المساعد الشخصي الرقمي

مشاهدة النسخة كاملة : الراي والراي الاخر



عطوور
04-14-2011, 12:08 AM
http://www.5reeef.com/up/uploads/images/5reeef.com-5e30aca805.gif

مرحبا اخواني وخواتي الاعضاء
شلونكم ان شالله بخير
المهم اول شي هاي اول موضوع لي عاد مدري حاطته بالمكان الصح ولا لا
تلاقون المراقب بيشوت الموضوع الحين :bud:
بصراحة نبي المناقشة والحوار بهاي الموضوع يعني قولوا رايكم ولاتهتمون مافي رقابه :161: هههه

الموضوع هو "مارايكم بالاعراس قديما وحديثا"

ماقصد قديما زمان جدي لا اقصد قبل 10 او 15 سنه انزين

ملاحظه : :bud:مانبي شكرا ومدري شو قولو رايكم :bud: تبي الهوشة ههههه

يالله بالتوفيق للجميع يارب

نصوري قح
04-14-2011, 02:30 AM
عن جد أصراحة الفرق شاسع
بس ماراح أقول غير ربي يرحم زمان أول
زمن البساطة والقناعة

الحين الشاب يغرق في الديون و ما قادر يدفع المهر و بعض الخرابيط

والله يكون بالعون الصراحه و هذي مشكله اجتماعيه يوم بعد يوم تتفاقع لتصبح اكثر صعوبه و ترفع من سن الزواج

عطوور
04-14-2011, 02:57 AM
عن جد أصراحة الفرق شاسع
بس ماراح أقول غير ربي يرحم زمان أول
زمن البساطة والقناعة

الحين الشاب يغرق في الديون و ما قادر يدفع المهر و بعض الخرابيط

والله يكون بالعون الصراحه و هذي مشكله اجتماعيه يوم بعد يوم تتفاقع لتصبح اكثر صعوبه و ترفع من سن الزواج



اولا مدري انت وين موقعك بالخليج ولا بفارس
والله ياخوي معاك حق باللي قلته والله يكون بالعون

والله يازين زمان اول والناس عايشين ومافي فقر وعلى نياتهم شوف الحين

يعني المشكله بالديون بس
طيب وطريقة الناس الحين وشرايكم فيها فترة الخطوبه وطلبات العروس وربي صرنا نفس العجم
ولا انتوا وشرايكم
والف شكر يا ولد النصور
http://www.roro90.com/vb/imgcache/2/37166roro90.gif

الظبيانية
04-14-2011, 10:17 AM
ههههههه لتخافين محد يقدر يشوت الموضوع و الحكم واقف مصفر للحين

هذا الموضوع يبي نجهز له عدل نخاف تستوي اهواش صج


الفرق كبيييييييييييير بين زمان و الحين

صبر علي افضي روحي اشو من مشويري بعدين بعقد لج قعده

احسنتي اختي عطووور علي الموضوع


اتريوني برجع







صبري علي اشوي

الخياط
04-14-2011, 01:07 PM
زواج وعرس اول مافيها تكلفه ولا اسراف ولا تبذير. ناس على الفطره بطاقات الدعوه ابو العريس من العصر بعد الصلاه يعزم الجميع حياكم الله الغداء و العشاء في بيتنا على زواج ولدي فلان على بنت فلان يوم العرس من الظهر يجتمع المعازيم من بعد صلاه الظهر عند بيت ابو المعرس بكل بساطه ولا تكليف ...
يسولفون عليه الشواب انة قبل فقط قلة تمر او جلة او كلة,, إخصفة تمر هى رشوة الحرمة والمهر بعد شى رمزى او بالمشخص يحسبون الها يعنى اهم شى عندهم الستر هب الطقطقة والرنة والونة ونهار ثانى بيت ابوها شو بلاها طلع الولد يحب وحدة ثانية وكل يوم موضة والسبب شو اهتمامنا بالكماليات لانة محد ونسينا اشوى اشوى سنة النبى صلى الله علية وعلى اله واصحابة وسلم اجمعين ((إذا أتاكم من ترضون دينه وخلقه فزوجوه)) ارجوا من الاخوان ان يوضحوا هل هذا الحديث صحيح ام لا لانة سمعت انة ضعيف او خطاء باللفظ وستاكد لاحقاً ان شاءالله
الحين ما يسئلون الريال يصلى او ملتزم شوفوا شو يداوم المنصب كم رصيدة يقدر يحط خدم دريولية وما سئلوا الريال كم جزء حافظ من القران الكريم صلاة الصبح متى يصليها او فى المسجد او تارك الصلاة بالمرة والعياذوا بالله
والله انا من رايى الى ما يصلى حتى ما احطة يرعى غنم الله يعزكم
سوالف وايدة والموضوع بروحه يتشعب لانة الاخت طرحت موضوع مجبوس مخلوط من كل شى

بطايق عرس زمان
http://im2.gulfup.com/2011-04-14/1302766986231.jpg (http://www.gulfup.com/)

http://im2.gulfup.com/2011-04-14/1302766986562.jpg (http://www.gulfup.com/)

والحين لازم جى تعزمهم والا محد بييك يقولك بعد الى يصير بدون عزيمة ايلس بدون افراش ههههه(لعوزتونا)

http://im2.gulfup.com/2011-04-14/1302766067551.jpg (http://www.gulfup.com/)

سنه 1930
الأب : الضيف إلي جاي عندي خطبك الحين وانا اعطيته كلمه ، يالله تجهزي علشان عرسك قريب.
البنت : إن شاء الله أبوي .
سنه 1960
الأم : الاسبوع الجاي عرسك ' مبروك '.
البنت : إلي تشوفيه يمه ، وعلامات الرضى على الوجه (^_^)
سنه 1970
الأم : انتي محيره لولد عمك والعرس بعد شهر ، ألف مبروك
البنت : سكوت وجه مملوء بالخجل (^_^) والفرحة
سنه 1980
الام : ابن فلان تقدملك موافقة ولا لا ؟
البنت : صارت تدلع
تقول : ' لا لسا صغيره ' ( سبحان مغير الاحوال)
سنه 2000
هوب هوب هوب البنت صارت تسأل وش اصله وفصله وش يشتغل
و عن حالته الماديه .... وبعد كل هذه الاسئله والكل ينتظر الجواب
ترد عليهم : الرجال كبير ، يعني مو حلو بالعربي افهموا
سنه 2004
إنعكست الآيه والبنت تتشرط وتقول : ابي اجلس معه
وأتعرف عليه اكثر عادي موغلط وبالأخر موموافقه
سنه 2008
البنت : شوفي يمه ، حبيبي جاي يخطبني اليوم موافقين ولا مو موافقين ؟
وحتى إذا مش موافقين راح أتزوجه غصبن عنكم .
سنه 2010
البنت : اناحبك ومستعده أتزوجك !! أنا موافقة وإذا ما تتزوجني راح أنتحرر
سنه 2015
البنت : اليوم خطبتي يا بابا ..... لا تطلع من البيت اوكي ,
الاب : كويس اللي قلتيلي قبل بكم ساعه
سنه 2020
البنت : بابا بابا الاسبوع الجاي عرسي وانت معزوم
لا تنسا تكلم عمامي وخوالي واللي تبي تعزمهم بس حدك 50 شخص !!!
سنه 2030
البنت : بابا أعرفك ب فادي ولدي...
الأب : ليش أنتي تزوجتي؟؟
البنت : بصراحة ما كان عندي وقت أخبرك.

نقلت الموضوع فقط للترفية واعرف انة قديم هالكلام

يعاني الكثير من الشباب من كثرة مصاريف الزواج , فبعد المهر والشبكة وغيرها من تجهيزات الاعراس اطلت علينا في الفترة الاخيرة صالات الافراح لتضع من نفسها عقبة جديدة امام المقبلين على الزواج.

صالات الافراح اصبحت ضمن القائمة الطويلة التي ترهق ظهر من يقدم على الزواج
حيث شهدت اسعار تاجيرها قفزة كبيرة .. والمتضرر الاكبر هو الشباب

في ظل ارتفاع الاسعار هذا لماذا لا نشاهد تدخل حكومي في هذا الشأن؟ .. لا سيما وأن تأخير سن الزواج أو العزوف عنه سيلقي بظلاله على المجتمع نفسه عاجلاً أم آجلاً

شوفوا الطبخ زمان
http://im2.gulfup.com/2011-04-14/1302765288381.jpg (http://www.gulfup.com/)
مب سالفة بخل او مدرى شو السالفة قناعة
http://im2.gulfup.com/2011-04-14/1302767836241.jpg (http://www.gulfup.com/)

نسوى بس بالعقل هب تبذير
http://im2.gulfup.com/2011-04-14/1302767836452.jpg (http://www.gulfup.com/)

كل شى غير حتى بعد الزواج
http://im2.gulfup.com/2011-04-14/1302766728801.jpg (http://www.gulfup.com/)

الحين واحد بيقول ياخى الله منعم علينا ولازم جى نسوى وما لازم نبخل!! طيب ياخى الفقير يشوفك انتة جى تسوى ويوم يروح يخطب تلقى الشروط محطية عندة الباب,,, البند الاول ابى عرس شرات عرس بنت الجيران يالله من البند او المادة الاولى يشرد الخطيب وبتم الابنية يالسة تتريا واحد يرضى بجميع البنود المعجزانية او التعجيزية,,نصيحتى الى كل شاب وكل شابة تريد ان تتزوج ان تكون قنوعة ,,,والله انة الاناسة والراحه مب فى التبذير,,, انا اعرف ناس تزوجوا زواج عادى وما شاءالله عليهم احلى عيشة عايشين وهذى القصص كلكم تعرفونها وفى ناس تزوجوا على قولتنا فى فندق!!!!!!! وكله هوشة وضرابة على قولة اخت عطور لانة هذول فى بالهم لازم كل شى راقى كل شى جديد ويلبسون وياكلون ع الموضة ولين يغرقون من الديون لكن الحمدالله امس قريت خبر حلو فى الجريدة والله
أظهرت إحصاءات “صندوق الزواج” أن 8 حالات طلاق فقط، وقعت بين المستفيدين من منح “الصندوق” العام الماضي والبالغ عددهم 1485 مستفيداً، بنسبة 5 في الألف، ما يؤكد نجاح برامج التوعية التي أطلقتها “الصندوق”. الحمدالله

الله يهدينا ويهديكم جميعا ويستر علينا وعليكم ويرزقنا الذرية الصالحة
احسنتى اختاة ع الطرح
مع التحية

الخميس 11 جمادى الأولى 1432

كحيلآن الحمادي
04-14-2011, 02:28 PM
أختي عطور اذا بتعرفين اذا في فرق ولا مافي
اول شي أنظري لقلوب الناس اذا كانت تختلف عن اول ولا .. لآ
إذا تختلف .. ؟
شوفي ايهي أحسن ..
بعدين تعرفين بأي زمن العروس أفضل << أدري تفلسفت شوي :)
أشكرج على أثارت الموضوع عشان الواحد اذا بيتزوج يعرف الخير وين والشين وين ..
يحفظج ربي*

عطوور
04-14-2011, 05:28 PM
[QUOTE=الظبيانية;38744]

ههههههه لتخافين محد يقدر يشوت الموضوع و الحكم واقف مصفر للحين

هذا الموضوع يبي نجهز له عدل نخاف تستوي اهواش صج


الفرق كبيييييييييييير بين زمان و الحين

صبر علي افضي روحي اشو من مشويري بعدين بعقد لج قعده

احسنتي اختي عطووور علي الموضوع
اتريوني برجع


[SIZE="4"][COLOR="DarkOrchid"]بنطرج غصبااا عليج اصلا ههههه
حيالله باحلى ظبيانية والله منوره الموضوع يا الغلا

وبعدين احلى شي الهواااش :bud: خخخخخ بس على الخفيف
وقولي رايج وانا اختج وجنه العيد:nzd:
ناطرينج يا الدووبااا
http://www.aspidernet.com/spidernet_upload/ico/www.aspidernet.com-icon19.gif

عطوور
04-14-2011, 05:39 PM
معليش اخوي " الخياط " ماقدرت اسوي اقتباس لكلامك

ماشالله انت مسوي موضوع والله بالصور والكلام الحلو والمميز
والف الف شكر على ردك على موضوعي

وجهة نظرك في مكانها والله بجد ماعندي رد على كلامك غير الله يقويك

الحين الاعراس تبذير صح
بس وشرايكم بالاطباع وخاصة وقت الخطوبه <<<< بتنضرب هههه
اقصد امانه الحين تشوفون البنت والولد مو متزوجين وتطلع وتدخل عادي جنه العيد
وكثير لاحظته والله واسمع فيه انتوا وشرايكم مع او ضد :cipollinoincazzatou
وسؤال ثاني هل البنت ظل عندها حياء مثل قبل :daz:
واهم شي بالنهايه نحتفظ بتعاليم دينا وبعاداتنا وتقاليدنا اتحفونا بااارائكم ؟؟؟

ومشكور اخوي الخياط دايما مبدع ومتميز بردودك يعطيك العافية

http://quran.maktoob.com/vb/up/1682676602254726086.gif

عطوور
04-14-2011, 05:46 PM
أختي عطور اذا بتعرفين اذا في فرق ولا مافي
اول شي أنظري لقلوب الناس اذا كانت تختلف عن اول ولا .. لآ
إذا تختلف .. ؟
شوفي ايهي أحسن ..
بعدين تعرفين بأي زمن العروس أفضل << أدري تفلسفت شوي :)
أشكرج على أثارت الموضوع عشان الواحد اذا بيتزوج يعرف الخير وين والشين وين ..
يحفظج ربي*



مشكور اخوي عسااف على ردك

بالعكس انت ماتتفلسف قد ماتقول حقيقة وواقع نعيشة
والله الناس بهل الزمن مافيهم غير الطمع والحسد وكلما زاد الخير كلما زاد البخل
الله يدوووم النعمه علينا يارب
ومهما صار اصابع اليد مو سوا يعني فيه الزين وفيه الشين
وبجد ردك دليل على طيب اصلك ياخوي مشكور وبالتوفيق يارب

http://www.p-yemen.com/highstar/arog4/p-yemen1%20(170).gif

عبير دبي
04-15-2011, 11:59 AM
موضوع وطرح حلو تسلمين يالغالية

طبعا الأخوان والخوات ماقصروا كتبوا بالموضوع والله يعطيهم العافية

الظبيانية
04-15-2011, 04:21 PM
الفرق بين العرس قديما و حديثا

قديما

بصرح انا بقول الي عندي و صائر علي الحقيقة

في اول الثمنينات الي اخر

التكاليف بسيطة

الملابس مع الخياطةمع تجهزات و لوازم العروس كل و اذا كثر 1500 الي 200 درهم

اما الذهب درن حيول و شبكة و كم خاتم و مريه و الشغاب كل تقريبا 100 الف

يعني الحاضر كل ميوصل 1500 الف طبعا ام المعرس تجهز العروس اشيا بسيطة

اما ثوب العرس خلو علي صوب مايكلف 200 درهم قماش ابيض تور و الخياطة اكلوس او اشوي كسرات في



العروس بيت اهلها و المعرس اهله


اهل المعرس يجهزون لوازم الكل و الطبخ و مايلزم للعرس مع الطماشة

و اهل الفريج و الاهل يتعونون حريم و رجال كل مايكلف يمكن 2000 درهم


اما الحين الاهل ميعرون شي عن العرس


حديثا : الواحد ينربط لسان من الصرف

المعرس و العروس هم يحجزون و ماعلي المعرس الي يدفع اقل شي حجز الصاله 100 الف


ثوب العروس بتلبس ساعة واحد اجار 10 الف و ما فوق

هذا الي مايصرف و محافض يعني الفقير يصرف له 500 الف

من غير حفلة الخطوبة كنها عرس


لي رجعه

عطوور
04-15-2011, 04:53 PM
موضوع وطرح حلو تسلمين يالغالية

طبعا الأخوان والخوات ماقصروا كتبوا بالموضوع والله يعطيهم العافية


هلا وغلا بعبير والله

ادري ماقصروووا بس ابي بعد اعرف رايج
طيب بسالج انتي مع اوضد
الرجال والمره بهل الزمن بس مخطوبين يعني ملجة يطلع ويدخل وياها عادي
انتي موافقة ولا معترضة على هل الشي
تجين وتردين ناطرتج انزين ههههه بتنضربين تراااا :175:
ومشكوره على ردج يا الغلا
http://alfrasha.maktoob.com/ups/u/12494/14743/212927.gif

عطوور
04-15-2011, 05:01 PM
هلا ومية غلا باحلى ظبيانية
اخيرااا رجعتي قضيتي مشاويرج هههههه اكيد السووق :imim:
والله يا الغالية شاكره لج مرورج الحلو بجد ماتقصرين

والله معاج حق بالخساير لا وتعالي كله يقولون منا حنا يا البنات :734:خخخخخ
بس بيني وبينج كلامج صحيح والبركه بالقليل والله
بس امانه مو كل شي غالي يعني مظطرين ههههه
بالنهايه يرجع للاتفاق بين الزوج والزوجه

تعالي خلينا اناقش الشغله الثانيه
ظبيانية قوليلي وشرايج ببنات اليوم وقت الخطوبه الملجة وربي في ناس تطلع وتدخل وياه عادي ابي رايج بهل الموضوع
ناطرتج ترى مو تقولين مشاااوير بعد هههه
http://www.amiraa.com/bsh/uploads/images/amiraab2c1d1e045.gif

الظبيانية
04-16-2011, 12:03 AM
ياختي هالايام الرجل و المراء يركضون مملحقين

هو صحيح علي زمنا غير و زمن بنات هالايام غير


الخطبة الحين صارة نفس حفلة العرس
بعد حسب المجتمع الي عايشه في البنت مب كل واحده فيهم عادي عندهم بعد مايعقد عليها تروح و تيي عادي

بعد صارة اي مشكل بسيطة قالت مابي بطلق هذي حصلة وايد قبل الدخول انفصلو

اما في بنات ماتظهر مع ابدا الي اذا احد معهم للحين محافضين علي عاداتهم القديمه


اختي الحين كل شي غير و المصاريف كثرة

انا زوجة ولد و بنت بروحي جهزيتهم الحمدلله الله سهل في القليل و عرفة الانسان يقدر يحاسب علي المصارف العرس

ال

عطوور
04-16-2011, 01:21 AM
فديتج يا الظبيانية دايمااا ماشالله ماتقصرين بالردود
يعطيج العافية على الطرح الرائع لوجهات النظر

بس تدرين عاد المشكله اللي نعاني منها والله المتملكه (المالجه) على اتفه سبب تقول طلقني زين
المشكله تخيلي لما بيجي واحد يخطب يقول مابيها ذي مطلقة مع انه عقد وانفسخ لااكثر ولا اقل

ومن هنا ومن منتدانا انصح كل بنت متملكه يعني عقد بس تلتزم شوي والله في بنات اللي تلبسلي القصير واللي تروح وتطلع لاحسيب ولارقيب محد بياكلها غيرج يا البنت فاحذري

ظبيانية لو الحين انتي عروس وشو طلباتج من المعرس ؟؟ ههه لازم تجاوبين
يعني كم المهر شو الطلبات وجذيه يالله هههه

الظبيانية
04-16-2011, 01:54 AM
هههههههههه راحت علينا الحين الحمدلله الله يخلي عيالي و عيالهم اربيهم احسن تربيه

بطلب قصر علي البحر في ابلادي عرب الساحل

اختي الفلوس تروح و تيي اهم شي انسان يخاف الله و محترم و خلوق يقدر يعيش.. غض النظر عن غني او فقير اسود او ابيض طويل ولا قصير


انصح بنات اليوم بناتي لطلعون لي فوق تمشون بطيحون محد بينفعكم

قال الرسول..( اقلهن مهرا اكثرهم بركة ) ... القليل الله يبارك في لتخلون الريال يحمل علي ظهر الديون ميرتاح

عطوور
04-16-2011, 03:41 AM
الله يطول بعمرج وبعمر عيالج
عاد السموحه منج يا ختي
وربي ماخذه راحتي معاج على اساس انج من عمري بجد اسفة وانتي الخير والبركه والله
واصلا بوعيالج يحب يده وراء وقدام لانج مرته <<< لايسمعني هههه :nzd:

نرجع لموضوعنا وان شالله بوعيالج الربيع الجاي يسفرج لعرب الساحل وهناك يسويلج احلى قصر وكل اجازه تروحين له بس لاتنسين تعزميني وتعزمين كل اعضاء منتدى الساحل هههه بساعدج بالطبخ <<<اذا تبينه يخترب:bud:

يعطيج العافيه على ردودج بس وين البنات ليش مايجون ويشاركونا:132: ويستفيدون من درر الظبيانيه

ظبيانيه بما انج اكثر عضوه متحمسة بموضوعي ربي مايحرمني منج قوليلي

البنت بحيائها اول احسن ولا الحين وياليت اللي يشوف الموضوع يرد مو يناظر ويروح :hul:
ههههه

عجيب وغريب
04-18-2011, 02:48 PM
ماشاءالله الاخ الخيااط ما يقصر

كنت بكتب اللي في خاطري بس عاد الخياط ماخلا لي مكان

ياريت اعراس اليوم يكون نفس اعراس الامس

يعطيكي العافيه

عجيب وغريب
04-18-2011, 02:49 PM
ماشاءالله الاخت الظبيانة هم ماقصرت

يعطيكي العافيه

بساتيني
04-05-2012, 10:09 AM
اولا مشکوره علی الموضوع

هذی المشاکل اللی کانت سبب فی تغییر الاعراس کلها من البنات و العروسات ( الله یاخذ عدوهن ) هههه

والله کریم ان شالله

تحیاتی: انا