<<>> العروووووسه <<>>

[كحيلآن الحمادي]

قصيدة : العروووسه




خوية درب عمري ماخذاني دونها النسيان
وأنــايـاهـل الملامه مـارغبت العيش وحداني

أبيلي مهرةٍ ماعسفت صغيره وبنت حصان
أبـوهـا اللـي يـفـك الـمـشـكـله ويـزبن الجاني

وأخوها لاتعزوى بأسمها فزوله العربان
يـحـق لـها الـفـخـر في قولت آل فلان جداني

أبيها في بحر عشرين لازودٍ ولانقصان
أبيها أقصر طويله والوصوف أشكال وألواني

أبي الجبه كما الصبح وكما القوس أسود الحجان
وأبـيـهـا نـاعـسـات ونـرجسيه سـود الاعياني

أبي رمشٍ كما ريشٍ يغطي الثلج في الاوجان
وأبي جـفـنٍ يشيل الـرمـش طـربانٍ وكسلاني

وأبي خد ٍمثل ورد ٍتنمه في طرف بستان
وأبي خـشـم ٍ صغيرٍ ومثل حـد السيف شاماني

أبي البسمه كما البرق وثناياها كما المرجان
وشـفـاهـا جـمـرتـيـن وفـمـهـا خـاتـم سليماني

أبي شعرٍ مثل ذيل الفرس لاطبت الميدان
أو الـشـلال لامـن بــات لـيـلـه بـيـن الأمـتاني

أبي جيدٍ سواة أبريق فضة ناتقٍ مليان
وصــدرٍ كـنـه مـرايـه عـلـيـهـا طـلـع رمـاني

أبي ظهرٍ كما الجدول وقدٍ مثل غصن لبان
وخـصـرٍ مـثـل مـجدول العنان وجسم روياني

أبيها نابية ردفٍ وبطنٍ ضامرٍ جوعان
أبـيـهـا مـدمـجـة سـاق وقـدمـها لـسان ثعباني

أبيها بنت عزٍ من رغدها ينعم الفستان
أبـي الـرقـه وأبـي الـدقـه لها بأطرافها شاني

أبي المشيه كما اللي طالع من المعركه كسبان
وأبـيـهـا تـرش مـع خطواتها مـسـكٍ وريحاني

أبي صوت ٍالامني سمعته كن فيه ألحان
يـدغدغ مسمعي ويثير كل السحر فأشجاني

أبيها حب وإخلاص وهواجيس وفرح وأحزان
أبـيـهـا مـثـل مـادكـتـور أهلِ العشق وصاني

أبيها لوحةٍ ماصورتها ريشة الفنان
أبـيـهـا جـوهــرة مـاجـابـهـا قـاصـي ولادانـي

أبيها تنتصرلي من زمانٍ حطني نيشان
وتـبـشـر بـالـغـلا اللي مـالـفـى بـه واحـدٍ ثاني

مهرها قلبٍ وشعرٍ يهز القلب والوجدان
وألـبـسـهـا الـقـصـيـد وتصبح أوزاني وقيفاني

أبي اللي فات واللي فات صعب ومن لقى العنوان
يـردالـعـلـم ولا أفـضـل أبـقـى أعيش وحداااني*


|
/
|

<< ناصر القحطااااني >>