█▄♥ ●[™ .الـ,,,ــلام cـليكم乂 ™]● ♥ ▀█
صباحكم//مساكم رضا الرحمن
اخوانی و خواتی اعضاء منتدی عرب الساحل شحالکم عساکم طیبین
http://www.9o9i.com/upfiles/Yc678545.jpg
هكذا تطوي القرون و الايام معاها صور و ذكريات جميله لتظهر لنا اليوم في حاضرنا
فترة جديدة ذات طابع استقى :daf:
ملامحة الحضارية لحركة التطور الاجتماعي من تلك الايام الجميله فهذه الاحتفالات تقرب من
الأذهان الفرحة الكبيرة اللي عاشها اهالينا و اجدادنا في الفريج يوم من الايام
تلك الاحتفالات :mf_dribble:التي كانت تعم الأسرة والأقرباء رغم حالتهم الاجتماعية والمالية في ذلك الوقت
و لكنهم عاشوا و تلمسوا احلي لحظاتها ببساطتهم و عفویتهم ..
الیوم حبیت انقل لکم جزء من هالعادات و الاحتفالات الجمیله تحت عنوان عرس الفریج ان
شالله تعجبکم ...
بنبدا اول شي من اول مرحله ف الزواج و هي الـخـطــوبــــة :
طبعا مثل ماتدرون حليلهم عيال الفريج قبل مو مثل الحين مااعاشوا احداث قصة قيس و ليلي
مثل عيال هالوقت و لادروا شو يعني حب و غرام و كلام رومانسي ، مسااكين كانوا علي
ويههم فوق ماتتصورون كانوا عاقلين ، يمشون تحت الطوفه بس ساعات يطالعون من تحت
عينهم يمكن احد واقف ورا الدريشه :innocent[1]:يبي شي او احد رايح صوب البرجه يتخششون ورا
يمكن لاقدر الله الحمل ثقیل و يبون مساعده يشيلون عنهم الماي مثلا كان یعنی قصدهم نبيل:mf_dribble: خخخخخ
حيالله الابوا اوالام قال وا بنزوجك و يقصون عليه بهالكلمه(يابوك انت الحين كبرت و يالله نبي
نشوف عيالك قبل لانموت) و هو مابعد مايصدق يالله ع بركه الله :mf_dribble:
الابوا او ام الولد بالعااده تخطب لولدها الابنيه اللي تشوفها زينه يعني تصلح تكون حرمة
ولد وهالمسكين حتي ماشايفنهه شلون شكلهه
، والريال يوم جاف الولد صالح لبنته زوجها له رضت أو رفضت ، و البنت ماكان عندها
حق الاعتراض ولايشاورونهه ، فالراي راي الابوا و اما الحين العكس صحيح
وأحيانا أهل الولد يرسلون حرمه من حريم الفريج إلى أهل العروس،تسير لهم في زيارة ودية
تقصد من ورائها التعرف على البنت و يوم ترجع تبلغ الأهل بأوصاف الابنيه وتمدحهه لهم
و تشرح مواصفاتها فإذا بغوا الابنيه ساروا يخطبونها ، بعد ماتم كل شي و رضي الاهل
بالخطبه يحددون المهر انزين ليش المهر و شو يعني ؟؟؟
الــمـــَهْــــــــرالله يسلمكم
من المتعارف عليه أن الزواج أو الاقتران بين رجل أو امرأة لا بد أن يكون فيه مبلغ من المال
يدفعه المعرس لابوا العروس اللي يحدد من قبل ابوا العروس وأحيانا ينترك من دون تحديد
جنه يقول والد العروس لوالد المعرس "البنت بنتكم والولد ولدكم"
ويختلف الناس عن بعض في تحديد المهر، والمهور عاده تعرف عندنا بالمشخص، و يكون
عاده 19 مشخص عند الاكثريه و بعد الخطبه صار وقت الجد و حان وقت الملجه
انزين شلون كانت الملجه و شو هی اصلا
طبعا تدرون "الملجه" عباره عن عقد النكاح بين الزوج والزوجة بحضور ولي الزوج وولي
الزوجة وبحضور شاهدين و اكيد الملا يقرا لهم خطبه العقد
، وعادة تكون هالملجة أو عقد النكاح بعد صلاة العشاء، قبل كانت الملجه و العرس في يوم
واحد او يومين قبل الزواج مو مثل الحين
اما الحین بنتطرق لاستعدادات الزواج و الحفل
في جو من الاحتفالات و روح البهجه و السروراللي يغمر كل ارجا الفريج ينشر الاهالي
النشر علي بيوت الفريج مشاركه اهالی المعرس فرحتهم و عاده تكون هالنشره علي بيت العروس
بالقماش الاخضر
و جدام بيت المعرس يعلقون الزينه اسبوع قبل بد’ المراسم و في الثلاث الايام الاخيره تبدأ
فرقة المعروفه بـ العـــبيد في أداء فنونها التراثيه الجميله :212:
طبعا فنن الهبان و الطبل و الرقص الجماعي او الدسمالي من قبل اهالي الفريج و الاقربا
وفي بعض الأسر نشوف أن الأقارب والأهل والجيران يقومون بمساعدة المعرس بالمال، كل
منهم يدفع له مبلغ يقدر على دفعه وذلك لمساعدته في تخفيف أعباء الزواج ، تشوفهم متساعدين
فوق ماتصورون
انزين بعد الملجه و الاستعدادات ليوم الزواج قبل يومين هالمعرس المسكين لازم يحضر كل
شي حق زوجته منها الحاضر او الدزه اللي يسميه البعض
انزين شو هو الحاضر ؟؟
حاضر العروس
الله يسلمكم حاضر العروس هو عباره عن جهاز الي كان لازم يقدمه المعرس للعروس
(الحريم ومشاكلهن :121:)
و هالحاضر يشمل الذهب والملابس والعطور، و مجموعه من الحقائب فيها ثياب
وعطور وأحذية وذهب ومجوهرات، وها الحاضر كانت له طقوس جميلة عند اهالي الفريج
خصوصا الحريم
والحاضر ينقسم إلى قسميـن: قسم للعروس، وقسم لأهـل العـروس (بعد اهالي العروس لا كدينا خير ) ،
إضافة إلى الحاجـات الضرورية اللي هالمعرس المسكين كان يوديها مثل العيش والطحين
والشكر والشاي والأغنام
الله يعزكم وغيرها من المواد الغذائية (مابلاها المسكين من حرمه )
و طبعا من ضمن هالحاضر تتلقى العروس حظها من الذهب اللي يمثل عنصر أساسي عند أي عروس اللي من اهمها :
المرتعشة:- المريه و الاشغاب و الحيول و الخواتم و ....
و بجانب ها لاشيا كلهه كانت البراقع مووجوده في هالحاضر كانت البنت قبل لاتتزوج
ماتلبس برقع بس عقب الزواج ملزومه انها تلبس البرقع( ماتشوفون العيايز للحين متمسكات
بالبرقع من الخووف خخخ )
حبيت اقول لكم ان هالحاضر كانت له طقوس عند اهالي الفريج ( يعني مو مني و الطريج
الحريم يخلون شي بهالسهوله و مايسون له طقوس )
و الحين بخبركم شلون كانوا الحريم يودون الحاضر :
ينقل الحاضر عادة إلى بيت العروس عصر يوم الأربعاء في جو غنائي حافل بالبهجة والفرح،
تجتمع حريم الفريج وأهل العروس ويطوفون بالحاضر في القرية للتفاخر والمباهاة،
ويوضع جهاز العروس في صندوق أو حقائب يحملونها علي راسهن ، ويظل الموكب في
مسيرته واغانيه لين يوصل بيت العروس، واهناك يكون أهل العروس في استعداد تام
لاستقبال ضيوفهم ويفرشون البسطة في ساحة بيتهم للحريم
وتستقبل أم العروس وأهلها وبعض النسوة من الجيران اهالي الفريج بكل ترحيب،
وتقوم حرمه من حريم الفريج بفتح الحقايب و الصناديق جدام باقي ٍ الحریم ،و تبدا بعرض
قطع الذهب والملابس أمامهن وترتفع أصوات الحريم بالتبريكات والصلاة على النبي والدعاء
للعروس والمعرس
ويوم عرض حاضر العروس العروس المسكينه ماكانت تقدر تشارك الحريم كانت الإجراءات
الامنيه متشدده عليها كانت محبوسه داخل
لازم تكون محتجبة عن الناس لمدة أسبوع كامل، عشان تظهر في أجمل وأبهى حلتها يوم العرس
و بالجانب الاخر كان المعرس يستعد ف اليوم الثاني للحنا كانوا يحنون المعرس فتره الضحي و
كان يشارك بعض صبيان الفريج اللي للحين ماتزوجوا فيها الحنه و كانت حرمه من حريم
الفريج تقوم بحناهم كانوا يحطون علي راسهم المريه و الذهب و قماش اخضر
اما ليله الحنا او حنه العرووس شلون كانت
عاده تكون قبل ليله العرس بيومين من حيث انهم يدعون البنات وبعض الأقرباء في وسط من
الاحتفالات من حيث انهم يغطون العروس بملابس خضراء تستر جسمها بالكامل ما عدا
الكفين والقدمين لنقش الحناء و تقوم بنت من بنات الفريج بنقش الحنه للعروس وتشارك بقيه
البنات العروس بتزيين أيديهن و ارجلهن للتبرك بهذه الليلة ويصاحب هالاحتفال عادة
الضرب بالطار و التصفيق وتوزيع المشروبات و الاغاني الجميله
للاحتفال بمراسم الزواج،. وفي صباح يوم الزفاف اللي عادة ما يكون الخميس، تجتمع
بعض حريم الفريج في بيت أهل المعرس لمساعدتهم في إعداد الريوق للضيوف مثل الهريس
والخبيص والحنفروش والبلاليط والشاي، و ايضا لتنظیف العیش و الهریس ويتوافد الرياييل
و الحريم من جميع إنحاء الفريج
لبيت أهل المعرس للسلام والتهنئة، ويقدمون لهم الريوق ، ويذبح أهل المعرس الله يعزكم
الأغنام والبقر، ويحضرون جدور كبيره و واسعة على النار لطبخ اللحم والعيش و الهريس
للضيوف المدعوين ، عاده الغداء يكون الحضور من أهل القرية اللي يساعدونهم والأقرباء،
أما في الليل يتوافد الناس من جميع القرى على الحمير الله يعزكم أو مشي على الأقدام
يرافقهم أطفالهم وبعض الحريم ،
وقبل المغرب تفرش السفره اوالسماط ويقدمون لهم العشاء يجتمعون على شكل حلقات حول
الطعام وفي الليل تغني الحريم للعروس، و الرياييل يحيون ليله العرس بالهبان و الطبل و
الرقص الجماعي بالدسمال
و لما يحن وقت الزفه يصاحبون المعرس إلى بيت العروس ، طبعا يوم يوصلون هناك تنبط طبله
اذنهم من صوت الحريم و حشرتهن
ترتفع الزغاريد وضرب الطيران ، و تبدا الحريم تنشر الخرده و ورق السدر و في جو من
البهجه و الفرح و الالفه و السرور يدخل المعرس بيت العروس :142:
و يودونه للغرفة الخاصة به ويتركه الرياييل عاده يجهزون له غرفه في بيت اهل العروس و
علي انه يبقي في بيت زوجته اسبوع كامل
طبعا للحين ماخلصت هالاحتفالات للحين بعد فيه زفـة الضحى
بعد ما تركوا العروس مع المعرس لليه الدخله لين أذان الفجر، هالمره يجهزون العروس
مرة ثانيه لتزف "زفة الضحى"
و بعد اسبوع من الزواج ينتقل المعرس مع عروسته عند أهله و طبعا يستقبل الاهل حرمه
الولد بالحفاوة والترحاب، و تنتشر مداخن البخور ويرشون ماي الورد على الحاضرين من
اهالي العروس حفاوة بمقدم العروس، وبعد ذلك كل وااحد يسير بيته و يباركون للعروس
بالسعادة والهناء وتبقى العروس مع أهل زوجها
بالرفاااااااه و البنين ان شالله
لين اهني وصلنا للنهايه سالفه فريجنا اليووم و ان شالله قدرت انقل لكم صوره و لو بسيطه عن
هالعادات و التقااليد
و ياالله عقبال اللي ماتزوج للحين :daf:
ان شالله عجبتكم سالفة:aaa: فریجنا الیوم
مع خالص الاحترام و الود
اخوكم ولد الفريج :bye2:
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,يزاكم الجنه ,,,,,,,,,, ,,,,,,
