المساعد الشخصي الرقمي

مشاهدة النسخة كاملة : ال حرم ابناء عمومتنا



شاهين الحرمي
07-19-2011, 08:14 PM
يروح البشر ويخلد الشعر معنى البيت
وانا يوم اقول البيت يسأل من البانــي
لاني بنيته صلب مايقبل التفتيـــــــيت
اروح اتخير صح ولساني حصـــاني
لأجل اشعر الشعار يذهل اذا مريت
وانا اللي على ماقيل شاعر وقحطاني
بوصيك ياشاهين ان رحت ولا جيت
على ربعنا رد الســــــلام اول وثانــي
على ال حرم من صلب الاجداد ونعم الصيت
هم ابناء عمومتنا وفي العزوه اخواني
على صفحة التاريخ واخص ما عمييت
انا باتــحدى من يــقـــــول يتــــــحداني
بأنهم عربنا وارفع الصوت لو ناديت
لنا دم واحد يبلــــغ القاصـــــي والداني
يردون في قحطان وان قلت مازليــــــت
ومادام ابن عمي حميته ويحمـــــــــاني
يعيش بحمانا اقوام قبل النفط والزيت
ولنا صولـة الامـــجاد في كل ميــــداني
ولو بعدت الاوطان فالعد لو عديت
قريبــين في اصل القرابات والعــــــاني
لنا جولة الفرسان اذا ولع الكبريت
وقـــرب الزند حد الفتــيله ونـــــادانــــي
فانا ارد له لبيه واموت ماتخليت
ولاعاش راسي كان ابن عمي انهــــــاني
وبالمعركه يرهب بنا الجن والعفريت
ولنا النصر معقود على سرج وعنانـــــي
لنا ماضي يشهد به الحي بعد الميت
يوم الحرب سيف وترس ورماح وسناني
نخوض الحروب الطاحنه شرق من تكريت
وصهيل الفرس غربي نابند وحصانــــــي
تزمجر بهبيبــــتنا تهـــــامه الى ثمـــــريت
الى سترة البحرين مع ساحــل عمـــــاني
لنا المجد والتاريخ والفخر وان باريت
ربحت التحدي ورث ابونـــــيه وجــــداني
لآني سلالة روس قحطان لوهبيت
تهــتب القبــيله ضد خصمي وعدوانــــــي
ولو صار مني بعض الاخطاءفاقول نسيت
ولا ماحـقــرت بشعري الخــالد انســـــاني
هذا مختصر ياســـايلي اليــــوم جيـــــت
ازيدـــك حقـــــيقـه مجد ربعـي وعربــانـي

من شعر اخوكم ---هادي بن سعد قبلان الاحبابي القحطاني

دانة النوخذه1
07-19-2011, 09:01 PM
ونعــــم بال حــــرم...

صح السان شاعرنه

يعطيك العأأأأفيه اخوي شاهين الحرمي...

بارك الله فيك

تحياتي

الظبيانية
07-19-2011, 11:13 PM
جزاك الله خير اخوي شاهين و صح لسان كاتب هالابيات الجميلة

الصابري الحمادي
07-19-2011, 11:37 PM
لا هنت وبيض الله وجهك يالحرمي

وليد جابر آل بوخلف
07-20-2011, 12:11 AM
صح السان بن سعيد القحطاني و يستاهلون الحرم النشامه و الكرام

والنعم و سبعة انعام

تسلم الغالي بومحمد و ربي يحفظك

الرحال
07-20-2011, 01:03 AM
صح لسان الشاعر ولا هنت اخوي شاهين الحرمي

شاهين الحرمي
07-20-2011, 06:57 AM
الله يعزكم جميعا والقبايل كلها تستاهل وانا كلي فداها ربي يحفظكم ويبارك فيكم ومالي غنى عن اهلي الكرام

عقاب
07-20-2011, 11:58 PM
صح السانك و والنعم في كل قبائل الساحل الشرقي و الحرم

بوفهد
07-21-2011, 03:16 PM
والنعم في الحرم و صح السان الاحبابي

تسلم اخوي شاهين الحرمي على القصيده الجزلة

السالميه
07-29-2011, 04:25 PM
والنعم في الحرم و مشكور اخوي صح السان قايلها

محمد آل شاهين
07-30-2011, 08:10 PM
صح السانة و تسلم على الموضوع