لــقـــطـــات تــــراثــــيـــة

[عبير دبي]

بسم الله الرحمن الرحيم

السلام عليكم ورحمة الله وبركاته

هلا وغلا ومرحبا الساع بالجميع ..

اليوم طرحي لصور تراثية من تصويري ..

حبي للتراث يخليني أصور كل شي يتعلق بالتراث

أن شاء الله ينال على أعجابكم ونشوف ردكم ..


أسقى الحليب مصنوعة من الجلد يخضون الحليب فيها ويسون لبن ..




راديو قديم كانو يسمعون الاخبار ولا يسمعون سميرة توفيق تغنى ياعين مولياتي ياعين مولية ..



ناخريه يحطون تمر فيها ولا بعضهم كان يحط ذهب فيها ..



حابول يركبه البيدار يخرف النخل .. يحطه ورا ظهرة ويركب الأنخله ..



شاطوحه سرير الياهل ينام فيها ويهزونه فيه ..




راشونه وهي عبارة عن فتحه في الغرفه ويحطون أدوات للزينه مثل الديكور ..

[ولد الفریج2]

یااااااااااااااااسلاام علیج فنانه

عبیر عیل اذا ییتی فارس شو بتسوین اظنی یبی لج سنه عشان تخلصین مت تصویر الاشیاا التراثیه هناک

ماشااالله علیج مبدعه و صور جمیله


ربی یعطیج الصحه و العاافیه و مااقصرتی

خالص احترامی اخوج ولد الفریج

[عبير دبي]

يا هلا وغلا فيك ياخوي

لويت فارس والله مابخلي شي مابصورة ولا بخلي مكان مابسيرة

أن شاء الله بزور فارس الي نسمع عنها ومب شايفينها

تسلم والله يعطيك العافيه نورت الموضوع بتواجدك وردك

[الظبيانية]

عبير تسلمين علي التصوير الراديو القديم و النخريه و الاسقا و الحبول

صج اذا رحتي بيقولن لج ماجيفه خير

ان شالله انا ويج بنروح مابنخلي مكان علي اطباقه بس الضروف تسمح

[المنصوري]

صور جميلة مشكورة عالجهد وداامنا متالقة بالمواضيع الله يوفقج

[عبير دبي]

أن شاء الله يالظبيانيه بس تسمح النا الظروف

تسلمون على الحضور ومشكورين ماقصرتوا بارك الله فيكم

[شبيه الريح]

تسلمين الشيخه على الموضوع التراثي الجميل

[عبير دبي]

الله يسلمك شيخي على حضورك الرااااااائع

مشكور وعساك على القوة

[ولد الفریج2]

حیاااااااااااکم الله اختی عبیر و اختی الظبیاانیه وکل اخوانی وخواتی اعضاء و مشرفین

و اداریین منتدی عرب السااحل

فاارس اکید نتشرف بهالزیاره

تنوروووووووونه باای وقت

ع فکره ام حسن ویا بوحسن یقوولون من الحین الظبیاانیه وعبیر معزوممین عندنا ف الفریج خخ

تحیااتی

[وليد جابر آل بوخلف]

عدسة تراثيه اصيله بامتياز ، اختي عبير دبي

شكرا على الصور الجميله ولاكن وين هالمكان؟

تحياتي و احترامي لج