اسمحولي يا بوصقر وابن الرمس انه كلمة (تمرد) واااايد كبيرة علي الجيل القادم...
اخي بوصقر كما تفضلت وقلت انه الشباب يروحون ويدرسون في مدراس فارسية ويتعلمون كلام فارسي و بينسون كلام اللهجة العربية او بيخلطونها...
اسمحولي اقول الكم يا اخوان انه من الصعب انك ما تخلط الكلام معا بعض...
ليش..؟ لانه نحن ساكنين في دولة فارسية ونعيش بينهم وكل شغلنا وحوايجنا في ايدهم،فلازم نتكلم مثلهم...
زين انا بقول الكم شو بتردون علي...
بتقولون زين اتعلموا ولكن حافظوا علي لغتكم الاصلية العربية نفس ما حافظوا عليها ابائكم واجدادكم وتداولوها ما بينهم،نحن قاعدين نتداولها ما بينا، و حد ماعندنا قاعدين نحافظ عليها...
اجدادنا يوم دورهم وزمانهم ما كانوا مهتمين بألعلم والمدارس والتعليم...عشان جي حافظوا علي لهجتهم...
بس نحن الحين من الصعب ان نحافظ عليها...لأنه يالسين في وسط شعب مب شعبنا ودوله مب دولتنا...
من الصعب انك ما تحاول التخليط بين اللهجتين...
بضربلك مثل...الحين واحد عربي يروح سنة يسكن في دوله من دول الانجليز وبعدين يرد البلاد...سير وشوف كلامه كيف مستوي...هذا سنه راح يلس هناك واستوي عليه جي...
وين نحن الي متولدين في ايران ويالسين ما بينهم ونتعلم مثل ما يتعلمون...وتبونا اقل شي ما نخلط العربي بألفارسي..؟
اسمحولي اقول انكم مكبرين الموضوع وايد وانكم غلطانين في نظرتكم له التفريس والتخليط...
ليش..؟لانكم ما عاشيتوا مثل ما نحن عشنا اهني وما تعرفون عن الموضوع واااايد...
لأنكم يالسين هناك وما تعرفون شو يسير اهني...صح الاخبار توصل لكم اول بأول بس بعد ما يكفي له حكمكم عن العرب والتفريس،المفروض بروحكم اتيون اهني وتشوفون شو اخبار الناس واخبار الجيل الجديد قبل لا تتكلمون عن(تمرد الجيل الجديد والقادم)...
اسمحولي علي هذا الكلام بس كنت مجبور ارد عليكم هل رد...
يعطيكم العافية وما قصرتوا
تحيــــ ولـــد تمـــبـــو ــــاتي