و نـــــاســة وطـــبـــاخ الــــبـــر
بسم الله الرحمن الرحيم
السلام عليكم ورحمة الله وبركاته
مساكم الله بالخير على الجميع
أشحالكم شخباركم أن شاء الله بخير
فرت بين الصور والملفات الي عندي قلت شو أنزل
فحصلت هاي الصور قلت مادري وين أنزلها .. فقلت خل أنزلها أهني
من أسبوع لما نزل المطر بالجمعة سرنا البر وكان المطر وبرد وهوا عاد هذا مايأثر فينه لسيرت البر
وماشاء الله كان لمة وي الاهل ..
هالمكان الي أختارينه وقعدنا فيه ..
جان يمرون علينه مضمرين وي البعران قلنا يستوي نركبهم قالوا يستوي وناسة وركبناهم وتمشينه بالبر
عليهم
عاد يا وقت الغدا وكل واحد وسوى شي
مشوي دياي
مشوي سمج عومة ..
مدفون لحم وي عيش أبيض طباخي ..
عقب الغدا جاي على الحطب ..
عقب الجاي يالله نبي نحلي قيمات بالبر وعلى الفحم بعد
وكان الجو مطر ولا هامنة
هم الحين ماشاء الله عندنا بدبي ترعد وتبرق وبادية تمطر
الله يجعلها سقى رحمة وينفع بها العباد ..
مع السلامة ونشوفكم على خير أن شاء الله
رد مع اقتباس
