أصل قبيلة المرازيق

[مشاري متعب عتيق المرزوقي]

	= بسم الله الرحمن الرحيم هذه القصيده قيلت في مزاين المرازيق من قبيلة البقوم اتمني ان تستحسن رضاكم0000 مني تغشي البيض روس المرازيق=الي تعدا فعلهم حد الابداع أولاد مرزوق الوجيه المطاليق=اللي خبرهم داخل المملكه شاع الطيب وهبه والمراجل توافيق=والجود نبعه من هل الجود نباع في حلتن فيها جميل التعاليق=وترحيبتن احلي من لبن كل مرضاع ودلال رسلان جدادن مساويق=يجيلها بين النشاما تهزاع والعود الازرق من جديد الصناديق=تحت اللحا من فوق الارقاب ينثاع وقعدانهم وصط الصواني مدانيق=غاديلها وصط الصواني ترباع حطو مزاينهم بليا تباريق=فيه الاباعر من حسينات الابداع ذيدانهم عفرن سواة الغرانيق=وسودن مجاهيمن بدينات وشباع وحمرن طويلاتن خفيفة معانيق=تمشي كما بنتن تمريع تمرياع مقياضهم في مخضرات الزماليق=وضلع البقوم اللي تعرفون مرباع حامينها يوم الطمع والتفافيق=كم شيخ قومن دونها عض الاصباع بمسلباتن للنشاما معاويق=تودع صعبها لاشهب الملح مطواع واصبح كما حرن يتل المسابيق=جرحه صطي في خافقه بين الاضلاع نسل الحرار اللي ربت بالشواهيق=سمو البقوم مطوعة كل طماع تاريخهم مشهور بين المخاليق=يشهد لهم بالطيب عتبان وسباع لاثار عج الخيل جتهم لواحيق=قبن مشاهيرن خفيفات وسراع قبن مشاهيرن اصيله وسوابيق=خيالها دايم للارواح بياع يعنها سمو العيال العماليق=عدوهم بفعولهم غصب ينصاع لا جا نهار الكون مع نشفة الريق=وضرب السيوف اللي بها الدم ينداع للحرب خطلان الايادي عشاشيق=يردون حوض الموت لاهب ذعذاع اطعونهم بين النحر والمعاليق=اطعونهم دايم قويات ووساع اسيوفهم بالدم حمرن مغاريق=الها علي راس المعادين ميقاع هذي فعولن وثقتها المواثيق=تاريخ والتاريخ يشهد بالاوضاع غني بها قبلي كثير الطواريق=مثل العطاوي وابن مهرس وجزاع وختامها عد الغصون المواريق=صلاة ربي عد ماهب ذعذاع علي نبي وثق الحق توثيق=اللي له المسلم علي الحق تباع