جويريه

[عبير دبي]

الله يردها بالسلامة اليوم أنا وأختي الظبيانية نتكلم عن الغايبين ومن ظمنهم أنتي والجورية

الله يرد الجميع بالسلامة ومشكورة وماقصرتي وبارك الله فيج

[فتي المقام]

وين ما كانت الله يحفظها
و ترجع بالسلامة انشاء الله
مشكورة اختي بنت الكويت راعية واجب

[بنت الكويت]

عساف الحمادى
متعود على الخطب اكيد تروح ندوات
الاعضاء ومتاثر فيهم بس دير بالك على حنجرتك
الذهبيه ولا تقلد البراك والطاحوس هههههههه
وشكرا لمرورك
بوخلف الحمادى
ولد الاصول
فتى المقام
الظبيانيه
عبير دبى
اشكر مروركم العطر وتأكدوا انى مهما اغيب ارجع
ومهما اتأخر راح تشوفونى بينكم
فدييييييييتكم

[كحيلآن الحمادي]

المشاركة الأصلية كتبت بواسطة بنت الكويت



عساف الحمادى
متعود على الخطب اكيد تروح ندوات
الاعضاء ومتاثر فيهم بس دير بالك على حنجرتك
الذهبيه ولا تقلد البراك والطاحوس هههههههه
وشكرا لمرورك

تصدقين عاد _ على الاجواء الانتخابيه بالكويت
عمري ماجلست مجالسهم
ولا صوت لأحد منهم ..!..
بس الله كريم هههههه شكوو

[بنت الكويت]

عساف
لا تصير سلبى
انت ما تروح وغيرك ما يروح
والنتيجه اعضاء يفشلون
واقصى اهتمامهم معامله وعلاج وتوظيف
والحصول على اراضى والا مناصب حق اهلهم وربعهم
والله احيانا اقول جان زين يحلون هالمجلس
انا اروح واصوت بس للاسف منطقتنا قبليه
صعب ينجح فيها الاصلاحى
اقول حدنا طلعنا عن الموضوع

[بنت الكويت]

عساف
عندى سؤال يقرقع بقلبى
من زمان ودى اسألك عنه
بس الحين بقوله واتمنى اجابه صريحه
مكان الاقامه انت كاتب الكويت
ويمها حاط
ممكن اعرف ليش؟؟

[كحيلآن الحمادي]

المشاركة الأصلية كتبت بواسطة بنت الكويت



عساف
عندى سؤال يقرقع بقلبى
من زمان ودى اسألك عنه
بس الحين بقوله واتمنى اجابه صريحه
مكان الاقامه انت كاتب الكويت
ويمها حاط
ممكن اعرف ليش؟؟

هههههههه ترى مفهومه ..!..
مختلف مع الحكومه

[أم يوسف]

شكرا بنت الكويت حبيبة قلبي على السؤال

السموحه توني انتبه على الموضوع

وكل الشكر للي اسألوا عني

فيكم الخير والله

لكن عندي ظروف ومن اتعدي راح اتواجد مثل قبل

مالنا غناة عنكم ياعرب الساحل

تحيآتي لكم..~

[بنت الكويت]

شكرا بنت الكويت حبيبة قلبي على السؤال

السموحه توني انتبه على الموضوع

وكل الشكر للي اسألوا عني

فيكم الخير والله

لكن عندي ظروف ومن اتعدي راح اتواجد مثل قبل

مالنا غناة عنكم ياعرب الساحل

تحيآتي لكم..~

يسسسسسس
هياااااااااااااااااااااا
واخيرا طلعتى
حمدالله على سلامتج
ونورتى المنتدى يا احلى جويريه
ان شاء الله تعدى ظروفج ونشوفج
لان احنا ما نستغنى عن الطيبين امثالج

[بنت الكويت]

عساف
مسكين ناصر المحمد مو عارف يرضى منو
الكل مو راضى على سياسته
والله ان رجل دبلوماسى ومافى احسن منه
بس مشكلتنا ان نبى واحد احنا نفصله
الاسلاميين يبون اسلامى
والليبراليين يبون ليبرالى
والشعبى يبون شعبى
وحدس يبونه حدسى
والسلفيين يبون سلفى
والله ان احنا بنعمه بس مو حاسين فيها
ااااخ بس لو يمسكونى الحكومه يومين
تدرى بدول ثانيه الواحد فيهم ما يتجرأ
ان يقول مختلف مع الحكومه
صرت احس انك من ربع مسلم والطاحوس
هههههههه