السلام عليكم .. مرحبا بك اخوي العصامي .. انا اجدادي أهل بوطيور العبادلة المساعيد .. وعقب ما شفت موضوعك سألت شيباننا عن قوم الخشاوي اللي في بوطيور .. وهذي المعلومات اللي حصلتها:

تعني کلمة الخشاوي بالفارسي قومن يغيرون مكانهم عشان تغيير وضع معيشتهم .. هم اصلهم من صوب ابلاد اسمها خلصت صوب بستك أو من ابلاد اسمها خشاو صوب هرنق مهاجرين إلى منطقتنا واول ما سكنوا في بوطيور عند بركة ابراهيم وفي الشتاء كانوا يسكنون في ام الشوك في زمن عبدالله بن الحاج ابراهيم المسعودي العبيدلي (توفي 1375هجريه) وسليمان بن سالم المسعودي العبيدلي (أب كلا من أحمد بن سليمان وسالم بن سليمان) .. عاطينهم بعض المكان حتى يساعدونهم فى الأشغال مثل الغنم والنخل وغيره وهم عبدالرحمن واحمد الخشاوي وشوي شوي ساكنين بوطيور وماهم من عبادلة بوطيور ولاحد متزوج منهم .. لا نعرف اصلهم بس سكنوا قرية بوطيور حوالي قرن