قربوا حياكم عصيدة

[عبير دبي]

بسم الله الرحمن الرحيم

السلام عليكم ورحمة الله وبركاته

صبحكم ولا مساكم الله بالخير

قربوا وحياكم تفضلوا .. كرم الضيافة نحن متوارثينها أب عن جد ..

من يومين يت بخاطري أسوي عصيدة فقلت لبنت خالتي يالله نسير المطبخ ونسوي

عاد سويناها طلعت حلوه ..

المقادير أطحين رقم 1 لان مخلص طحين رقم 2 .. شكر .. دهن حلو ( دهن بقر ) حبة حلوة .. دارسين


الطريقة نحمر الطحين .. ونحط الشكر يطبخ .. وبعد مايحمر الطحين ننخله بالمخل ..

وبعد مايستوي الشكر ويطبخ نضيف اله الماي ..

وبعدين نحط بالماي دهن ونحط الطحين ونحوس ونضرب فيها ..

والطحين ياخذ يشرب الماي ونضيف لحد ماتستوي وبعدين نحط دهن فيها ودارسين مطحون وحبة حلوة

مطحونه شوي .. بعد مانخلطها ونضربها عدل شوي نحطها على الضو تطبخ ..





















أن شاء الله تعجبكم المشاركة وبالعافيه على الجميع

وحياكم وحيا الجميع

مع السلامة وأشوفكم على خير

[وليد جابر آل بوخلف]

موضوع رائع و درس جميل عن احد اكلاتنا الشعبية المتعارف عليها في الساحل و الخليج بشكل عام

ربي يعطيج العافيه اختي عبير دبي

تحياتي

[روح الامارات]

مشالله اكله لذيذه واااااااااايد حلوه

تسلمين خويتي

[أم يوسف]

رؤؤؤؤؤؤؤؤعهـ



يعطيج العافية حبيبتي على التنسيق والصور




لج تحيآآآتي..~

[بوفلاح]

يعطيج العافيه على الصور والشرح الجميل

تحياتي لج

[بوحمدان الخالدي]

اشکرج اختی عبیر ع الموضوع والصور والشرح الجمیل

بارک الله فیج اختئ الکریمه

لج تحیاتی

[بنت الكويت]

تسلم ايدج
شكل العصيده مو صج

[أحمد الحوسني]

قريبين اختي عبير

حيهالعصيدة الزينة

تسلم ايدينج اختي عبير

[ال بوخلف الحمادي]

شكرا أختنا عبير دبي على الطرح

بصراحة ما قايم أتماسك لعابي يسيل

شوقتينا لها وما أنشوف مثل هاي الأكلات إلا في المناسبات

يعطيك العافية على الشرح المميز

وبارك الله فيكم

[الرحال]

سلام ياعبير دبى ما شالله شيء جميل والعصيده من الاكلات الشعبيه المعروفه تسلمين ولاهنتي على كل ما قدمتي لنا من اكلات شعبيه يعطيج العافيه