&& ليلة الدزة &&

[عبير دبي]

بسم الله الرحمن الرحيم

السلام عليكم ورحمة الله وبركاته


ليلة الدزة أهي كم يوم قبل العرس ولا قبل ليلة الحنة ..

الدزة أهو حاضر العروس جهازها الي أشترالها وسوالها المعرس للعروس ..


يتيمعون الحريم العصر ويشيلون شنط الي فيها الملابس ويسيرون بيت العروس

على العصر وأهل العروس يضيفونهم بالفوالة الشربت والنقل وفول سوداني زق السبال


عاد بعدين تقوم وحدة وتراوي الحريم الي يايبين والي ياب المعرس للعروس

عاد الي تعرض تقول هذي كنورة ياب ماقصر ويببون كلولوش هذا ملفع ياب ماقصر

هي من عادات القديمه بس الحين محد يسوي

أشترت العروس بروحه ولا لو أهل المعرس أشترولها توديه وتحطه بالكبت ..





شو رايكم بالدزة هههههههه لحقت على الدزه أنا ..

[الخياط]

اخت عبير موضوع جميل و بنفس الوقت منسى ،،بس دام المنتدى لدية اعضاء من امثالج نقول ما شىى ينسا اهنى

شاكرين لج جهودج اللى تقومين بها ونظرا لظروفك الخاصة اللى تمر عليك ورغم هذا مكابرة وصابرة ،،كل هذا لاجل عرب الساحل والجزر

مرة اخرى اشكرك واشكر جهودك


تحياتى

[عبير دبي]

الله يسلمك ويبارك فيك ويكثر من أمثالك

أنتوا الخير والبركة في تواجدكم

مشكور ماقصرت على الرد الرائع

[الفهد]

بارك الله فيج اختي عبيرر موضوع جميل جدااااا

طال عمرج هالعادة في منطقة الشرقية مثل بندر كنك (كنج) ولنجة و جزيرة هنيام و بندر خمير و جزيرة جاسم (قشم) موجودة الى يومنا هذا














على فكرة اللى شفتيهم بالصور مايتكلمون العربية , افتقدوا اللغة ,, يتكلمون اللهجة المحلية خليطة من العربية والفارسية ,بس مازال متمسكين بعاداتهم وتقاليدهم ولبسهم ومذهبهم .



لج اجمل تحية

[وليد جابر آل بوخلف]

تسلمين يا اختي عبير علی الموضوع المعبر من تراثنا العريق و ايضاً هالعاده موجوده عندنا ليومنا هذا ولاکن نسميها ( الحاضر )

و اخوي الفهد بيض الله وجهک مع الاضافه القيمه

تحياتي لکم يا منبع الاصاله و التراث

[عبير دبي]

تسلم يمناك ياخوي الفهد على الاضافة وبارك الله فيك

ومشكورين ماقصرتوا على الحضور ..

[الظبيانية]

يعطيج العافيه أختي عبير دبي موضوع حلو و مهم

[أحمد الحوسني]

تسلمين اختي عالطرح الطيب ومثل ماقلتي ان هالعادة اندثرت لكني شفتها ولحقت عليها وانا صغير

ومثل ماقال ابن الرمس نحن نسميها الزهبة أو الحاظر

كل الشكر لج اختي عبير دبي

[عبير دبي]

الله يسلمك ويعافيك من كل شر ياخوي أحمد

هم بعد أحنا نسميها الزهبة ولا الحاضر

وهم لحقت عليها وأنا صغيرة ..

نورتوا الموضوع بالرد بارك الله فيكم ..

[أم يوسف]

ونحن بعد انسميها الحاضر ^^
صور في غاية الروعه
يسلمووو