بالذات ريحة الفنر و ذاك النوم الهادي

ما اقول رحم الله والديك و بيض الله ويهك يا الاصيل فتى المقام و تاكد في توثيق خواريفنا و تراثنا و تاريخنا راح تدان لك حضارتنا العربيه الاصيله

اتمنى تسجلون كل ما تعرفون و لو بسيط تأكدوا راح يأتي من بعدكم من يهتم فيه و يبحث عنه ،،،

تحياتي و احترامي


نعم اخوي ابن الرمس معاك حق كان في خواريف اجدادنا حكمة و كانوا بها يهيئون ابنائهم للحياة بحلوها و مرها و افضل شي لتوصيل هذه الرسالة لأبنائهم هي كانت الخواريف في زمن ما كان في لا تلفزيونات و لا انترنت

الله يرحم والدينا و والديك مشكور اخوي الكريم ابن الرمس علي الرد الجميل

فتي المقام
10-13-2010, 10:14 PM
مشكور اخي العزيز فتى المقام خروفه جميله سمعت بها كثيرا و الله يعطيك العافيه على توثيقها


الله يعافيك اخوي من كل شر و مشكور علي المرور الجميل

فتي المقام
10-13-2010, 10:31 PM
بيض الله ويهك ياخوي قصة حلوووووووووووه

أول مره أسمعها منك .. الله يعطيك العافيه ويبارك فيك

مشكور ..وعساك على القوة ..


وجهج ابيض اختي الكريمة, و احدي الأسباب لتوثيق الخواريف هي ان في كثير من له صلة بعرب الساحل الشرقي و لظروف خاصة ما سمعوا بها الخواريف و انشاءالله نقدر ان ننقل و لو جزء بسيط منها
مشكوووره اختي و ما قصرتي علي المرور الجميل

فتي المقام
10-13-2010, 10:40 PM
مشالله عليك يافتي المقام مقصرة خروفه روعه مع الصور

هذي الخروفه مافي بيت ميعرفها في الساحل حق اليهال في خراريف وايد بذات قصة العوا و الحمامه للحين نقولها لعيالنا

يقول عواء و حمامه صار علي صنية كنامه العوا يب عظم و الحمامه يبت طعمه .............


في الاخير الحمامه في النخله و العوا تحت يقول للحمامه عطيني رطبه تقول الحمامه مانيني يفول عطيني بسره تقول مانيني... الخ بعدين قال عطين سليه ( الشوكه ) عطت و شلها و ظرب الحمامه و طحت من النخله

و يا العوا ربت علي ظهر خصف و ركب النخله كل كل لما انطرس بطنه فرغ في الخصف و بعدين طرس الغصف و حط

علي وجهه رطب و راح في الفريج يبيعه


و يدور في الفريج من سكه الي سكه و يقول ( قيصره في انعيه ....... قيصره في النعيه )

طلعت له واحده من الفريج اسمها مهارو قالت تعال ان بشتري من عندك رحت يبت احسن انعجه عندها و عطت العوا

و العوا فرح و بعدين يوم استوا وقت الغدا راحت مهارو تيب رطب حطت يدها اول مره زين اما بعدي طع كل اخياس



السموحه


تحياتي لك




العفو اختي الكريمه و مشكوره و ما قصرتي علي الأضافة الجميلة

فتي المقام
10-13-2010, 10:42 PM
خروفه جميله شكرا لك اخي الكريم فتى المقام و وفقك الرحمن لما يحبه ويرضاه


جزاك الله خير اخوي و الله يوفقك دنيا و آخرة

اماراتيه هيه نعم
10-14-2010, 12:10 AM
ههههههههههههههههههههههههه

والله ذكرتوني باياااااااااااام ..

يوم كنت صغيره مليت من كثر ما اسمعها والحين نسيتها زين ذكرتوني فيها

واحلى شي عيبني فالقصه الاسلوب المحلي هههههههه والله اقرى واضحك

يمكن فيه ناس ما فهموا بعض الكلمات بس العبره من القصه وايد حلوه :)

مشكور اخوي ما قصرت عالخروفه الحلوه ..~

فتي المقام
10-14-2010, 02:15 PM
ههههههههههههههههههههههههه

والله ذكرتوني باياااااااااااام ..

يوم كنت صغيره مليت من كثر ما اسمعها والحين نسيتها زين ذكرتوني فيها

واحلى شي عيبني فالقصه الاسلوب المحلي هههههههه والله اقرى واضحك

يمكن فيه ناس ما فهموا بعض الكلمات بس العبره من القصه وايد حلوه :)

مشكور اخوي ما قصرت عالخروفه الحلوه ..~


مشكووووره اختي علي مرورج و ذوقج الرفيع

بنت المقام
10-14-2010, 10:05 PM
مرحبا اخوی یا فتی بلادی بارک الله فیک والله الخروفه واااااااید حلوه و ذکرتنی بطفوله احس انی رجعت له 20 سنه قبل یوم کنت صغیره مع تحیاتی بنت المقام لتمنی لک التوفیق

دانة النوخذه1
10-17-2010, 10:51 PM
هههههههههه

یعطیـــــــک العــــافیــــــه قصه رووعه من اکثر الخواریف الی کانو اول یقولونها لنا

تحیـــاتی

الدروازه
10-17-2010, 11:45 PM
ههههههههههههههههههههههههه

یاسلام والله یافتی المقام

عطینی مریقه حار حار ........

یعطیک العافیه یا ولد بلادی علی هالخوریفه الجمیلة فعلا والله ردیتنا 20 سنه لورا و عیشیتنا ایام جمیله مره ثانیه

سقی الله الایام الخوالی

فتي المقام
10-25-2010, 08:04 PM
مرحبا اخوی یا فتی بلادی بارک الله فیک والله الخروفه واااااااید حلوه و ذکرتنی بطفوله احس انی رجعت له 20 سنه قبل یوم کنت صغیره مع تحیاتی بنت المقام لتمنی لک التوفیق


مشكوره وما قصرتي اختي بنت المقام و الله يبارك في حياتج

فتي المقام
10-25-2010, 08:06 PM
هههههههههه

یعطیـــــــک العــــافیــــــه قصه رووعه من اکثر الخواریف الی کانو اول یقولونها لنا

تحیـــاتی

مرورج الأروع و الله يعافيج مشكوره و ما قصرتى

فتي المقام
10-25-2010, 08:08 PM
ههههههههههههههههههههههههه

یاسلام والله یافتی المقام

عطینی مریقه حار حار ........

یعطیک العافیه یا ولد بلادی علی هالخوریفه الجمیلة فعلا والله ردیتنا 20 سنه لورا و عیشیتنا ایام جمیله مره ثانیه

سقی الله الایام الخوالی


الله يسلمك و يعافيك و مشكور علي المرور الطيب