ارجوا المساعدة بسرعة (الشاهين من الشارقة )

[حسن شاهين]

السلام عليكم ورحمة الله وبركاتة

اريد ان اعرف من اصول جدي انا حسن محمد احمد شاهين من الشارقة حاليا عايش في قطر لكن جدي من الشارقة ومن الحمرية اسمه احمد شاهين وابوه شاهين من مواليد دبي والحين انا الوحيد من البدون في العائلة وعايش في قطر وظروفي تعبانه ابغي اعرف اصلي من وين عشان اقولهم في ادارة الجنسية والجوازات وكما توجد ارض لجدي باسمه في الشارقة وهناك اقارب لجدي في ابوظبي من قبيلة الجلابي وعندكم المنشد محمد المازم يقربلي بس مااعرف عنهم شئ لان لااستطيع السفر لاني بدون ارجوا المساعدة كما ان لدي اوراق تثبت ارض جدي وشكرااااا

اخوكم حسن شاهين

[كحيلآن الحمادي]

حيّاك الله أخوي حسن
أتمنه أخدمك ولكن للأسف ماعندي أي معلومه
وإن شاء الله الأخوان يخدمونك بالموضوع وكل واحد يسأل أقاربه وشيبانه بالأمارات
زادك الله ممّا يرضاه ..

[الصقر]

حياك الله أخي الكريم احمد انشاءالله تجد من يتعرف على جدك و يفيدك لكن من الصعب جدا الحصول على الاجابة لانة الجزيرة العربية شاهدت الكثير من الهجرات و هناك ايضا تشابة اسماء كما لم تذكر لنا سنة الهجرة و لقب العائلة و تفاصيل تفيد الاخوة .

ارجوا المعذره لكن حسب علمي لايوجد بدون في دولة قطر

تحياتي

[عطوور]

اولا ياخوي معقوله ماتعرف اصلك
وبعدين اكثر البدون اللي بقطر يعانون اسوى معامله
والاغرب يرفضون انهم يرجعون لبر فارس وهذي مشكلتهم اكثر معاملاتهم واقفة بالجوازات
فيا خوي دام جدك موجود اساله من اي منطقة على الاقل انته حرمي حمادي نصوري عبيدلي
علشان تروح للجوازات وتقولوهم انا انتمي للقبيله الفلانيه ويضمون اسمك منهم وان شالله يطلعونلك الجواز
هذي الاجراءات اللي قاعده تصير الحين
بس دام في اسمك "شاهين"اسال حد بقطر من المنصوري او الحرمي لانه فيهم هل الاسم
وانا سالت والله غريب يعني ماتعرف على الاقل قبيلتك
بس ممكن كمساعده تروح للحرم او النصور بقطر وتنضم لهم وبكذا يدخلون اسمك باوراقهم بالجوازات
لانه اداره الجوازات تسال رئيس القبيله فلان بن فلان منكم وبكذا يمشون معاملتك
واسفة على الاطالة وان شالله افدتك بشي

[الخاطري]

معروفين بن شاهين بلوش سنه وانا اعرفم زين واعرف واحد من دبي اسمه علي بن عبدالله بن شاهين البلوشي من هل العوير والناس هذيلا ونعم و سبعه انعام وهل كرم ويحملون جوازات الدوله وهاي علوم بن شاهين