الفرق بين امهات لول و الحين ( للنقاش)

[فتى خورفكان]

ليش البنت رغم انها ماكانت تتعدى ال 15 سنه بعمرها لكن كانت تشيل البيت كامل وبنات الحين لا

[الخياط]

بصراحه
لانه ماكان فى دش وقنوات وافلام تركية
لانة ما كان فى مكيفات
لانة ما كان فى شغالات وهذا العذر الاهم والسبب فى خراب البيوت
لانة الام هى الى كانت تربى البنت هب الشغالة
لانة البنت تستحى من ابوها
لانة البنت ما كانت تبحث عن الصالونات
اكملوا انتو
مع احترامى للجميع ونا مقصد جميع العرب لكن مطلوب هنا الصراحه
احسنت اخوى فتى خورفكان
مع التحية

[الظبيانية]

والله موضوع جميل جدا و بعد للنقاش هذا احل ان شالله اكل يشارك

جزاك الله خير اخوي علي الموضوع

اكيد مابتبخل علينا من الي عندك من مواضيع

[الظبيانية]

بنات الحين ميفكراً مثل بنات اول

الحين البنت تمشي علي الموضة شو الجديد نازل تتريا الخدمه تيب لها اقلص الماي و تشيل شنطتها و تمشي وارها
يبن يدرسا و يشتغلن اذا كان ارجل قادر ليش تشتغل و تترك عيلها علي الخدمه تربيهم

اما بنات اول تعتمد علي نفسها تتعلم الطبخ و خدمه البيت الخياطة و تروح ورا الهوش و تيب الحطب و الماي

لو معندها ام تروح تشوفو تتعلم عند جارتها او مرت عمها او مرت خالها او احد اقربايها حتي تتعلم منهم و تكون ربت بيت صالحه

و كانت تمشي و تستحي من ظلها حتي الناس يتكلمون عليها بالخير و يقولن هذي البنت الثقيل و الزينه

و الام تعتمد عليها في شون البيت تربي اخوانها اذا كانت الام غير موجودة


لي رجعة

[الرحال]

يعطيك العافيه اخوي ويا مرحبا بك انا اشوف انا لكل زمان وطره وناسه حيث ما اريد اظلم بنات اليوم البنت قبل غير واليوم غير البنت قبل صحيح انها تعمل وتساعد في اطار المنزل وعمل العائله هذا لانه لم يكن تعليم ودراسه وتطور وتقنيات ودواير انا اشوف عمل البنت او المرأة اليوم لو قسناه لوجدناه عظيم المرأة اليوم معلمه البنت اليوم مدرسه ودكتوره ومساهمه قويه في المجتمع لو نظرنا من هذا المنضور لوجدناها مساهماتها اكبر من عمل البيت والطبخ والنفخ طبعاً المرأة قديماً ينظرب بها المثل في الصبر واليوم في هذا الزمان ايظاً المرأة لها وجود واضح غير القليل منهن في السابق والحاظر اما عن الراحه والشغالات والرفاهيه فهذي نعمة الله علينا ونحمد الله عليها ونشكره انا طبعاً ضد الاعتماد الكلي على هذي الامور لكن والله اليوم المرأة مساهماتها كبيره لو قسناها بزمان اول اليوم المرأة تساعد الرجل مثل ما كانت المرأة زمان تساعده في الحصاد والرعي اليوم المرأة لو توفى زوجها تدير اسره وتربي ابنائها ولا تمد يدها للاخرين هذي هيا المرأة نفسها لكن اختلفت المهن واختلفت الحياه واختلف الزمان فشكراً وعرفان لجداتنا وامهاتنا في الماضي وشكراً لاخواتنا وبناتنا في الحاظر وشكراً لك اخوي على هذا الطرح

[أم يوسف]

اممم

من بعد رد مديرنا الرحال ماكو رد ردك وافي و ماظلمت احد.. بسء حبيت اعلق على الموضوع..

والله حلو اذا البنت تأدي حقوقها وواجباتها بشكل كامل ..

يعني متطلبات الحياة اكثرت وصار الريال يحتاج الزوجة الموظفة يعني يترتب عليها بهالحالة واجبات منزلية ووظيفية


ووايد بنات قايمين بهالاشغال على اكمل وجه بالرغم من شغلها..


ولو الريال بمجتمعنا يعاون زوجته شوي ويكملون بعضهم وتصير الحياة الزوجية تعاون بينهم جان ماحسينا بالفرق..


وعلى طاري الصالونات ترى اذا ماتعدلت ولا تكشخت قلتوا مهملة ومو مرتبه وعرس عليها ريلها ماعرفنالكم صراحه..


ولازم البنت تهتم بعمرها بكل الاحوال ولانقط اغلاطنا على القنوات ولا الصالونات ترى الغلط في الانسان نفسه..


والله هالحريم كله مظلومات وهالرياييل مايعجبهم شيء..

ومااحس في فرق بين ام اول والحين .. اكبر مثال امي تشتغل وقايمة بامور بيتها وربت عيالها..

باختصار البنت على حسب البيت اللي اطلعت منه شنو عودها وشنو رباها راح تطبقه باسرتها اليديده..

[كحيلآن الحمادي]

أحرجتني طال عمرك ..
أتوقع الرد عند الخدم بالبيوت هههه
أشكر ياالغالي ع الطرح*

[فتى خورفكان]

أشكركم عالردود
أولا كان طرحي للنقاش وليس لتبين نقص في أمهات اليوم لأن من أمهات اليوم من هي بألف رجل
وأنا مع الأخت جويرية دبي بكل كلامها
لكن كان طرحي كالتالي
الأم قديما تتعب طول اليوم من الفجر تخبز وبعدها تحطب وتجيب الماء للبيت وترتب البيت وتطبخ الغدا وتربي عيالها وتجهز العشاء وتخبز وتنوم عيالها وعمرها ما قالت لزوجها تعبانه
والأم اليوم بس تقوم من النوم للدوام وبعدها تتغدا وتنام وتقوم تسولف ويا ربيعاتها ولا تطلع تتسوق وترجع تتعشى وتشوف المسلسل وبعدها تقول تعبانه
((( خل نتكلم بصراحة هل الرجل بدأ يفقد إحساس الأنوثة في زوجته ؟؟؟ )))
واسمحوا لي على الموضوع وجراءتة

[عبير دبي]

بصراحه بعد هاي الردود مافي رد يكفي بعد ... وأخوي الرحال ماقصر عجبني رده ..

بالنسبه لبنت اليوم على حسب البيت الي أهي فيه فيه بيوت فيهم خدم بس هم البنت تتعلم وتدخل المطبخ ونستقبل

ضيوف وتعرف واجبات البيت .. مب أعتماد كلي على الخدم .. أما الخدم طبعا من زمن لزمن غير يعني لو كانوا في نفس

الزمن الماضي بيستون نفس أول وهم حريم أول لو عاشو هذا الزمن بيستون مثل حريم الحين ..

عن نفسي عشت الزمنين زمن ماقبل الخدم وزمن الخدم ..

بس الحين تدريس العيال وتلبية حاجاتهم برع البيت يتطلب وجود خدامه للمساهمه في شغل البيت وغير عيال الحين مب

مثل قبل ... شكرا ياخويعلى طرحك للموضوع وبارك الله فيك

[وليد الحوسني]

اى واللة خوي عندك يا هم

[العجبري]

اول شي اشكرك اخوي على الموضوع الجميل جداا


الفرووووووووق كبيره وكثيره ومتعدده يبالها ايام وايام نتحدث عنها


اول شي الاعلام خرب افكار البنات ودمرها وبعد وياهم شي من الحريم اللي هن اقل من الاربعين وفي الثلاثينات من العمر


الحرمه بالاول كانت المراه والعامله والمربيه وكل شي في غياب الرجل وحضوره


وصل الاعلام الغربي لافكار الحريم من نافذه تسمى الحريه والمساواه وحريه المرأه والمساواة بين الرجل والمرأه


كيف هذا الشي بيكون وكيف تكون الحريه عند المرأه قالوو لازم تشتغل وتحتك ويا الغرب والاجانب وغيرهم من الاجناس


وطبعا هذا من العادات ولا التقاليد العربيه والاسلاميه الحميده


قالو كيف بتسير دوامها بعد هذا كله قالووو لا لا لازم تسوووق وتاخذ راحتها في الروحه والجيه


بعدين قالو العمل يتطلب انها تروح بعثاااات ولازم تخالط رجال وتظهر تتكم بين الرجال والنساء وغيرها


وفي الفتره الاخيره قالو خلاص شددوا على الرجال في العمل وحولوهم للجيش والشرطه وخلو الاماكن الحيويه حق البنات واجه طيبه وجميله وبشووشه للمراجعين


والبلاكبيري والطلعات ودخل الاب والام والاهل والاموووور في النااااااااااااااازل


بعد هذا كله شي بنات محترمات لازمات بيوتهن وعيالهن والله والنعم فيهن ويعرفن للنت وللتطور والتقنه وغيرها وتسمع كلام رجلها


لكن مب انها مقيده في بيتها مثل ما يسميها الاعلام ..... بل بالعكس هاي الحرمه اللي لازمه بيتها ومهتمه في عيالها


وحافظه بيت عيالها وصاينه ريلها وسمعته وشرفه في غيابه وحضوره


وفي اللي رجلها محتاج لشغلها تساعده واداوم في مكان محترم ومافيه مثل الدوامات اللي نجوفها توصل للمهزله .. العفوو


ويا مكثرهن اللي يالسات في بيوتهن وناجحات ورافعات روس رجالهن وعيالهن واهلن بدوون ما تفقد شي من حريتها ولا دينها ولا سمعتها ,,,,, مثل ما صاير هالايام اللي يبا يوصل يضحي .
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,



ولكن بكل اختصار المرأة في القديم كانت تعمل وتجهد نفسها من الصباح للمساء



وتربي عيالها و تحترم وتقوم في واجب ضيوف رجلها واهل رجلها وتسوي الولايم



و ولائها من تطلع من بيت ابوها حق ريلها فقط لو شو ما صار ريلها وبيتها وعيالها وما تفكر تاخذ من الحياه شي ثاني


ما تقول بيت جيرانا ماخذين وانا ابا وما تقول خذ وخذ وتحمله اكبر من طاقته وبل بالعكس توفر وتقتصد بكل ما تقدر وتوفر


يمكن الحريم وبنات هالزمن ما يعجبهن كلامي او انه ينرفزهن لكن هاي الحقيقه والحقيقه واضحه


اكيد الزمن تغير ونحن وصلنا في عصر التكنولوجيا وغيرها من التطور


لكن هالشي مب على حساب احترام الرجل ولا التقليل من قيمته واضعاف هيبته جدام عياله وهله

وانشالله لي تكمله واستكمال الرد كاملاً .............

[الظبيانية]

اخوي العجبري كلمك سليم و في محله وانا معك في كل كلمة كتبتها

[بنت الكويت]

كل زمن يختلف عن سابقه
قبل كان فى وأد للبنات
وبعدها الاسلام كرمها
قبل البنت ما تتعلم ولا تشتغل
كان الزوج والاب اهو اللى ملزوم يوفر لهم
طلباتهم واهى عليها شغل البيت
الحين الوضع اختلف
السالفه مو انها اعتمدت على الخدم
او انها بس تركض ورا الموضه
مثل ما تفضلوا بعض الاعضاء
مع احترامى الشديد لهم
الحين البنت تدرس لمدة12سنه بالمدارس
وعقبها بالجامعه وتتوظف او تكمل
تكبر وتتزوج وتجيب عيال تتحمل المسؤليه
مطلوب منها تتقن عملها على اكمل وجه
ومطلوب انها تجابل العيال وتدرسهم
ومطلوب انها تكون بكامل انوثتها وكشختها
علشان ترضى سى السيد
القصه مو ان بنات اول يختلفون عن الحين
القصه ان الزمن تغير
والمسؤليات اختلفت
وكل زمن حلو بايجابياته وسلبياته

[فتى خورفكان]

أخي العجبري صراحة ردك افحمني
والاخت بنت الكويت انا معاك في كلامك



الآن وبعد مشاركاتكم ت
الجميلة دعوني اعطيكم وجهة نظري المتواضعة
1- انا لست ضد بنات اليوم في اي شيئ كما نوقع الاخ الحوسني
2- البنت قديما كان بيتها الزواج والأولاد هو كل مستقبلها وحياتها
3- بنت اليوم تعددت أولوياتها للدراسه والعمل وإثبات ذاتها وهذا حق من حقوقها وكفلها له الدين والعرف
4- النظرة التي أردت أن ابينها هي اني معها في كل شيء لكن ان تعارض مستقبلها مع بيتها فبنظري البيت أولى
5- وأنا مع آباء وأمهات اليوم في حثهم بناتهم على اثبات وجودهم ولكن أطلب منهم أن يبينوا لبناتهم اولويات الحياة الزوجيه
6- أريد من البنت اليوم أن تفهم أن الزواج والحياة ليست مكياج وتزين فقط
7- أنا رجل وأحب من زوجتي انت تكون أجمل جميلات العالم بتزينها ولكن كذلك أريدها أن تفهم أن كل رجل يريد زوجتة مثل أمه تطبخ وتنفخ وتربي وتتزين وتحسس الرجل بقيمته بالبيت
8- أريد من الأم أن تفهم بنتها أنها ممكن تكون بنت لكن من الصعب أن تكون أنثى
9- بحكم خبرتي بالحياة دعوني أقول لكم معلومة وإسمحوا لي بها فالكل يعلم بحوادث الخيانه من الأوزواج مع الخدامات دعوني أقول لكم السبب بعد إلتقائي بعدد منهم تعرفون ماكان الجواب
كان الجواب
"زوجتي متعلمة وجميلة وتهتم بالتزين لي وتساعدني وليس فيها أي عيب ولكن أفتقد إحساس الأنوثة معها أي بمعنى آخر الخادمة تطبخ وتغسل وتكوي وإذا حتى طلبت الشاي الخدامة تجيب فأنا أشوف خدامتي أثر أنوثتها باحياتي أكثر من زوجتي الي بس تتجمل لي"
10- بنت اليوم حتى لو درستي وشو وصلتي لا تأخذين دور الرجل بالبيت حتى لو بأبسط الأشياء لو مثلا عندك ليسن وسيارة خلي مشاويرك للدوام بس بروحك وباقي المشاوير خليها عليه حتى لو كانت لسوق الخضار لشراء كليو طماطم بس حسسية أنه يفهم أكثر منك حتى بالخضراوات لأنه هني يحس أنك محتاجه لرجولته وشخصيته حتى في هذا الشيئ
11- بنت اليوم لا تتعتمدين عالشغاله في كل شيء على الأقل إمنعي الخدامة من ترتيب غرفة نومك أو تلبية طلبات زوجك لأنه إذا طلب منك الشي مب معناتة انه ماقدر يطلب من الخدامة لكن معناه ابي أحس بوجودك
12- الخدامات شر لابد منة وكذاب الي يقول ما أبي خدامه لكن إن جات نحدد مهامها ويكون الزوج تخصص الزوجة
13- بنت اليوم اذا تزوجتي او إشتغلتي الزوج يقدر تضحيتك له لكن على الأقل حسسية بقيمتك حتى لو يوم بالأسبوع ولا تقولين هذا يوم إجازتي وبرتاح
14- بنت اليوم خلي لك يوم بالشهر بروحكم بالبيت بدون الأطفال والخدامة وخليه يشوفك بلبس البيت ويحس فيك ريحة بيته سواء من تنضيف أو طبخ لأنة سيعرف أن من تهتم به هي بنت ليوم مب الخدامه
15- حاولي ان تكون لك طلعة مع زوجك كل فترة بدون الخدامة وكل فترة بدون الأطفال والخدامة
16- بنت اليوم وجود الخدامة ضروري لكن الزوج يريد ان ينفرد بأبنائه بدونها لأنها ليست فرد من العائلة
17-دائما الخدامة موجودة بالبيت فأنتي تستحين من فعل أي شيئ أمامها وكذلك زوجك فإجعلي على يوم بدووووووون الخدامة لكم بروحكم


وسامحوني على الإطالة لكن هذا موضوع وطرحته حتى نستفيد ولم أقصد الهجوم على بنت اليوم فبنت أختي وزميلتي وزوجة المستقبل وأم أبنائي

[عقاب]

شكرا على الموضوع ويعطيك العافيه

[الظبيانية]

لي الرفع

[عطوور]

مشكووور اخوووي على الموضوع الحلوووو
وانا بنت بتكلم بكل صراااحة وردووا علي عادي انا جاهزه لتقبل الراي الاخر اذا كنت غلطانه
بما اني بنت طبعاااا

الصراحة وشاقول مافي وربي شي نقارن فيه
على قولت امي قبل مايشوفون الجمال والجسم والحركات ومدري ايش يشوفون من بشتتها اكبر "الحشيش اللي تجمعة النسوان"
والحين خلنا نكون واقعيين وربي يجيكم ولد مرات جيكر ويتشرط يبي بنت كذا وبنت كذا
فمعاهم حق البنات يدورون على الجماااال خخخخخخ
وفي شغله ثانيه قالها واحد من الاخوان حسب تربية البيت لو عندها عشر خدامات
والله بعيني في بنات يوم كنت بالجامعه تخيلو تمشي والخدامه شايله شنطتها وكتبها وربي
وشتقولون بصراحه شغله ترجع للرجال بعد المفروض يدوور زوجه ام بيت مو جسم وحركات
بعطيكم مثل : قالوا الحين يبون البنت الضعيفة كل البنات هبوااااا رجييييم
قولوا نبي بنت بيت وشوفوا هههههه
اسفة اني طولت وربي موضوع حلو بالنهايه البنت اللي امها ربتها على المسؤوليه تاكدوا بتشيل بيت مهما كانت ظروفها
والله يحمي بنات المسلمين يارب
http://www.amiraa.com/bsh/uploads/images/amiraa8f383888ef.gif