سؤال عن منطقه في بر فارس ..

السلام عليكم ورحمة الله وبركاته

انا ابي اعرف انا عربيه ولا فارسيه

جدي الله يرحمه لما كنا نسافر لعنده ايران كان يقول لنا احنا من منطقة صاهروباغ

جذي كان ينطقها قبل ماينتقلون يسكنون في قريه قريبه من بندر عباس في منطقة تازيان

وهالمنطقه فيها عدة قرى كلها سنيه شافعية المذهب ويتكلمون اللهجه المحليه مو الفارسيه

والحريم يلبسون فيها الدراعه والبطوله( البرقع) والبنطلون الزري نفس العمانيين

بس مايتكلمون عربي

وكان يقول لي انه احنا عندنا حسب ونسب واصل نحن من تيلة مظفري

وهاي التيله مااعرف شنو يعني قبيله ولا شي ثاني

لاني ماكنت اعرف وايد كلمات كان يقولها

في حد يعرف هالمنطقه ؟وهاي المنطقه شنو اصلها عربيه ولا فارسيه؟

ومشكورين

حياج الله اختي الكريمه سارة

ممكن تقصدين صروباش او مرباغ؟
ان شاءالله الاخوة ما بيقصرون معاج

و ان شاءالله مراسل امارة لنجه الاخ و الخبير الفهد ما راح يقصر معاج

تحياتي

يعطيج العافية اختي ساره

بنسبة الى قرة صاهرو باغ إهي (صحراء باغ ) في محافظة فارس معروفين بكنادرة ويتكلمون اللهجة المحلية وهم من عجم السنة

اما بنسبة الى تازيان مو سامع عنها بصراحة، و مادري شو اصولهم بضبط




*************************************************

بنسبة الى قرى سنيه شافعية المذهب إللي يتكلمون اللهجه المحليه (خليطة من العربية والفارسية ) والحريم يلبسون فيها الدراعه والبطوله( البرقع) و الزري نفس العمانيين هذولي من قبائل القديمة اللى موجودين على الساحل و مناطق قريبة من الساحل والجزر و محافظين على عاداتهم وتقاليدهم وتراثهم العربي ومذهبهم السني
( قرى الساحلية تقريبا 17 الى 20 قرية + جزيرة جسم + هنيام )
(اقصد سكان الاصليين بس )
7
7
7
http://img9.imageshack.us/img9/8317/123cz.png


تقبلوا تحياتي

الله يعافيك اخوي

بالنسبه لتازيان هي منطقه ببندر عباس وفي طريقها عدة قرى منها شهرو وجاهو

وكربند وبلندو وسودرو ومغ احمد .. الخ

هاذول القرى في طريق تازيان اما منطقة تازيان والي عايشين فيها على مااظن فيها شيعه

بس القرى سنيه ويلبسون مثل ماقلت ويتكلمون اللهجه المحليه مو فارسيه ولا عربيه

وبخصوص جزيرة قشم( جسم) عندنا اهل هناك بس من بعيد لما كنت في ايران كنت اشوفهم يزورونا

ويقولون عنهم جزيرتي يعني من الجزيره ويلبسون نفس مانلبس بس براقعهم شوي غير

ويتكلمون مثل مانتكلم .

من ايام جد جدي انتقلوا من صاهروباغ(صحراء باغ ) وجاو لهالقرى واشتروا اراضيها وعاشوا فيها

واحنا مثل ماكان يقول جدي من تيلة مظفري وزات علي داد وكان يقول شي عن اسدي

وكانو اربع رجال يركبون الحصان كانوا يحاربون والناس تخاف منهم

كان يقول لي قصص عن اجدادنا بس انا ماكنت اهتم لاني كنت صغيره

يعني التيله والزات واحد منهم فخيذه والثاني قبيله ماتعرف حد من هالقبيله او شنو اصولهم؟

ويعطيك العافيه

جزاكم الله خير يا شباب

بس حبيت اسال انه يدج الله يرحمه يتكلم العربيه ام الفارسيه؟

و عن المناطق اختي الكريمه ما قد سمعنا بها و ليست من مناطق عرب الساحل الشرقي

يدي الله يرحمه ماكان يتكلم العربيه ولا الفارسيه كان يتكلم اللهجه المحليه

وبالخريطه تبين وين هلي ساكنين في ايران انا حطيت دائره عند كربند وكشار بالا يعني في حدود

هالمنطقه عايشين ترى كلهم سنه شافعيين ولصلاة الجمعه يلبسون ثوب وغتره يلفون فوق راسهم

والحريم يلبسون مثل هذه


http://by111w.bay111.mail.live.com/a...9FB4302C3310||


http://by111w.bay111.mail.live.com/a...9FB350AA55A0||


المهم جزاكم الله خير

عجميه ولا عربيه مافي فرق الا بالتقوى والعمل الصالح

الله يدخلنا واياكم الجنه بغير حساب ولا عذاب

آمين

اقتباس:

---

المشاركة الأصلية كتبت بواسطة ساره

يدي الله يرحمه ماكان يتكلم العربيه ولا الفارسيه كان يتكلم اللهجه المحليه

وبالخريطه تبين وين هلي ساكنين في ايران انا حطيت دائره عند كربند وكشار بالا يعني في حدود

هالمنطقه عايشين ترى كلهم سنه شافعيين ولصلاة الجمعه يلبسون ثوب وغتره يلفون فوق راسهم

والحريم يلبسون مثل هذه


http://by111w.bay111.mail.live.com/a...9fb4302c3310||


http://by111w.bay111.mail.live.com/a...9fb350aa55a0||


المهم جزاكم الله خير

عجميه ولا عربيه مافي فرق الا بالتقوى والعمل الصالح

الله يدخلنا واياكم الجنه بغير حساب ولا عذاب

آمين

---

الحين عدل هههههههه تازيان الله يسلمج شيعة و مو من مناطقنا اصلا هههههه

ومثل ما تفضلتي القرى في طريق تازيان ... يعني مو تازيان

اما بنسبة الى كشار ناس معروفين واياويد ومن قبائل القديمة

لج تحياتي

اما بنسبة الى صحرا باغ في محافظة فارس تابعة لمدينة لار من عجم السنة ، و معروفين بكنادرة




مع تحياتي

مشكور اخوي ماقصرت

انزين كشار مثل ماقلت من القبائل القديمه وناسها معروفين هل هي عربيه ولا عجميه؟

آسفه اخوي اذا تعبتك معاي

اقتباس:

---

المشاركة الأصلية كتبت بواسطة ساره

مشكور اخوي ماقصرت

انزين كشار مثل ماقلت من القبائل القديمه وناسها معروفين هل هي عربيه ولا عجميه؟

آسفه اخوي اذا تعبتك معاي

---

لا والله بالعكس نورتينا يالغااالية

طال عمرج اهل كشار من اصول عربية و مازال متمسكين بعاداتهم وتقاليدهم وتراثهم العربي ومذهبم ويتكلمون باللهجة المحلية ( لهجة اهل الجزيرة (قشم ) وخمير )


مع تحياتي

يعطيك العافيه اخوي

اجدادي عندهم اراضي بكشار وكانوا قبل ينتقلون لها بالصيف لان ايام قبل ماكان في كهربا وجو كشار حلو

وانا اتذكر رحت مره معاهم لكشار عشان يجمعون الرطب

عيل انا طلعت نص عجميه ونص عربيه انا اشوف بعض هلي بيض والبعض سمر

جزاك الله خير اخوي ماقصرت

اقتباس:

---

المشاركة الأصلية كتبت بواسطة ساره

يعطيك العافيه اخوي

اجدادي عندهم اراضي بكشار وكانوا قبل ينتقلون لها بالصيف لان ايام قبل ماكان في كهربا وجو كشار حلو

وانا اتذكر رحت مره معاهم لكشار عشان يجمعون الرطب

عيل انا طلعت نص عجميه ونص عربيه انا اشوف بعض هلي بيض والبعض سمر

جزاك الله خير اخوي ماقصرت

---

الله يعافيج اختي سارة , والنعم فيج وفي اهل كشار


عساج على القوة

لج تحياتي

بارك الله فيك أخي فهد لنجة

بصراحة خبير وما عليك زود

تسلم وبيض الله وجهك

إن شاء الله الأخت سارة حصلت على جميع أجوبتها

تحياتي لكم

تحياتي الحارة لك اخوي الفهد

ما شاء الله عليك وما عليك زود

عمود اساسي من اعمدة المنتدى

يحفظك ربي

والله اني افتخر بك

أختي الكريمة سارة

عليك قراءة الموضوع على الرابط أدناه وذلك للأهمية والفائدة المرجوة لك

http://arabalsahel.com/vb/showthread.php?t=260

ولك مني أجمل تحية

اخوي آل بوخلف الحمادي انا ماعرف هالمناطق بس احيانا اسمع من ابوي لما يجتمع في الميلس

يتكلم عن هالمناطق بسأله ان شاءالله اذا عندنا اهل بهاالمناطق انا ماروح ايران وايد كل 3 سنوات ونقعد شهر او اكثر

بس الي اعرفه عندنا اهل في جزيرة قشم( جسم) وكشار وسمعت عن كلات بعد وجاه مسلم ( جفر مسلم)


انا مثل ماعرفت عجميه عربيه لحد الآن والله اعلم

المهم جزاك الله خير اخوي

ويعطيكم العافيه

ماتعرف حد من آل مظفر اذا هم عرب ولا عجم ومن آل شريف؟

اقتباس:

---

المشاركة الأصلية كتبت بواسطة ساره

اخوي آل بوخلف الحمادي انا ماعرف هالمناطق بس احيانا اسمع من ابوي لما يجتمع في الميلس

يتكلم عن هالمناطق بسأله ان شاءالله اذا عندنا اهل بهاالمناطق انا ماروح ايران وايد كل 3 سنوات ونقعد شهر او اكثر

بس الي اعرفه عندنا اهل في جزيرة قشم( جسم) وكشار وسمعت عن كلات بعد وجاه مسلم ( جفر مسلم)


انا مثل ماعرفت عجميه عربيه لحد الآن والله اعلم

المهم جزاك الله خير اخوي

ويعطيكم العافيه

ماتعرف حد من آل مظفر اذا هم عرب ولا عجم ومن آل شريف؟

---

أختي الكريمة

أنا لا أعرف عن هذه العوائل شئ ولكن إن شاء الله الأخوة الأفضل بفيدونك

ومنتدى عرب الساحل والجزر الرسمي يختص بدراسة مناطق وقبائل وعوائل عرب الساحل فقط

شكرا لك أختي الكريمة على تواجدك الدائم معنا

العفو اخوي

المنتدى حلو وايد ماشاءالله خصوصا يتكلم عن عرب الساحل

والمواضيع الي فيها تشد انتباهي

بحاول اني اقعد مع ابوي في يوم واتكلم معاه بهالمواضيع


يعطي العافيه القائمين على المنتدى وجزاهم الله خير ماقصروا والله

هل اختنا الكريمه تقصد منطقة ( كشكنار ) ولا انا غلطان؟

لا انت غلطان انا اقصد منطقة كشار

كشكنار انا سمعت عنها من هلي

صحيح اني مااعرف بهالامور كثير
لكني اتذكر اهلي يسولفون دايما
عن عرب "متفرسين"إثر السياسات المطبقة وأيضا الإختلاط
ساكنين جنوب شيراز من زماااااااان
وحتى بعض منهم في هرمزكان وبوشهر
يلبسون نفس لبسنا لكنهم
مايتكلمون العربية
انما لهجة ممزوجة بين العربي والفارسي

هذا والله اعلم>> احس روحي مُفتي هه!