ياما حلى شلكم كل اشقرٍ و ادهم

**الرحال** · 08-23-2010, 01:16 AM

ياما حلى شلكم كل اشقرٍ و ادهم *** وذهابيٍ كنه المشخص بالامثالي

يقنص بهم خايعٍ فيه العشوب ازمم *** عله من الوسمي الرعاد هطالي

في موسمٍ باردٍ نوده اذا نسم *** للي يريد الطرب ويوسع البالي

لي شلت في الكف خطواة اشقرٍ اقطم *** حجله قصيرٍ و راسه مثل فنجالي

ساعة تهده على مشموخةٍ تلتم *** تشبه قطاةٍ حداها صالي اللالي

يلحق الى عزمت في قيل رب ارحم *** خصه الى نحرت به تبغي العالي

اما ضربها وخصب ريشها بالدم *** والا معه جات و الجنحان فلالي

وان هد غشام فأنه للخروب اغشم *** ياما غشمهن ونارن منه ذلالي

يازين طلعه الى اقفى وصف و لم *** وادوى عليهن ولقنه بالاقبالي

بتشوف ريش الكبيره عقب ماتلطم *** من سافليها ذرت به نود الاشمالي

له كاشحٍ لو ضرب به كافرٍ اسلم *** و الشرك ماعاد يطري له على البالي

للشاعر لحدان بن صباح الكبيسي

**كحيلآن الحمادي** · 08-23-2010, 01:22 AM

صح اللسان الشاعر
ولا هنت اخوي الرحال
الحر يستاهل أكثر
يحفظك ربي

**وليد جابر آل بوخلف** · 08-23-2010, 01:27 AM

صح السان الشاعر و ذوق راقي يا الزعيم سلامي عليك

**شبيه الريح** · 08-23-2010, 01:40 AM

يازين طلعه الى اقفى وصف و لم *** وادوى عليهن ولقنه بالاقبالي

بتشوف ريش الكبيره عقب ماتلطم *** من سافليها ذرت به نود الاشمالي

له كاشحٍ لو ضرب به كافرٍ اسلم *** و الشرك ماعاد يطري له على البالي

صح السان الشاعر و لا هنتك يا البناخي