یاعینی علی الحب ایام الفریج

[ولد الفریج2]

█▄♥ ●[™ .الـ,,,ــلام cـليكم乂 ™]● ♥ ▀█


صباحكم//مساكم رضا الرحمن


اخوانی و خواتی اعضاء منتدی عرب الساحل شحالکم عساکم طیبین


تقبل الله منا و منکم صالح الاعمال


طبعااااااا دووووووم یووم نسرح فی بحر الذكريات نتذكر

الأيام الجميلة الصافية المتمثلة في بساطة

العيش وراحة البال وصفاء النفوس االلی مرت علینا

نتذکر حياة : الهدوء .. المودة والمحبة الصادقة .. الأخلاق الحميدة ..

وكل شی طيب .

نذکر زمـن اللی ما ينتظـر غیر الصبح الوليد ليفجر ف داخلنا الأمل

والتسابق على لقمة العيش

شرایکم اليوم ننفض غبار هالذكريات الجمیله ونسترجع ویا بعض لحظات

الحلوه الی مر فیها عیال فریجنا من خلال هالقصه ......


المکان : فریجــنا الزمان : ایاام قبل و التوقیت : رمضـــان


الدنیا عصر ، الکل ف الفریج بدا یستعد و یحضر الفطور ، صارت حزة المغرب

الصحون بدت تتناقل ام احمد حالها بقیه نسووان الفریج کاانت مشغوله


ف اعداد الفطور

ام احمد : امی فطووم اندوش هاصحن اللقیماات ودی بیت یارتنه ام خالد

انزین امی الحین بودیه

ف الجهه الثانیه فی بیت ام خالد : خااالدوو میت من الیووع حده یووووووووعان

و قاعد یرتیه الفطور ب فارغ الصبر

و فجاءه بااب حوویهم یندق

طق طق طق

ام خالد: امی خاالد سیر باطّل الباب جووف منو یدق

اوووووووه امی انه ماقدر یووعان سیری انتی( طبعا بعد الخناقه) یعنی


ماتشوفنی مشغوله یالله بالحیلک

سیر افتح البااب طبعاا خلوود معاند ماباسیر

بااااااتسیر و لا اییک بالملاس ع راسک هیه جی الحجی و لا بلاش خخخخ لا

لا امی باسیر

[ولد الفریج2]

اووووف شالحاله های طبعااا خلوود اخیرا اقتنع و سایر یبطل الیااب

وصل عند البااب و لاااااااا فطووم بنت ییرانهم عند الباب

سلام علیکم و علیکم السلاام ( صج کانت خیره له هالسیره )

خالد شلونک خالد الحمدلله

بخیر لااااااااااا خلوود من جااف البنیه تغیر لون ویههه فوق تحت یااعینی

شکلهه دشت فی قلبه البنت

المهم خذا صحن اللقیماات ، مشکووره فطووم و رجع و هو رااد تم یقول فی

نفسه ماشالله فطووم مکبره مستویه حرمه

یااعینی الریاااااال ساار فیها

امی اندوش هاه صحن القیماات یایبتنه بنت ییرانه فطووم انزین حطه هناک

لحفه فی شی عن الذباب

خلوووووووود اللی کان یووعان و مستحمق تغیر 100 درجه مااقاام یقول شی

المهم اذن المغرب و فطر خلوود و زاخ بطنه سااار یصلی المسید التراویح بعدین رجع البیت


وللحین صوره فطووم ماتفاارق خیااله

یااعینی ع الحب ومایسوی خخخ

امی امی هاه شتبغی اقول فطووم بنت ییراانه کم عمرهه

انت شیخصک یاصبی فی بنات النااس لا اقول یعنی

لا لا امی بس بغیت اعرف شدرانی جه انه امهاا لا لا خلاص المهم خلوود

الشیطاان مااسکت عن هالشی و

فطوم دشت قلبه مسکین مااکان عندهم لاتلفون و لا بلاک بیری عشاان یتوااصل

ویا فطووم المهم

قعد یفکر شلون یجوف فطووم مره ثانیه یمکن یقدر یقول لها ع الاقل عن

شعوره المهم و هو قااعد یفکر

سمع امه تقول لاخته المای خلص و بااجر لازم اسیر البرجه انا تواعدت ویاا

ام احمد انه بااجر العصر نسیر انییب ماای

خلوووووووووود اهنه عااد یووم سمع اسم ام احمد ماادری شیسوی قال اکید


باجر فطوم بتیی ویاها للمای

انزین صاار الیووم الثاانی و استوی الظهر ام خاالد کانت مشغوله فی غسیل

الثیااب و الحماار الله یعزکم کان

مربووط فی الحوش خلوووووووود الشیطاان بسرعه قاال لامه امی ماعندنا ماای صح قالت

ایه مااعلیه امی خلینی انا الیووم

باسیر البرجه باییب لکم ماای امه ماتت من الضحک یوم سمعت منه هالکلام

انته شقدرتک ع الحمار و المای

لا انا بااسیر انتی مااعلیج

المهم کان الشداد او الجداد و الشنکس محطای ف جنب الطوفه ساار شال

واحد منهم هو

و هو ماایدری شو هاذیل بعد حتی

المهم سار و حااط الشنکس ع الحمار الله یعزکم و شال بالدیه و المصب وحاط دبات

المای (مطارات المای او

کماکم المای ع قولتنا ) ع الشنکس و یالله ع البرجه



ساار ییب ماای (حلییله قیس بن الملووح) وصل عند البرجه و للحین ماماذن

العصر صبر و صبر وصبر لین

جااف ام احمد و یا حمارتهه مغبره من بعید یایه

بس التفت وراها جااف بنتهه فطووم ویاها قاال فی نفسه الحمدلله الییه

ماکانت خسااره خخخ اه یالشیطاان


المهم وصلت ام احمد و یا بنتهه جاافت خلوود روحه وحده هااه خلوود شلونک

الحمدلله صاحی هااه وین

امک

امی شویه مزیضه راسه یعورهه ماقدرت تیی( اه یالجزااب)

انا ییت مکانهه (صج االشیطاان )

خلوود بدا یطالع البنیه بس المکان مااکان یسمح الام واقفه

جووفوا الشیطاان شسوی ساااااار ف الجهه الثانیه من البرجه جبال البااب

الثاانی عشاان تتسنی له



الفرصه عشاان یطالع فطووم

بس الابنیه ماکانت تدری اصلاا شخبااااااااااار

رجع خلوود ویا المای و کماکمه بس حساافه دیه خالیه و مااوصل لای نتیجه هالمره

[ولد الفریج2]

ف الیووم الثاانی ساار یلعب و یا عیاال الفریج بعد مااخلصوا من اللعب

حسااااااانو الشیطان قال خلوود

شررایک الیووم انسیر نبوق خلال من زریبه ابرااهیموو العمی انزین یالله امش

انسیر من زمان مابایقین

و هم سایرین صوب الزریبه وقبل لایوصلوون خلووووووود

لمح فطووم من بعید و هی تلعب و یا بنات الفریج شسووی هالمره دار فی باله شی

ساار و رکب الزریبه و باااااق خلال و بسرعه نقی لهاذاک الخلال الحلو و طلع قال یهاال

انا بااسیر عندی شغل ( ای شغل عااد )

ووین خلوود تعاال بنتجااسم الخلال ف الخراایب لا انتوا تجاسمو روحکم انا

بااسیر الحین

تخیلوو وین سااااااار سار سیده صوب فطووم

فطووم شلونج الحمدلله هلا خاالد فطووم اندووش اکلی خلال تونی حاشنه من

نخله بیتنا (اه یالجزااب صج لوتی ) بس تدرون الحب و مایسی خخخ

مشکوور خاالد

المهم مرت الایاام و الشهورر وخللود ماقال ای شی و ماخبر امه انه یحب ففطووم طبعا لانه مایقدر

تدروووووون یهاال قبل ماکانت عندهم الجراه انهم یخبرون احد لانه اذا دروا

اهالیهم راح یفتکون منهم

خصوصا اهل البنت بیشربوون دمهه

المهم فی یووم من الایاام تجراء و ساار قعد عند امه امی امی طبععا قبل

لایفتح االموضوع لاززم یهیء الجو للحجی
و الام کعادتته کانت مشغوله تشرب ناریله او قدوو و القلم بحلجهه

وده ویاا خلال مال البوقه امی ندووش اکلی خلال مشکوور خلوود من وین لک هالخلال

عطاانی رفیجی حساانو

اهاا حساانوا عاطنک عیل اکید بایقنه ادری فیه حساانو دووم یراکب زرایب

الناس مافیه غیر الاذیه مامخلی هالمسکن ابراهیمو ت العمی ف حاله

انزین اخلص شتباه (طبعا الذیب مایهرول عبس ) امی اباه حرمه

شوووووووو وهی میته من الضحک یامسود الویه انته مال حرمه یالله قم قم و

لا بهالقلم الناریله

انزین تباااااه منو ان شالله

ابغی فطووم بنت ییرانه

شووووووووووو فطووم ، انت تحلم یااخلود فطوووووم مخطوبه لولد عمهه

لااااااا انتی تجزبین علیی والله مخطوبه

اهنی عاااااااااااااااد خلووووووود دارت فیه الدنیاا و تسکرت الابواب

جداامه ماادری شیسوی

مسکین کل هالتعب و الشقاااا و رکوب الله یعزکم الحمیر و بوق الخلال

بالاخیر بتااخذ وااحد غیره لااا حول الله
المهم دارت الایاام و کبر خللود و عرست فطووم

بس ف یووم ساار خلوود صوب البحر و قعد برووحه یفکر و تذکر

الایاام الحللوه اللی عاشهه ف الفریج تذکر انه شکثر ضحی عشاان فطووم

وسرح و هوو یردد هالابیاات ....

الله على ايام الطفولة

عدت وعدى العمر وياها

كنا نقول اللي نقوله

لانخاف الدنيا ولا اللي وراها

لأنا صح في كل اللي نقوله

ماغلطنا في كل كلمة حكيناها

حبنا صعب والأصعب وصوله

كيف بدينا وكيف انتهينا ماعهدناها

كنا نفكر كيف يبقى الحب وعوده

ولا كنا نفكر في الظروف اللي وصلناها

ولاكنت اظن إن الزمن اكبر عقوبه

ولاكنت اظن اني بتراجع عن كل خطوة خطيناها

لكني عرفت اللحين كيف الحب وأسلوبه

كيف يبدأ وكيف ينتهي ومدري كيف نهينها

غاب اللي أحبه وغابت وياه علومه

وسايرنا الوقت والظروف اللي عشناها

حتى وصل ذاك اليوم بسهوله

فرحت أحلى فرح وكلنا يومها فرحناها

يوم جاء حبيبي وكله مواقف رجوله

جاء ورجعت لأحلى ذكريات ذكرناها

وبعدها عند السلام شفت خاتم بأيده

قلت لا هذي مقوله هو وعدني توه صغيرلاما هقينها

وبعد هذي السنين ماأقدر اقول له

إني أنتظر منك كلمه دوم ماخجلناها

لكني تفاجأت وهو يقولها بسهولة

إنتي عمر عدى وهي لعبه لعبناها

قلت خسارة صرت لك بآخرزمنا لعوبه

لكن ربي يهنيك وهي بعد ربي يهنيها


یاااااااامسود الویه لیش مااتتحسف ع ایاام زمان ماخلیت حمیر مارکبتهه الله یعزکم و

ماخلیت نخله مابقتهه کله عشان هالفطووم


مثل مااشفتوا المغزی من هالقصه الطویله اوصل لکم فکره و لو بسیطه عن الحب ایاام الفریج قبل

طبعا مسااکین لاعرفوا تلفونات و لا انترنت و لا بلاک بیری

کانوا اذا بغوا بنیه یضحون بالغالی و الرخیص عشاان یوصلون لهاا

ف قالب حب صاادق وعفیف و عااطفه و مشااعر صادقه اکید

و یالله ماااقول الا یااخلوود الله یعوضک ان شالله بابنیه احسن من فطووم


طبعاااااا ماوراء الکوالیس

الشنکس: مایحط علی ظهر الدابه لکی یوضع فیها دبات الماء وعااده مصنوع من الحطب

الجداد الشداد : مایوضع علی ظهر الدابه لتسهیل الرکوب علیهاا

القصه طبعاا : من خیال اخوکم ولد الفریج

المغزی منها توصیل فکره و لو بسیطه عن ایاام الحب والملاحقات ورا الدرایش و البرج و النخل .....

الیااهل الحلو : ولد فریجنا کان سایر البرجه ییب للهم ماای حلیله شاطر ماشالله علیه صار ضحیه ولد الفریج

و استوی بطل االروایه

الله یعزکم اذا قریتوا بعض الالفاظ الی وردت ف القصه من دون کتابه شی جدامهه


هاااااااااه کان کل اللی عندی ان شاله عجبتکم الفکره و السمووحه ع الاطاله

مع خالص الاحترام و الود

اخوكم ولد الفريج
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,يزاكم الجنه ,,,,,,,,,, ,,,,,,

[الظبيانية]

موضوع حلو صبر علي اشوي برد علي

[عبير دبي]

وعليكم السلام ورحمة الله وبركاته

الله على حب الاول والفريج .. ولا يقول لاخته إذا بتسير بيت يارنهم وعندهم وحده يحبها وصلي سلامي وقولي يسلم

عليش جلامن كسير .. سوالفك ياولد الفريج ماتنمل وحلوووووووووه

وهم كتابتك للموضوع بأسلوب حلو يخلي الواحد ينجذب الها

تسلم يمناك والله يعطيك العافيه وماقصرت

الله يحفظك ويديمك ونشوف دوم سوالفك ياخوي

[الظبيانية]

اللهم لاحسد اخوي و لد الفريج علي سؤالف الفريج و ايامه الجميله

صج كلامك كان حب طاهر من القلب و الشخص ميقدر يبوح بالشي للي يعز

عيال الفريج كانو شياطين تحصلهم وين تروح هذي البنت يروح وراها بس من غير ماتحس

عند البرجه او علي الطوي او عند المطوعه يوم يقرون و خاصه اذا كان عند جيرانهم شغله يروح يساعدهم حتي يشوف هالبنت


مثل ماقالو حب بس بالغيون من غير كلام

ماكنو يعرفون هالكلمه كل شخصه عنده شي خشنه في قلب و ساكت


اخوي قصه حلو و باسلوب ممتاز

[وليد جابر آل بوخلف]

والله يا ولد الفريج ارشحك تكون مخرج مسلسلات تراثيه و صدقني ناجح

ياخي مقالاتك ما تختلف من سيناريوهات المسلسلات و ماشاءالله مبدع كالعاده و تأكد لكل مجتهد نصيب و الله يوفقك ياخوي الاصيل

هالحكايات و الذكريات كانت تحتاج من يوثقها للتاريخ و للاجيال القادمه و الحمد لله حصلت واحد اصيل مثلك و قلم مبدع نفس قلمك علشان تتوثق للابد و اتمنى ايي يوم اللي نشاهد هالذكريات عبر مسلسل و فلم قصير

بأختصار انت مبدع و اصيل يا ولد الاياويد

تحياتي لك

[المنصوري]

مشكور عالموضوع الطيب لكن الحمار اعزكم الله مسكين شايلين عليه شكثر واخر شي ينادونة حمار لووووول

[كحيلآن الحمادي]

ما شاء الله عليك اخوي ولد الفريج
قصة حب جميله وعفيفه خخخخخ تحطيم يا خلووووود
طلعت مخطوبه << حظه كلش مو شي
وهذي من الاخطاء السبع .. أنك تحب وحده وهي ولا دار الهوى صوبك
يا حرااااااام ...
قصه جميله ياالغالي ممكن تعيشك الطفوله
يحفظك ربي

[بوحمدان الخالدي]

وربي مبدع مبدع بمعني الكلمه اخوي ولد الفريج


ماشاءالله عليك وربي وربي اول مره استمتع في قصه جي كاني يالس اتابع مسلسل منك

ابدااااااااااااااااااااااع ابدااااااااااااااااع ياااا ولد الفريج

الله يوفقك في الدنيا والاخره اخي الكريم

لك تحياتي