أم حسن بذبخته ويا ذكرياتها
بسم الله الرحمن الرحيم
السلام عليكم ورحمة الله وبركاته
مساكم الله بالخير جميعا
جحوالكم وش خباركم أن شاء الله بخير
أم حسن وي بوحسن شوفو شو صار وياهم ..
بو حسن ياحرمة ماقولش أسكني واقعدي مكان واحد ليش ماتسميعين الحجي والقول ..
أم حسن يابوحسن هذا فريجي وربعي الي تعودت على زيارتهم واطمن عليهم وأسير الضحى لبنت
النوخذة أسلم عليهم .. وأم يوسف من مدة واعلي عليه قالوا مريضة ...
بوحسن أذيتنيه وي بنت النوخذة وأم يوسف وخجو و زليخو وعاشو ال أنتو يالحريم بتشردون الريايل من
دوارتكم ..
يوم تقولين فلانه مربيه والده بتزورينها يوم بنت النوخذة مسويه يمعت حريم ويوم مول مابتخلصين من
الأدوارة والجوليك فالفريج وعباتش على راسج ماتسكنين مكان واحد ..
جوفي كلام يوصلش ويتعداش لو مابتقعدين وتسكنين مكان واحد جلي أثيابج وسيري بيت أبوش ..
أها خذتها العبرة أم حسن وقعدت في الليوان وحط يدها على خدها وقعدت تتذكر الايام الي مرت عليها ..
قعدت تتذكر يوم عرسها ومتعدله ومجحلة والذهب لابستنها وزفوها على بوحسن ..
شوفوها أم حسن أيام شبابها ..
وبعدين صدت صوب باب الحجرة الميلس الي الحريم أيون الها الضحى ..
بنت النوخذة وخجو وزليخو وعاشو وأم يوسف يقعدون يخيطون الملابس ويسون التلي ..
وبعدين تذكرت صندوق دزتها الي يابوها الها زهبتها الكندورة أم التلي والسروال التلي
والاجحال وملفع المنغد وغيرها متروس الصندوق
وصدت صوب الليوان من جهة اليمين وشافت القعدة الي يتفاولون فيها التمر وي القهوة عقب مايخلصون
شغلهم ويرتاحون ويسولفون ويضحكون ...
وجابلت الحوش وتذكرت حسون لما ولدته ولليلة ولادتها وي الدايه أم علي وتيود الانوار وتبي تولد
وعقب ماولدت سوت الها الصخون الجلاب ..
هذا حسون ..
وهاي ميرحنة حسون الي مرزوزة بالحوش يلعب فيها الضحى وظهر النهار القايلة ويركض ورا الدياي في
الحوش
وتذكرت حسون وي ولد الفريج يلعبون تيلة ..
وأهنى حسون وي ولد الفريج ووي يسفو وحمود يلعبون
خذتها العبرة وقعدت تبجي لما عينها طاحت على مطبخها وتذكرت وأهي قاعدة على الجولة أم بمب تطبخ الغدا
ورحايتها الي تطحن عليها حب وتسوي هريس تندب صحن لبنت النوخذة وصحن لام يوسف وتنهم على ولد
الفريج هاي تعال ود لبيتكم هريس
وخصف التمر الي يندبه الهم من بيت النوخذة بوصقر الله يطول بعمرة مايقصر لحزة زكاة النخل أخر الموسم
يسون تمر ويوزع على الفريج وعلى كل محتاج ...وتحط من التمر الخستاوي في الناخريه لبوحسن واهو
ساير السمج ولا مسافر في البحر بس مايبين في عينه ..
وشافت بلاصي الطريح وتذكرت المجبوس الطريح الي تسويه وتحطه الظهر للغدا وي بوحسن وحسون ياكلون
وتفلق راس البصل الأرويد والكحكيز واللومي من شيرة بيت ولد الرمس فيها لوميه متروسة وتوزع أم ولد
الرمس فيد ولد الرمس ليرانها وماتنسة أم حسن ..
وش بتقول وش بتتذكر حياتها من أولها لحد هاليوم قضيت و أيام ماننسى وهم بوعيالها بو حسون ..
السموحة منك ياخوي ولد الفريج اليوم خذيت مكانك في الخروفة
الله يعطيك العافية ويبارك فيك
أشوفكم وي سالفة يدية وأم حسن وبو حسن .
رد مع اقتباس
.
