روح المغامرة ( وادي الوريعة )

السلام عليكم ورحمة الله وبركاته

هلا وغلا ومرحبا بالجميع ..

أشحالكم شخباركم أن شاء الله بخير ..

عندي روح المغامرة وحب الوصول للشي لو كان متعب وهم لتصوير المكان الي أبي أوصل اله ..

أسمع عن وادي الوريعة وشلالات الوريعة من سنوات في الفجيرة ..

من كم يوم قلت الا أوصل لهالمكان ..
سألت عن المكان ووين بالضبط ..

حد قالي متعب وصعب الوصول اله ..

حد قالي سهل قلت مب مشكله المهم أوصل أوصل ..

اليوم قلت بتوكل على الله على الساعة 2 الظهر ..

أمي وهم ناس وياي بس حريم مافي ريال معانا ..

وصلت للمنطقة ودخلت مسافة يمكن ثلث ولا ربع ساعة سيارة لداخل المنطقه صعدت على الجمل دورت

يمين يسار مافي شي ..

قلت خل أنزل بس مابطلع من المكان لحد ماحصل الوادي ..

نزلنا سألت سيارة طايفة ياخوي وين مكان الوادي قالي أنزلي شوي بالسيارة تحت وخذي يمين ..

نزلت بالسيارة كأني راجعة بالطريج الي يت منه ونزلت شوي وخذيت يمين المكان والنزلة صعبه صخور

كبيرة وصعب دخول السيارة الا جمس بيكاب قلت خل أجرب وأدخل دخلت مسافة عشر دقايق بالسيارة

قلت لا خل ننزل من السيارة ونمشي مشي يمكن نحصل شي جدام

وبين الجبال الواحد يرفع راسة الجبال فوق وعالية ومحصورة بينهم مشينه مشينه مشينه مسافة تقريبا ربع

ساعة .. شفت سيارة طالعة قلنا في داخل وادي قال فيه قلت المسافة قال يمكن عشر دقايق قلت مب

مشكله .. مشينه مشينه والله تقريبا نص ساعة على ريوله أمي تقولي رجعي بيصادفنا الليل بين الجبال

قلت ما أرجع لحد ما أوصل المكان .. أمي قعدت وي الي وياها ويهال صغار تعبوا من المشي

قلت أقعدوا وأنا بكمل المشي .. كملت لحد ماوصلت للماي والشلال قلت وأخيرا وصلت وصلت وقعدت

أصور المكان .. وأمي ياو وراي وقعدوا يتسبحون .. عاد بعدين نرجع نفس المسافة ...

وهاي الصور .. السموحة على السوالف والحجي الوايد ..


http://im4.gulfup.com/2011-06-23/1308858704711.jpg

http://im4.gulfup.com/2011-06-23/1308858704152.jpg

http://im4.gulfup.com/2011-06-23/1308858704523.jpg

http://im4.gulfup.com/2011-06-23/1308858704804.jpg

http://im4.gulfup.com/2011-06-23/130885870425.jpg

http://im4.gulfup.com/2011-06-23/1308858705426.jpg

http://im4.gulfup.com/2011-06-23/1308858705767.jpg

http://im4.gulfup.com/2011-06-23/1308858705428.jpg

http://im4.gulfup.com/2011-06-23/1308858705239.jpg

http://im4.gulfup.com/2011-06-23/1308859085501.jpg

http://im4.gulfup.com/2011-06-23/1308859085912.jpg

http://im4.gulfup.com/2011-06-23/1308859085363.jpg


مع السلامة وأشوفكم على خير أن شاء الله

مشكوره علي هذي الصور الجميله
وتستاهل هذي المغامره

شكرا ايتها المبدعة المتالقة

دائما مبدعة بعدستج الرائعة

تحياتي لج

شکرا و ما قصرتی علی الصور
شلالات جمیلة
لکن لیش هذه الکتابات ع الصخور؟؟
http://im4.gulfup.com/2011-06-23/1308859085363.jpg

تسلمون وماقصرتوا وبارك الله فيكم على حضوركم الرائع

الكتابة على الصخور الشباب وأي حد يوصل لهذا المكان يكتب ويشخبط

صور رائعة ولكن خطره جدا

أختي الكريمة الحذر الحذر في هذه الأماكن

ولا وبالكس تريل بعد ما شاء الله عليها من سيارة يعتمد عليها

صور جميلة شكرا اختي الكريمة ماشاءالله عليج مبدعة

يا سلامي علي الصور مبدعه اختي الكريمه

لج تحياتي

المكان حلو ماشاء الله ..... والصور احلي

مشكووره الغاليه ...يعطيج العافيه..

الله يحفظكم

الله يحفظ ويبارك بالجميع

مشكورين ماقصرتوا على حضوركم الرائع وبارك الله فيكم

بصراحه المكان يستاهل ..
تمنيت انام في كم يوم :)
تسلمين اختي عبير
أبداااع ...

فاتتني هالطلعة و لو كنت بغامر معج و لكن الضروف منعتني

تسلمين يالغالية علي هالصور و المكان احل

ذكرتني بعين اختر كنا نروح لها بين الجبال العالية

اول مرة اشوف هذي المنطقة روعة والله

نحن نقطع المسافات البعيدة بتجاه عمان على شان انروح مثل هذي المناطق وهي موجوده عندنا في الامارات

مشكورة على الصور الروعة

ياخوي حمدان فالأمارات أماكن رووووووووووعة يستاهل الواحد يسير الها

والحين بالشتا الجو والأماكن رووووووووعة

تسلم بتواجدك وردك والله يعطيك العافية

لا هنتي على الصور
روعه الصور
والاحلا التقاط الصور
مبدعه