من اهازيج الأطفال

[أحمد الحوسني]

من الأهازيج التي يتغنى بها الأطفال وتختلف بعض الكلمات فيها من مكان لآخر


حمامة نودي نودي .
سلمي على سعَودي .
سعَودي راح مكة .
يجيب ثياب عكة .
ويحطها في الصنوقي .
صنوقي ماله مفتاح .
والمفتاح عند الحداد .
والحداد يبغي فلوس .
والفلوس عندي العروس .
والعروس تبغي عيال .
والعيال يبغون حليب .
والحليب عند البقر .
والبقر يبغي حشيش .
والحشيش فوق الجبل .
والجبل يبغي مطر .
و المطر عند الله .
ولا إله إلا الله .
محمد رسول الله .
ولا إله إلا الله .
محمد رسول الله .

[وليد جابر آل بوخلف]

صلي الله عليه و سلم

مشكوره على توثيق الاهزوجه الجميله اخوي الكريم احمد

[الرحال]

تسلم اخوى احمد الحوسني لاهنت

[الصقر]

شكرا لك اخوي احمد على الاهزوجه الجميله

يعطيك العافيه

[ولد تمبو]

عليه الصلاة والسلام.

الله يعطيك العافية علي الأهزوجه الجميلة...

ماشاءلله عليك زين تذكر هل اهزوجه القديمه والجميلة،والحين قله من هم يعرفونها





تحيــــ ولـــد تمـــبـــو ــــاتي

[كحيلآن الحمادي]

الله لا يهينك اخوي احمد
توثيق جميل لتراث اجمل

أقول : حط لنا قرقيعانو قرقيعااان ههههههه
يحفظك ربي

[عبير دبي]

تسلم يمناك على الطرح والله يعطيك العافيه

ولد أختي عمره سنتين حافظنها هههههههه

[أحمد الحوسني]

صلي الله عليه و سلم

مشكوره على توثيق الاهزوجه الجميله اخوي الكريم احمد

الشكر لك اخوي ابن الرمس عالمرور الدائم

[أحمد الحوسني]

تسلم اخوى احمد الحوسني لاهنت

ـــــــــــــــــــــــــــــــ

الله يسلم غاليك ولايهينك اخوي الرحال

[بنت الرمس]

آلللللللله ذكريآآآآآآآت < آونه الحيينه كبرنآ على هالسوآلف ههههههه

تسـلم خـوييييييه

ربيــه يعطييك العآفيييه ..~

لآهـــنت ..~