المساعد الشخصي الرقمي

مشاهدة النسخة كاملة : خوريفة الخنفســانه"؛؛ من خراريف عرب الساحل



دانة النوخذه1
01-23-2012, 02:45 AM
بسم الله الرحمن الرحيم
http://ArabAlsahel.com/vb//uploaded/4330_01327266334.jpg (http://ArabAlsahel.com/vb/)

خوريفة الخنفســانه"
الخراريف في مناطق عرب الساحل في مجالات واسعه منها خراريف اليل تكون عن الجن وعن الشياطين وخراريف النهار عن البطولات والشجاعه وخراريف العفه والامانه
وكانو يمزجون في خراريفهم الواقع بالخيال وكان عندهم مقدره علي تصوير القصص الخياليه كانها قصص واقعيه يمكن رويت الكثير من الخراريف من خلال مشاهدات وتصورات خياليه
و حلات الخوريفه تسمعها من لسان الامهات والجدات
وكان افضل وقت للخراريف فترة المساء من بعد صلاة العشاء تيلس اليده وحولها عيالها وعيال اولادها وبناتها .... وتقووول
؛؛؛؛؛

ركاب الخيل
ما ينام الليل
في ايده سجين
ذابح مسيحين

يقولون في زمان حرمه ماتحمل من كم سنه ،دعت ربها و قالت :يارب عطني بنت لوخنفسانه وحملت الحرمه والله عطاها ويابت الخنفسانه و ربتها ...،ومضت السنين ،ومرت 17 سنه والخنفسانه كبرت وصارت عروس وبدت تساعد امها علي شغل البيت... ويوم من الايام سمعت انه ولد عمها( ولد السلطان) يبي يتزوج ويدورله عروس
،
بيت السلطان طرشو الخدم يدورون جدور ومواعين للعرس وراحوا بيت الخنفسانه ودقو الباب ، جاوبتهم بنت من ورا الباب قالت شتبون ،قالوا نبي جدور حق عرس ولد السلطان قالت:" ماعنده جدور ولا مجدرات لعرس ولد السلطان تحدرات وبنت عمه حزة الزواج"

،رجعو الخدم لبيت السلطان وقالو :ماعطونه جدور والبنت قالت لنا(ماعنده جدور .............
رجعو الخدم مره ومرتين ومرة الثالثه قال ولد السلطان انا بسير بشوف شوسالفتها هاذي ، واهي بعدها تردد الكلام الي قبل قالته لهم .المهم سمع صوتها وطاحت اهي في قلب ولد السلطان

سار البيت وكلم ابوه(الوالي)،وقال هاذي الساعة المباركه خير وبركه خلاص بنطرش حريم يشوفونهاو بنخطبها لك .

بالفعل طرشو الحريم ودقن البيت وادخلن علي هاذيج الحرمه سلام عليج اشحالج قالت الحمدالله بخير ،والله احنا مطرشينه نشوف ابنيتج ،قالت ابنيتي! انا ماعندي بنت اناماعندي الا خنفسانه قالت شقايل خنفسانه و ولد السلطان يه اهني وسمع صوت ابنيه من عندكم ،يعني انتي ماعندج ابنيه موول قالت لاماعندي.

المهم سارن الحريم وخبروا زوجة السلطان وقالو لها ابوي سرنه بيت الحرمه وماعندها بنات ،ماعندها الا خنفسانه... وكلمو الولد قال ابداً انا مافي اذني ماي
انا اباهاذي خنفسانه تطلع عنز تطلع انا اباها ...

قالو خلاص _وتزوج ولد السلطان الخنفسانه
صار العرس سبع ايام وسبع ليالي و ودوها قصر السلطان وزفوها
لين اصبح الصبح ولد السلطان صح من رقاده ولا يشوف هاذي البنت الفاتنه الجمال وقالها منو انتي قالت انا الخنفسانه ،شقايل خنفسانه قالت انا امي دعت الله انه يوهبها احد عشان يونسها وقالت لوخنفسانه والله استجاب لها و عطاها .ولكن هاذا اختبار
والشي الوحيد الي بيخليني ارجع علي حقيقتي انه اتزوج حد يقدرني ويباني علي هذه الهيئه.........

انشاءلله نالت علي رضالكم....... سمعتها فحبيت انقلها لكم


تقبلو تحياتي:154:

وليد جابر آل بوخلف
01-23-2012, 07:40 AM
شكر دانة النوخذه على الخوريفه الحلوه

هالخوريفه يبالها منسدح على السيم و بعيونك تعد النجوم و هبات ذاك النسيم العليل يضرب فيك و ايد يدوتك تمسح شعرك و عقبها رقده من خاطر .


شكرا اختي الكريمة و جميل جدا توثيق هذا الارث الحضاري الكبير

و هناك الكثير من الخواريف بانتظار اقلامكم ،،،

ولد جاهمبارك
01-23-2012, 04:01 PM
تسلمين اختي مشكوره على الذكريات الجميله

يالله عاد نبي كل كم يوم خروفه حلوه نفس هاي

كحيلآن الحمادي
01-23-2012, 06:36 PM
ماشاء الله قصه جميله تعلم القناعه والرضى بما يكتب الله لنا ..
هذا اكبر دليل أن جداتنا وامهاتنا اول كانوا مدرسه
يربون ابنائهم وبناتهم بطريقه غير مباشره وحكمه ..
تسلمين دانه على القصه
وبصراحه لما قرئتها خلتني أرضى وتدبر امور كثيره بحياتي ..
اللهم ارزقنا القناعه والرضى بقضائك وقدرك ..
بارك الله فيج ..

حصة الجسمي
01-24-2012, 03:43 PM
مشكوره حبيبتي على الخروفة الحلوه و المعبره

مودتي

وليد الحوسني
01-24-2012, 10:09 PM
أختي دانة النوخذة 1
الله يخليش بعد خروفة وحدة وبس
لو قصيرة والله نفس خراريف الوالده

وشكراً

دانة النوخذه1
01-28-2012, 01:07 AM
بوخالد النصوري ، ولد جهمبارك ،كحيلان الحمادي ، حصه الجسمي ،وليد الحوسني

مشكووووورين و تسلمووووووووووون علي ردودكم الطيبه

ربي يسعدكم~

ولد الفریج2
01-28-2012, 02:11 PM
توثيق اكثر من راائع و خوريفه جميلة تحمل فـ مكنونها عبق الماضي الجميل و اللمة الحلوه

تسلم يمناج اختي دانه ع هالطرح الرائع و بانتظار كل ماهو يديد من صوبج

ربي يعطيج الصحه و العافيه

تحيااتي

الغيثي العبيدلي
01-29-2012, 12:08 AM
ما شاء الله ع القصه
بدل ما يدتي تقول لنا من اللي عندها
من ها الخراريف أنا بقول لها اللحين بعد ما
قريت ها خوريفة
الله يوفقكم وأن شاء نشوف قصص غيرها

دانة النوخذه1
02-09-2012, 01:53 AM
ولد الفريــج2 ،الغيثي العبيدلي

ربي يعافيكم وتسلمون ع ردودكم الطيبه

ربي يسعدكم ~

الظبيانية
02-09-2012, 12:37 PM
السموحه اختي دانه علي التخير في الرد

لان كمبيوتري خرب بسبب الخنفسانه يابت الفيروس

الخروفه وايد حلوة اشكرج و انا عرفها كلها و ان شالله بضيف الباقي

بوتميم التميمي
02-10-2012, 10:23 AM
تسلمين اختي ع الخروفة .
ماضي جميل مفتاح مستقبلنا.
اساليب وتقاليد لبث المبادئ والأخلاق في العيال.
الام مدرسة اذا اعددتها ..... اعدت شعباً طيب الاعراق
الله يرحمهن ويسكنهن فسيح جناته ..... آمين
والله يطول بأعمارهن ويخليهن ذخر.....آمين
فخر والله اختي لوجود أحفاد يتوارثون الإرث امثالج.

دانة النوخذه1
03-20-2012, 11:30 PM
السموحه اختي دانه علي التخير في الرد

لان كمبيوتري خرب بسبب الخنفسانه يابت الفيروس

الخروفه وايد حلوة اشكرج و انا عرفها كلها و ان شالله بضيف الباقي



ههههههه وانا اقول وينهاا الظبيانيه

مسموحه الغاااليه

اشكرج علي المرور الطيب

دانة النوخذه1
03-20-2012, 11:32 PM
تسلمين اختي ع الخروفة .
ماضي جميل مفتاح مستقبلنا.
اساليب وتقاليد لبث المبادئ والأخلاق في العيال.
الام مدرسة اذا اعددتها ..... اعدت شعباً طيب الاعراق
الله يرحمهن ويسكنهن فسيح جناته ..... آمين
والله يطول بأعمارهن ويخليهن ذخر.....آمين
فخر والله اختي لوجود أحفاد يتوارثون الإرث امثالج.

اميييين

تسسلم اخوووي .....اشكرك ع المرور الطيب

ربي يعطيك الصحه والعافييه~

HASSAN
03-21-2012, 06:22 PM
مشکوره اختی علی الخوریفه الحلوه

ماضی عریق و قصه حلوه


یالله نبا غیرهاا لااااا

الظبيانية
03-22-2012, 01:31 AM
الحين بكمل الخروفه

يوم ولد السلطان بيتزوج طرش الخدم بيت عمه ايبون المواعين حق العرس راحو بيت عمه طرقو الباب طق طق طق


الخنفسانه : منو عند الباب

قالو نحنا خدم السلطان .....

الخنفسانه : شو تبون

الخدم : نبي جدو و صواني و صحون لي ولد السلطان بيعرس

الخنفسانة : عرفت ان ولد عمها السلطان بيعرس .. ردت و قالت

( معندنا جدور مجدرى ولا صواني مصونه و لا صحون مصحنه ولد السلطان بيعرس و خل بنت عمه محيرة )

مره مرتين ثلاث نفس الجواب ترد عليهم الخنفسانه

راحو الخدم لي ولد السلطان و قالو طقينا الباب و ردت علينا بنت سوطها حلو و قالت


روحو قولو لي و لد السلطان

( معندنا جدور مجدرى و لا صواني مصونه ولا صحون مصحنه ولد السلطان بيعرس خل بنت عمه محيرة )

يوم ولد السلطان سمع هالرد راح بروحه بيت عمه و طرق الباب و نفس الرد ردة علي


رجع ولد السلطان البيت و خبر ابو ه و قال انا مبتزوج الا بنت عمي

قالو هذي خنفسانه كيف بتزوجها ... قال هذي ولا مابي غيرها

سوو العرس 7 ايام و ليلي

ليلة العرس دخل عليها في الغرفة و يدورها في كل الغرفة و لكن ميشوف شي

و هو يمشي في الغرفة يدوسها في اريوله

و هي تقول ( توسيتني جلكيتني جنك عمي ماشفتني )

و هو يقول انتي وينج مشوفج

و ترد علي ( دوسيتني جلكيتني جنك عمي ماشفتني )


اخر شي حصلها منخشة تحت الحصير

السموحه منكم