يعطيك الف عاااافية سندباد ساحل الشرقي، على هالفيدو الجميل
ونشكر اخونا محمد عبدالله الابنودي على التصور
عساكم على القوة
*************
جيت المكان اللي بوسطه تربيت
بيت قديم مأسسينه من الطين
بأطراف ذاك البيت بالفكر سجيت
ذكرت وقت ماضي لي من سنين
قمت أنثر العبرة من الدمع هليت
ضيقة بصدري رافقت دمعة العين
تبقى بك الذكرى ولو رحت واقفيت
ابكي على الاطلال لو ما بقى شين
باقي بك أشياء ذكرتني وحنيت
الزير وفراشي وبعض المواعين
واذكر سراج كان يضوي لنا البيت
على سنا ضوه نلف الميادين
ياكم ليلة عشت فيك وتهنيت
ياكم مضى لي بك من العسر واللين
يا بيت ياللي في خفوقي تعليت
اليوم باركانك تنام الثعابين
ليتني أعيد اللي مضى واسكنك ليت
لولا الظروف وقسوة الوقت هالحين
ما أنساك مهما غير اليوم سويت
مهما ملكت من الفلل والملايين
تقبلوا تحياتي
رد مع اقتباس