طباااااخ أول

[عبير دبي]

السلام عليكم ورحمة الله وبركاته

مساكم ولا صبحكم الله بالخير

أشحالكم شخباركم أن شاء الله بخير ..

يا خوي ولد الفريج شهيتنى ويوعيتنه بالصورة الي طرحيتها ..

بما أنك نزلت الصورة قلت بكتب عن طباخ الأول


كان طباخ الأول اله مزة وطعم وريحة حلوه من أول السكة تشم ريحة الطباخ ..

وتشم ريحة العيش ومرق اللحم ومرق السمج الطري الي أيبونه من الجبرة سوق السمج وينطبخ

مب الحين أيبونه وكاود ثلج عليه وينحط بعد بالثلاجة لحد كم يوم ..

وقبل يطبخونه على الحطب حطب السدر والسمر والدنقو ..

ومن الفجر الحريم يسيرون للحطب والخمام ..

وبعد الحطب شوي طار تطور ويابوا جوله أم بنب يطبخون عليها

يحطون قاز فيها وبنب ويطبخون عليها ..

وبعدين يات الأفران الي على الغاز ولا كهرباء ..

هاي صورة الحطب وصورة الجولة

[دانة النوخذه1]

وعليكم السلام ورحمة الله وبركاته

ياهـــلاأأ عبييير... الحمدالله علي السللامه

فعلا قبل كان كل شي غير.... والحين كل شي تغير

تسسلم ايدج .....بوووركتي ع الطرح ....

تحياتي.

[الفهد]

يعطيج الف عاافية اختي عبيررر ... موضوع جميل الصراحة

للاسف كل شي تغيررر وماعاد مثل قبل

عساج على القوة

[كحيلآن الحمادي]

يعطيج العافيه اختي عبير ..
المشكله كل شي ما عاد له طعم مو بس الأكل ..
تحياتي .

[فتي المقام]

وعليكم السلام ورحمة الله وبركاته
اختي عبير للحين عندنا ريحة الطباخ في السكيك و للحين موجود خبز بريزه و خبز تنور و المجبوس و و عيش حمر و سمج مشواي ....
بس الخوف انه ينقرض عندنا بعد كم سنه

[الظبيانية]

عليكم السلام و رحمة الله و بركات

هي كل شي تغير مظل طبخ علي الحطب و لا جولة بام او قاز الحين الطبخ علي الغاز

الحمدلله للحين منستغنا عن طبخات الاولية انتي تعرفين و الرايحة تنسم لي بيت الجران هههههه

تسلمين حبيبتي عبير علي الموضوع

و ولد الفريج قعد يدور كل يوم ياب له شي الله يعطي العافية