خــبــز مــن يــد الــظــبــيــانــيــة

[عبير دبي]

بسم الله الرحمن الرحيم

السلام عليكم ورحمة الله وبركاته


هلا وغلا ومرحبا بالجميع ..

بعد مانزلت صور للعيش قلت بنزل صور لخبز طابي من يد الظبيانية ..طبعا بدون المقادير

المقادير أن شاء الله الظبيانية بتحطهم الكم ..

من الفجر لما سرنا المزرعة شادين حيلنه وقاعدين عاد الغالية قالت بسوي خبز طابي قلنا يالله خبز طابي

خبز طابي .. كان ماشاء الله حلووو كلو لحد ماطلع من خشمهم هههههه ...



























أن شاء الله ينال على راضاكم الموضوع ..

فمان الله ونشوفكم على خير أن شاء الله ..

[الخياط]

ما شاءالله شى عجيب وشكلة لذيذ
بس نحن نسوى يكون اشوى احمر يعنى غامق اكثر
يعطيكم العافية وما قصرتوا
يحليلكم صدق شادين حيلكم
مدرى عاد شادين حيلكم او رغابة زايدة ههههههه بالعافية عليكم
مع التحية

[عبير دبي]

ههههههههههههه لا مب رغابه نحن طال عمرك من الصبح نقوم ..

تسلم ياخوي منور الموضوع بتواجدك وردك .. الله يعطيك العافيه ويبارك فيك ..

[الظبيانية]

حسبيالله عليج عبير مخلتي شي محطيتي قاصر تحطين الاقمة في حلجهم يكلون ههههههه

عاد معندي حسينه للعجينه .... عجنة بالجدر خيشة طحين يالله تكفي

اخوي الخياط ا لون عادي نسوي غامق او فاتح الي تحبه

[بساتيني]

وااااااااو حطو المقادیر بقول له امی تسوی لی ههههه

الصراحه واید حلو واااااااید

جذه یستوون البنات مب کله ارقاد ههههه

هالخبز تاکله ویا حلیب الغنم مممممم


تسلم ایدج عبیر دبی و تسلم اید ظبیانیه علی هالخبز الحلووو

[بنت الكويت]

ما شالله عليكم
وتسلم ايدكم
جان زين انا مثلكم
مسكين ابوى عشمته بطبخ له اليوم من ايدى
وبس دخلت المطبخ قعدت اطالع السمج
والعيش والبصل
ضاق خلقى جان اطلع واول ما شفته
ضحكت قلت له مالى خلق

[ولد النواخذه]

شي جميل ولذيذ

الله يعطيكم العافية

ويكثر من أمثالكم ويسعدكم

ما هو اللون البني في الصورة الثانية واللون الأصفر في الصورة الخامسة؟

[فتى خورفكان]

الظاهر عبير دبي والظبيانيه من الى يحبون تعذيب الناس
نشوف الطباخ بالصور لكن للحين ما ذقنا شي ولا شرايكم يالأعضاء
مثل مايقولون شوف حرق جوف
كنت أمزح معاكم
وربي يعطيكم العافيه
وحتى لو عطيتونا المقادير مابنعرف نسويها
لأنهم قالوها الأوليين
عط الخباز خبزة لو كل نصة

[فتى خورفكان]

الظاهر الظبيانيه وعبير دبي من الي يقولون تتعشى عندنا ولا تنام خفيف أحسن
ولا مرة قالوا بنطرش من قاعة الجدر حق الي في المنتدى

ربي يعطيكم العافيه
وعندي فكره لمشروح حلو حقكم لو تبون

[كحيلآن الحمادي]

لاهنتي أختي عبير ع التغطيه والطباخ الزين ..
أشكرج طال عمرج والشكر موصول لبنت النوخذه أختنا الظبيانيه ..
عساكم ع القوه ..