خبر ومحتاج فزعتكم

[عطوور]

السلام وعليكم ورحمة الله وبركاته

اخواني واخواتي الاعضاء شلونكم ان شالله بخير يارب
وجمعة مباركه

اخواني الاعضاء الخبر الاكيد انه فيه لنج من ستلوه طلعت من الدوحه من ثلاث ايام تقريبا والاخبار عنهم مقطوعة
وفي الانج ثلاث اخوان من عايله وحده وبعض من اهل عرب الساحل
وبصراحه ذويهم ميتين من الخوف يبون يعرفون اخر الاخبار عنهم ايش مصيرهم
ان شالله ربي يكون نجاهم يارب
فاتمنى من اخواني وخواتي اللي سمع اي خبر يقوله هنا
واكون لكم شاكره

[وليد جابر آل بوخلف]

الله يردهم لأهلهم سالمين مايشوفون شــر و يطمن قلوب أهلهم عليهم


و اللي عنده علوم يطمنا

[عبير دبي]

أن شاء الله بيكونون سالمين ومافيهم الا العافيه

وأن شا الله علوم الخير بتسمعون عنهم

[الظبيانية]

ان شالله خير و يردون بالسلامه لي اهلهم

[أحمد الحوسني]

ربي يردهم بالسلامة والغايب عذره معه

يحرسهم ربي الي عينه ماتنام

[هوا البحرين]

السلام عليكم ورحمة الله وبركاته

بفضل الله ومنته ولله الحمد على النعمه تم العثور على اللنج بالقرب من بندر جيروو جريب سواحل المقام

ولله الحمد الجميع بخير وكان التأخير نتيجه لعطل في المحرك ولسوء الحظ فإن اجهزة الاتصال كانت معطله

كذلك في تلك اللحظه .



الحمدلله على سلامتهم وربي يجمعهم مع اهلهم دوم بالخير والصحه


تمنياتي للجميع بالخير

[وليد جابر آل بوخلف]

السلام عليكم ورحمة الله وبركاته

بفضل الله ومنته ولله الحمد على النعمه تم العثور على اللنج بالقرب من بندر جيروو جريب سواحل المقام

ولله الحمد الجميع بخير وكان التأخير نتيجه لعطل في المحرك ولسوء الحظ فإن اجهزة الاتصال كانت معطله

كذلك في تلك اللحظه .



الحمدلله على سلامتهم وربي يجمعهم مع اهلهم دوم بالخير والصحه


تمنياتي للجميع بالخير

الحمد لله و مشكور اخوي هوا البحرين على البشاره

[الخياط]

الحمدالله ع سلامتهم ربى يحفظ الجميع
احسنتى اخت عطور على هذى المشاعر الجميلة
مع التحية

[نصوري قح]

الحمد لله على سلامتهم

[الصابري الحمادي]

الحمد لله على سلامتهم .

ملاحظة هامة البحر يبيله استعداد خاص والتأكد من توفر جميع معدات السلامة بالاضافة الى أن يكون الطراد مجهز جيدا
وبفحص المكينة والكهرباء والتأكد من الأحوال الجوية وبتوفر طرق اتصال وباعلام الجهات الرسمية والعائلة باحداثية الذهاب

يا شباب ترى هالأيام لا تباعد الجو مو مستقر والله يحفظكم