المساعد الشخصي الرقمي

مشاهدة النسخة كاملة : الدنيا فيها خير



عبير دبي
03-09-2011, 10:54 AM
بسم الله الرحمن الرحيم


السلام عليكم ورحمة الله وبركاته


هلا ومرحبا بجميع الاعضاء والمشاهدين ...


هاالموضوع من الصبح يدور في بالي فقلت أكتب فيه ..


الدنيا فيها خير ...


** الدنيا فيها خير لما تشوف بنت ولا ولد وي أمه ولا أبوه يسولفون ولا يتسوقون وي بعض ولا وياهم بالمستشفى .. برغم أن بعض الابناء مايدرون عن والديهم شي .. ولا يرمونهم في دار العجزة ..


** الدنيا فيها خير لما تشوف الغني يساعد ويعطف على الفقير برغم البخل الموجود والبنوك كلها أرصده ...


** الدنيا فيها خير لما نشوف الأحتشام والستر والتدين في الناس وحضور حلقات العلم والمحاضرات والصلاة في المساجد ..


** الدنيا فيها خير لما الجار يسأل عن جارة وعن أحوال جارة ويشاركة أفراحه وأحزانه ويتصل فيه ويرسل اله مسج ..


برغم ظهور مناطق سكنيه جديده وفلل فاخرة وحديثة ..


** الدنيا بعده فيها خير لما الأخو ولا الأخت سواء من الاب ولا من الأم يحبون بعض وقلبهم على بعض برغم كل واحد أمه


ولا أبوه غير تكون روح الأخوه موجوده أكثر من الأخوان من أم والأبو ...


** الدنيا بعدها فيها خير لما تكون مهموم ومتضايق ولا عندك مشكله ولا مريض وتحصل الي حوليك يداريك


ويخافون عليك ...


** الدنيا فيها خير لما تشوف شباب منتظمين بالسير ويسوقون سيارتهم بدون تهور وطيش برغم وجود أفضل السيارات


والتقنيات والشوارع المفتوحه ...


*** وغيرها من الاشياء والامور الي بعدها فيها خير ...





من سوالف عبير دبي ..

بوحمدان الخالدي
03-09-2011, 12:36 PM
الدنيا فيها خير دام ناس شرواج فيها ( ناس تهتم بتاريخها و اصلها و تتكاتف مع ابناء قومها بدل الانشغال بتفاهات الحياة )

كلام جميل نابض من طيب اصلج

تحياتي لج

وليد جابر آل بوخلف
03-09-2011, 04:14 PM
مازالت الدنيا بخير اختي عبير دبي

كلمات معبره شكرا لج

كحيلآن الحمادي
03-09-2011, 07:05 PM
لاهنتي أختي عبير على عطائج المستمر ..
يحفظج ربي*

الخياط
03-09-2011, 08:30 PM
اخوى ولد الاصول شكلك تقراء افكارى هههههه

احسنتى اخت عبير ولله الحمد
مع التحية

عبير دبي
03-10-2011, 01:49 PM
تسلمون وماقصرتوا وبارك الله فيكم على الأطراء

هم أنتو الخير والبركة الله يعطيكم العافيه وماقصرتوا

أم يوسف
03-12-2011, 03:57 PM
مثل ماقال ولد الاصول

الدنيا فيها خير دام ناس شرواج فيها ( ناس تهتم بتاريخها و اصلها و تتكاتف مع ابناء قومها بدل الانشغال بتفاهات الحياة )

شكرا على الموضوع الجميييييل بالفعل.||~

عبير دبي
03-17-2011, 11:50 AM
تسلم يمناكم على الأطراء وبارك الله فيكم وفي تواصلكم الدائم

بنت الكويت
03-19-2011, 11:49 PM
موضوع حلو لانى اعيشه هالايام
الام والاب مهما نسوي لهم ونخدمهم
ما نطلع من يزاهم والله
انا حاليا فى بانكوك مع امى وابوى
لما يقول لى ابوى
مشكوره او يزاج الله خير
قسما بالله تدمع عيونى من الفرح
الحمدلله على نعمة الاسلام
وان الله جعلنا بارين فيهم فى الكبر

الرحال
03-23-2011, 12:52 AM
شكراً عبير دبي يعطيج العافيه يزاج الله خير

عبير دبي
03-23-2011, 10:43 AM
الله يعافيكم ويحفظكم من كل شر

تسلمون منورين الموضوع وبارك الله فيكم