سؤال عن منطقه في بر فارس ..

[ساره]

السلام عليكم ورحمة الله وبركاته

انا ابي اعرف انا عربيه ولا فارسيه

جدي الله يرحمه لما كنا نسافر لعنده ايران كان يقول لنا احنا من منطقة صاهروباغ

جذي كان ينطقها قبل ماينتقلون يسكنون في قريه قريبه من بندر عباس في منطقة تازيان

وهالمنطقه فيها عدة قرى كلها سنيه شافعية المذهب ويتكلمون اللهجه المحليه مو الفارسيه

والحريم يلبسون فيها الدراعه والبطوله( البرقع) والبنطلون الزري نفس العمانيين

بس مايتكلمون عربي

وكان يقول لي انه احنا عندنا حسب ونسب واصل نحن من تيلة مظفري

وهاي التيله مااعرف شنو يعني قبيله ولا شي ثاني

لاني ماكنت اعرف وايد كلمات كان يقولها

في حد يعرف هالمنطقه ؟وهاي المنطقه شنو اصلها عربيه ولا فارسيه؟

ومشكورين

[وليد جابر آل بوخلف]

حياج الله اختي الكريمه سارة

ممكن تقصدين صروباش او مرباغ؟
ان شاءالله الاخوة ما بيقصرون معاج

و ان شاءالله مراسل امارة لنجه الاخ و الخبير الفهد ما راح يقصر معاج

تحياتي

[الفهد]

يعطيج العافية اختي ساره

بنسبة الى قرة صاهرو باغ إهي (صحراء باغ ) في محافظة فارس معروفين بكنادرة ويتكلمون اللهجة المحلية وهم من عجم السنة

اما بنسبة الى تازيان مو سامع عنها بصراحة، و مادري شو اصولهم بضبط




*************************************************

بنسبة الى قرى سنيه شافعية المذهب إللي يتكلمون اللهجه المحليه (خليطة من العربية والفارسية ) والحريم يلبسون فيها الدراعه والبطوله( البرقع) و الزري نفس العمانيين هذولي من قبائل القديمة اللى موجودين على الساحل و مناطق قريبة من الساحل والجزر و محافظين على عاداتهم وتقاليدهم وتراثهم العربي ومذهبهم السني
( قرى الساحلية تقريبا 17 الى 20 قرية + جزيرة جسم + هنيام )
(اقصد سكان الاصليين بس )
7
7
7



تقبلوا تحياتي

[ساره]

الله يعافيك اخوي

بالنسبه لتازيان هي منطقه ببندر عباس وفي طريقها عدة قرى منها شهرو وجاهو

وكربند وبلندو وسودرو ومغ احمد .. الخ

هاذول القرى في طريق تازيان اما منطقة تازيان والي عايشين فيها على مااظن فيها شيعه

بس القرى سنيه ويلبسون مثل ماقلت ويتكلمون اللهجه المحليه مو فارسيه ولا عربيه

وبخصوص جزيرة قشم( جسم) عندنا اهل هناك بس من بعيد لما كنت في ايران كنت اشوفهم يزورونا

ويقولون عنهم جزيرتي يعني من الجزيره ويلبسون نفس مانلبس بس براقعهم شوي غير

ويتكلمون مثل مانتكلم .

من ايام جد جدي انتقلوا من صاهروباغ(صحراء باغ ) وجاو لهالقرى واشتروا اراضيها وعاشوا فيها

واحنا مثل ماكان يقول جدي من تيلة مظفري وزات علي داد وكان يقول شي عن اسدي

وكانو اربع رجال يركبون الحصان كانوا يحاربون والناس تخاف منهم

كان يقول لي قصص عن اجدادنا بس انا ماكنت اهتم لاني كنت صغيره

يعني التيله والزات واحد منهم فخيذه والثاني قبيله ماتعرف حد من هالقبيله او شنو اصولهم؟

ويعطيك العافيه

[بوحمدان الخالدي]

جزاكم الله خير يا شباب

بس حبيت اسال انه يدج الله يرحمه يتكلم العربيه ام الفارسيه؟

و عن المناطق اختي الكريمه ما قد سمعنا بها و ليست من مناطق عرب الساحل الشرقي

[ساره]

يدي الله يرحمه ماكان يتكلم العربيه ولا الفارسيه كان يتكلم اللهجه المحليه

وبالخريطه تبين وين هلي ساكنين في ايران انا حطيت دائره عند كربند وكشار بالا يعني في حدود

هالمنطقه عايشين ترى كلهم سنه شافعيين ولصلاة الجمعه يلبسون ثوب وغتره يلفون فوق راسهم

والحريم يلبسون مثل هذه








المهم جزاكم الله خير

عجميه ولا عربيه مافي فرق الا بالتقوى والعمل الصالح

الله يدخلنا واياكم الجنه بغير حساب ولا عذاب

آمين

[الفهد]

يدي الله يرحمه ماكان يتكلم العربيه ولا الفارسيه كان يتكلم اللهجه المحليه

وبالخريطه تبين وين هلي ساكنين في ايران انا حطيت دائره عند كربند وكشار بالا يعني في حدود

هالمنطقه عايشين ترى كلهم سنه شافعيين ولصلاة الجمعه يلبسون ثوب وغتره يلفون فوق راسهم

والحريم يلبسون مثل هذه








المهم جزاكم الله خير

عجميه ولا عربيه مافي فرق الا بالتقوى والعمل الصالح

الله يدخلنا واياكم الجنه بغير حساب ولا عذاب

آمين

الحين عدل هههههههه تازيان الله يسلمج شيعة و مو من مناطقنا اصلا هههههه

ومثل ما تفضلتي القرى في طريق تازيان ... يعني مو تازيان

اما بنسبة الى كشار ناس معروفين واياويد ومن قبائل القديمة

لج تحياتي

[الفهد]

اما بنسبة الى صحرا باغ في محافظة فارس تابعة لمدينة لار من عجم السنة ، و معروفين بكنادرة




مع تحياتي

[ساره]

مشكور اخوي ماقصرت

انزين كشار مثل ماقلت من القبائل القديمه وناسها معروفين هل هي عربيه ولا عجميه؟

آسفه اخوي اذا تعبتك معاي

[الفهد]

مشكور اخوي ماقصرت

انزين كشار مثل ماقلت من القبائل القديمه وناسها معروفين هل هي عربيه ولا عجميه؟

آسفه اخوي اذا تعبتك معاي

لا والله بالعكس نورتينا يالغااالية

طال عمرج اهل كشار من اصول عربية و مازال متمسكين بعاداتهم وتقاليدهم وتراثهم العربي ومذهبم ويتكلمون باللهجة المحلية ( لهجة اهل الجزيرة (قشم ) وخمير )


مع تحياتي