تفضلوا معانا على العشاء

[عطوور]

مرحبااا باخواني وخواتي الاعضاء

شلونكم ان شالله تكونون بخير يارب

المهم من العنوان فيه اكل هههه اكيد المهم هاي من الاكلات الشعبية عند عرب الساحل
عاد اليوم الوالده سوتها لنا وانا صدت كم صوره من غير ماتدري هههه

عاد بقولكم الطريقة من الشيف عطور: بعد ماسوينا العجينه على طول نسويها على شكل اقراص متوسطه
وبعدها نسوي خلطه من الخردل (الخندلوه) - البيض - اليقط (الكشك) - الكزبره (الجنجلان) والطريح (الموري)

المهم بعد المكونات تعالوا مع بعض نشوف الطبخة خخخخخخ
على فكره لازن نحطها بالتنور بس امي سوتهم بالفرن انزين للمعلوميه يعني ههههه

وهاي طبعا كان اجدادنا قبل يسونها وياكلونها وماشالله للحين نتوارثها

ايه صح نسيت يسمونها بالخليج عندنا "رهين " بس اكيد هي خمير طبعاااا

بالهنا والشفاااء
مع تحيااات :الشيف عطووور
وانتظروا المزيد من الاكلات ان شالله

بعد ماخلصت الوالده دهنت الخمير بالدهن وحطته بالقدر او الجدر


وهاي الملقوف ولد اختي وانا اصور حط يده


وهنا صفيناه بالصينية بعد مادهنته


وهنا خلاص جاهز للاكل ولازم كوب الشاي معاه


بالعافية والله طعمها حلووه ماعليها كلام بس حطوا كم خبزه قدام العجايز وربي ينسى عمره ومايدري وهو يبلع فيها جربوووا بس وشوفوا ههه

[الظبيانية]

عليكم السلام و رحمة الله وبركات

عيل حصلة لي منافسه في الطبخات الشعبيه

تسلمين اختي عطووور علي الكله و التصوير و الله يطول عمرها امج علي هالشغل العدل بس تعلمي منها كل شي متسوي

[عطوور]

عليكم السلام و رحمة الله وبركات

عيل حصلة لي منافسه في الطبخات الشعبيه

تسلمين اختي عطووور علي الكله و التصوير و الله يطول عمرها امج علي هالشغل العدل بس تعلمي منها كل شي متسوي

هلا وميه غلا بالظبيانية والله
منورة منوره عاد ياليتج جيتي العشاء
ياختي وين اتعلم والله شغلي ماخذ كل وقتي الله ياخذهم خليني ساكته بس ههههه
لا واليوم مسويه لهم ورق عنب والله ياليتج جيتي يجنن
بس ولايهمج بتعلم لعيونج هههه
تسلمين فديتج دايماا منورتني بوجودج الحلو

[الظبيانية]

النور نورج اختي انتي مواضيعج منوره

بروحي مسوي ورق عنب و بشميل

لزم تتعلمين كل شي في شون البيت باجر بيقولون عنج متعرف شي امها معلمتها الطبخ ولا شي

[عطوور]

النور نورج اختي انتي مواضيعج منوره

بروحي مسوي ورق عنب و بشميل

لزم تتعلمين كل شي في شون البيت باجر بيقولون عنج متعرف شي امها معلمتها الطبخ ولا شي

ههههههههههه
هلا بالغلا
بالعافيه حبيبتي عاد الورق اموت فيه والبشميل بعد والله <<<ماتشوفينا بس ننتفخ هههه
ماعليج امي لاعنه خامسنا معلمتنا كل شي وماشالله خواتي كلهم طباخات
اصلا كل اللي جذوره من الساحل وربي يطبخون كلهم صح ولا لا
بس ياختي انا شوي متمرده كل حياتي الاب والشغل بس بالاجازه اطبخ واذا تبين اي طبخة بسويها لج بس حديثة ههههه تسلمين حبيبتي

[بنت الكويت]

تسلم ايد الوالده وايدج
يوعتينا الله يهداج
شكله لذييييييذ

[الفهد]

تسلم يدج يشيخة ، وعساج على القوة

[وليد جابر آل بوخلف]

ماشاءالله الرهينه اكله خليجيه متعارف عليها في كل الدول الخليجيه و الساحل الشرقي للخليج

تسلمين اختي و سيتم نقل الموضوع الى قسم التراث ( القسم المخصص)

تحياتي لج

[عطوور]

ماشاءالله الرهينه اكله خليجيه متعارف عليها في كل الدول الخليجيه و الساحل الشرقي للخليج

تسلمين اختي و سيتم نقل الموضوع الى قسم التراث ( القسم المخصص)

تحياتي لج

مشكور اخوي على المرور ويعطيك العافية
اما نقل الموضوع تعودت على ذي الشوتات احط موضوع الاقية شايتينه بقسم ثاني
امزح طبعاا هههه اهم شي والله المنتدى وان شالله يرتقي اعلى واعلى يارب
تسلم على المرور وبالتوفيق

[فهد الحمادي]

يوعتيني ابا هههههههه

شكرا شكله لذيذ