قصيدة : غرااام أحبااااب


على ذاك الطريق اللي يسمونه غرااام أحبااااب
وطت رجلي على دربه ولا أدري وش نوى فيني

تبعته لآخر أدروبه ألين القمر قد غااااب
تعب قلبي ولا تعبت مسافاتٍ توديني

لقيت الليله الجردا هدب ظل وسما وعشااااب
بعد ذاك الظلام اللي يتوهني عناويني

صدفتك معجبه فيني وياليت الغرااام أعجااااب
وتراك أنتِ الهنوف اللي هقيتك تستحقيني

عطيتك عشق من قلبي وسلمت لغلاكِ رقااااب
وغيرك يحترق قلبه ولا يقدر يحاكيني

أنا قبلك صدفت أعيون لكن أيش جاب لجااااب
ترى كل العيون اللي لقتني ما تكفيني

رماني حظي العاثر عليك وجيتلك طلااااب
ولا أنتِ اللي عشقتيني ولا أنتِ اللي عتقتيني

تعالي وعتقي ذاك الخفوق المولع المرتااااب
مهب لآجلي ؟ عشاااان الله يجازيك ويجازيني

تعدي في سما عشقي ولو عشقي خراااب أصحااااب
وصوني بالهوى نفسك قبل لا أنتِ تصونيني

وشيليني على متنك خفوقٍ بارٍ منصااااب
ومن فوق الغرااام العذب شيليني وحطيني

ولا منك هقيتيني شجااااع وما يطيق يهااااب
أنا لك بالهوى والله مثل ما أنتِ هقيتيني

أنا ما أمشي ورى غيرك لو أن يطق البااااب
وترى عيبٍ عليّ أطعن لو أكثرت سكاكيني

زهودٍ ما يطيق الدم لا داينٍ ولا طلااااب
شجاع وعارفٍ نفسي وأظن أنك تعرفيني

غيورٍ ما عرفت اضحك مع الغدر فبرود أعصااااب
أبيع عيوني الثنتين قبل أنك تخونيني

وأذا أشتد الغرام أترك خفوقي بين نااااب ونااااب
لفرقا تكسر ضلوعي ولا عشقٍ يوطيني

أنا رجلٍ ولي غيره وأذا شفت الهوى كذاااب
تثور بقلبي الفزعه ولا تهدى شياطيني

سؤالك لو يزعزع بي كياني ما قبلت أعتااااب
أجيلك وأسألك نفس السؤااال اللي سألتيني

عن العشق القديم أبواااب تقفيها كثير أبواااب
بعد ذاك الحبيب اللي خدعني وأنخدع فيني

أبي عشقٍ تحسبله كل نظرااات العيووون أحسااااب
وأبي قلبٍ على قلبي وأبي دينٍ على ديني

وأبي نظرة عطا توفي ولا تخلف بدون أسبااااب
وأبي منك قبل لا أنتِ تصديني توديني

وأبي دربٍ على العذال صعبٍ ومتعبٍ وغلااااب
وأبي نفس الطريق الصعب يبعدهم ويدنيني

ترى لو للقلوب عيون ولدموع العيون أهداااب
حشا ما تنزل الدمعه لغيرك لو تركتيني

أنا أول من عرف قدرك وأنا توي صغير وشااااب
وأبي منك مادام أنك عرفتيني تحبيني

مادام أني لقيتك في طريق أسمه غرااام أحبااااب
دخيل الله وبعد الله دخيلك لا تخليني

مادام كل من يحيى على وجه التراااب تراااب
عسى تنساني الدنيا مادام أنتِ ذكرتيني *





/
\
/

<<>> ممّا راق لي <<>>