المساعد الشخصي الرقمي

مشاهدة النسخة كاملة : حالة النوخده مع بحاحير اليوم



ثابت علي قيمي
06-24-2011, 12:45 AM
السلام عليكم اخواني واخواتي الكرام
تقبلوا مني هذه القصه بين النوخده وبحاحير اليوم
والقصه عن صيد الإعوال (سمك القرش) لأن في القيض(الصيف) يكون فصل صيد الإعوال والسوار(الإعوال الكبير)
والإعوال له الياخ مخصوصه و عادتا العصر يطوحون الإلياخ في البحر ويرجعون البيت وبعد الفجرمن يوم الثاني يبارونهن

الحين اخليكم مع القصه


بروي لكم قصةٍ عن ثلاثة شبان ـــــــــــــــــــــــــــــــــــــــــ النوخده وداود وسرحان

بنروح البحر يا نوخده وش بيك تعبان ـــــــــــــــــــــــــــــــــــــ الناس تصيد إعوال وسوّار بالياخ ركسان

وش مستوي يا داودٍاليوم ابريح ــــــــــــــــــــــــــــــ ما كنك انت داودٍ التعبان

إنزين تعال عصريتٍ اليوم بنحمل الياخ ـــــــــــــــــــــــــــــ وخبّر معاك الولد سرحان

لِين استوي العصر ياك (جاك) داود متأخر واللعيون مصكوكه ــــــــــــــــــــــــــــ والعذر أنه نايم والبارحه عند الفلم سهران

حَمِّلَو الألياخ النوخده وداود مع واحد من الصبيان ـــــــــــــــــــــــــــ والعاده أنّه ما يجيهم الثالث، سرحان

الحين بعد ما طاحو الالياخ(شبكة الصيد) ورجعوا البيت وطبعا الإمباراه تكون بعد صلاة الفجر


يا نوخده متي إمباري يا نوخده الساعه كم ـــــــــــــــــــــــــــــ عقب صلاة الفجر وخبّر معاك الولد سرحان

عقب صلاة الفجر النوخده يرتيّه(يرتجي) علي السيف وحيران ــــــــــــــــــــــــ لا ياه داود ولا ياه سرحان

ويا اطلوع الشمس يوك داود وسرحان ــــــــــــــــــــــــــــــــــ يركضون جنهم(كنهم) غزلان

في البحر دايمٍ داوود هدمان ــــــــــــــــــــــــــ والثاني سرحان دايمٍ يوعان

يوم الّي(الذي) يصيدون سمج(سمك)النوخده محدٍ مثله ـــــــــــــــــــــــ ويغني ويضحك و فرحان

يا نوخده وش بيك يا نوخده ليش فرحان ــــــــــــــــــــــــــــــ ليش لا افرح وعندي بحاحير مامثلهم في البلدان

ويوم الّي ما ميش سمج النوخده محدٍ مثله ــــــــــــــــــــــــــ إمبوّز وساكت وعصبان

يا نوخده وش بيك يا نوخده ليش زعلان ـــــــــــــــــــــــــــــ ليش لا أزعل وعندي بحاحير ما ينفعون لشي إلا للحجي والهزيان

لمّا وقت اليدّيف النوخده امعصب و ـــــــــــــــــــــــــــــ داود اميَوّد صدر الطرّاد وما يدري يفرّه يمين ولا شمال وحيران

والثالث ما ينقدر عليه هالحزّه ــــــــــــــــــــــــــــ دايم ينهزم وهذه من عوايد سرحان





تقبّلوا مني هذه القصه المتواضعه وأي كلمه كانت معناها مبهومه اعلموني بها وان شاء الله اوضحها لكم واتقبل أي نقد أو ملاحظه منكم
وشكرا

وليد جابر آل بوخلف
06-24-2011, 04:27 AM
بيض الله وجهك على القصة و القصيدة الجميلة و لهجة اهل الساحل الشرقي زادتها جمالاً

ثابت علي قيمي تحياتي لك أخي الكريم بداية رائعة

عبير دبي
06-24-2011, 01:24 PM
تسلم تسلم يمناك ياخوي على الطرح القيم

بارك الله فيك وماقصرت ..

الظبيانية
06-24-2011, 01:45 PM
احسنت اخوي قصه رايعه ماعليك قصور و خاصه بالهجة الساحل

ال بوخلف الحمادي
06-24-2011, 02:52 PM
يعطيك العافية أخوي ثابت على هذا الطرح الجميل ويازينها من أبيات تعبر عن حالة بعض الشباب السهر والكسل

تحياتي لك أخي العزيز

الصقر
06-24-2011, 04:24 PM
مشكوووووور والله يعطيك الف عافيه موضوع قيم اخوي ثابت

بطل المعارك
06-24-2011, 07:53 PM
صدقت اخوي :daz:

دانة النوخذه1
06-24-2011, 09:35 PM
مشكووور اخوووي يعطيك العــــافيه

قصه حلووه

باارك الله فيك...... نورت المنتدي

تحياتي

ولد جاهمبارك
06-25-2011, 07:18 AM
قصيده حلوه مشكور اخوي

بومحمد المالکي
06-25-2011, 10:08 AM
تسلم ع القصیده الجمیله

الرحال
06-25-2011, 09:58 PM
يعطيك العافيه اخوي الكريم لاهنت

ثابت علي قيمي
06-26-2011, 12:49 AM
مشكورين علي هذه الردود الجميله وتسلم يمناكم والله يجزاكم الف خير

لكم مني اجمل تحيه ونشوفكم علي خير

كحيلآن الحمادي
06-26-2011, 10:07 AM
لاهنت اخوي ثابت ..
قصه جميله وممتعه ..
أشكرك*

عمر آل صالح
06-27-2011, 02:10 PM
صح السانك جميل اخي الكريم تحياتي لك

ثابت علي قيمي
07-22-2011, 12:07 AM
بارك الله فيكم