" نخوة رجال "
أقول الله على الاسلام يا رجال الاسلام لا فيه لا غيره ولا فيه قومه
شوفو دموع الظيم ودموع الايتام واللي بيبكي دم محدن يلومه
ارجال تتهتك انساهم وتنظام من ظيمهم كلن يشقق هدومه
الناس تذبح وتنهان بالشام وحنا نتحرى وش تقول الحكومه
مرت سنه نعد ونحسب الايام وندعي على بشار ما جاه يومه
يالله عساه ايام ما تصبح اعوام نسمع اعداء المسلمين مهزومه
وين الرجال اللي بهم حزم وقدام اللي بهم بالحق شومه وزومه
مرحوم يا فيصل لا شك انك حسام سيف لا شاف الحق ذلل خصومه
اللي عشان القدس يبكي لها الشام ولا ذاق من طيحت فلسطين نومه
واليوم ضعنا بين كذبات الاعلام وصارت ثقتنا بالعريب معدومه
الشرق الاوسط جزئ لعدت اقسام وحنا على سوبر استار ونجومه
يا اخواني يالثوار للموت قدام الرجل يفنى وتخلد اعلومه
الموت واحد والعمر مالها اقيام لا صارت احقوق العباد مهظومه
دكو وهدوها على كل ضلام وخلو قصور الشامخات مهدومه
والله يلوم اللي على فعلكم لام ماعاد بها لحية ارجال محشومه
الصحف جفة ورفعنه الاقلام والنصر يهل النصر بانت رسومه
يالله تعز الشام وتعز الاسلام والأمن والإيمان لنا تدومه .
VIDEO
"عبدالكريم الجباري"
" نخوة رجال " ...
رد مع اقتباس
