قصيدة : هل النوماس
الله على وقتٍ كبيرٍ مضى غيّب هلاله
كانت مرابيعه لمطايه الفكر عشّابه
لكن أبشري يا نفس لآ أهوجن لك مهوجن بدوي ضيع نياقه
وتنومس معك بفعال ربعٍ هم هل النوماس وأدرى به
الشقي منهم لآ شاف حوافر الخيل براقه
قوطر دون تفكير وحيّا الموت وهلّا به
ربعي بني حمّاد أهل الملمّات العليّات الجسوور الفزّاعه
ما حيد عنكم ولتبع أثركم برمضى ما بها ماء وشمسها حرّاقه
والّلقى واجب علينا بني عمّي " تكفون نسعى به "
ولآ نترك الهامل راعي العلوم الرديه يقول ما حلاله
يعني على قول المثل " لآ نترك الحبل على القارب " وذي مقاله
قوموا قومة قروم لنتخى المظيوم أبهم ما ظامه
وتجمعوا بمجلسٍ ما به نفسٍ شقيةٍ جفّالةٍ ملتاعه
تحت راعي الطيب الجسّار وضح النقى " داود " ورجاله
-------حذف البيت إلى أشعار آخر ------------
-----------------------------------
الضيف لآ جاهم قدموا له أرحب " مرحبا ومسهلا " ويا هلا به
ثم تلحّقوه بفنجال من دلةٍ جنوبيةٍ موزونةٍ ببهار وبياله
مير أعترف بقاسي الوقت والله يعين راعي الذود حين تفالت جماله
يسعى بتعب وسط الفلا وبنظره بعيده وثقه يجمع حلاله
أبشروا يا الربع حذفة عصا باقي وشلون ما قبلت نرضا به
ويكمل قمرنا وبصحبته ديمومةٍ غيّاثةٍ على مرابع عزّنا همّاله
تغسل هموم القلب وتمحي قاسي الوقت وإللي لفا به
هذا قصيدي وهواجيس فكري وما سطا على الوجدان القلم هلّا به
والخاتمه آقول ولآ تهون كل القبايل عزّنا وعلى العدى جسّاره
يشهد لها تاريخها وبقرآننا وسنة نبينا تهدم صروح الكفر وذنابه.
كلمات : كحيلآن الحمّادي
الأحد / تاريخ : 1 / 1 / 2012م
الساعه : 00 , 10 مساء
قصايدي
هموم حمّادي
|
