قول المثل ... وفالك طيب

[عطوور]

مرحبااا اخواني وخواتي الاعضاء
شلونكم ان شالله بخير
سلمتي ورحبتي وسالتي <<<<دخلي بالموضوع وفكينا

طبعا من حرصنا على تراثنا وتراث اهل الساحل سوينا هاي الموضوع اللي نتمنى انه ينال اعجابكم ويلقى الاستجابة من جميع الاعضاء ومنها ندخل البسمه والفايده والتسلية لاخواني وخواتي الاعضاء والزوار

"طبعا الامثال ماجبتها من بيتنا هاي قبل اجدادنا كانوا يقولونها وللحين نتوارثها "
طبعااا المكتوب باين من عنوانه السالفة فيها امثال

طبعا انا بكتب السؤال وانتوا بتجيبون المثل اللي يناسب الكلام المكتوب...
في حالة غيابي اختي الظبيانية مابتقصر بتكمل <<<<وهقتها

يلا نبدا واللي يجاووب دايما معانا الاداره بتزيد تقييمه هههههه يعني جاوبوا

يالله اسمعوا السالفة وجيبوا المثل اللي يدل عليه

"اللي عنده شي ثمين وكبير ومايعرف قدره ولايحافظ عليه ويرميه "

ايش المثل اللي دال علية

[نصوري قح]

اللي ما يعرف الصقر يشويه

شو المثل اللي يدل على الاشياء المستحيله و الغير معقوله ؟

[عطوور]

الجواب صحيح مشكور اخوي
وسؤالك صعب جاري التفكر وبسال العلل اللي عندي

[عطوور]

"يا طالب الدبس من قفا النمس"
هذا المثل شووفه ينفع قالته وحده من رفيجاتي

[نصوري قح]

بعد صحيح لاكن كنت اقصد المثل المعروف اللي يقول ( قالوا تيس قال احلبوه )

[عطوور]

يعطيك العافيه اخوي نصوري قح
والمثل كثير نقوووله والله وفي ناس قلبوه يقولون اقول ثور يقول احلبه

المثل اللي بعده
هو نقوله للرجال
يعني المره الزينه من الرجال والشينه من الرجال بعد

[نصوري قح]

الخيل من خيالها و المره من ريالها

اعتقد جي

[عطوور]

الاجابة صح يا اخوي النصوري ويعطيك العافية
وبجد ماشالله تجيبها صح
الف شكر


المثل الجاي هو...
نقوله للي مايواصل ربعه واهله ويقول الطريق بعيد

[ولد الفریج2]

مااااااااااااشالله تسلمین اختی عطور ع هالطرح الجمیل و الموضوع الاکثر من رائع


فکره جمیلة تکسب الوااحد معلومات تراثیه زینة

یمکن تقصدین


البعد بعد القلوب مانه بعد الدروووب

الله و اعلم صح و لالااا

[عطوور]

لا والله صح ومعاك حق ياخوي
ويعطيك العافية وان شالله الجميع يشارك معانا


المثل الجاي
"الشي لما تسويه بالصغر يثبت ومايتغير بس لما تسويه وانت كبير يروح ومايظل"