عضو كويتي منكم وفيكم :)

[kankouni_q8]

السلام عليكم يا ابناء عمومتي من الخليج

ابصراحه انا توني امسجل ما ادري عن هالمنتدي لقينه بالصدفه
معاكم اخوكم الصغير
علي كنكوني من الكويت
حبيت اشاركم واكون معاكم ابهالمنتدي
ويشرفني اني اكون منكم وفيكم

وحبيت اعرف عن عايلتي عايله كنكوني اذا موجوده بالخليج غير الكويت انا سمعت من يدي انه لنا اهل بالامارات
وسلامتكم
وانشاءلله تكون معرفه خير وياكم
وسامحونا اذا طولت عليكم

[الظبيانية]

ياحياك الله اخوي بين اخوانك و اخواتك

نورت المنتدى وهو يستقبل كل واحد

اخوي انا من الامارات وعرف اهل كنكون وايدين

اخوي احد يلفبون كنكاني موجودين

اما انت منو اهلك بالاسم حتى اقدر ابحث عنهم اسمك الثلاثي من اي عائاله

[ولد النصوري]

هلا اخوي كنكوني

يا مرحبا بك

طحت على خبيرتنا الظبيانيه

شدي حيلج بنت العمه وصلي الريال للباب

وقومي بالواجب

[الخياط]

يا مرحبا بأخونا بوحسن ان شاءالله توصل ويجمع شملكم والبركة فى الاعضاء جميعا وخاصة الظبيانية الاصيلة

تحياتى

[kankouni_q8]

مشكورين يا جماعه عالترحيب الحلو

تسلمون
مشكور يا ولد النصوري
يا الضبانيه يدي مندني احمد حسن كنكوني

[الظبيانية]

مشكورين يا جماعه عالترحيب الحلو

تسلمون
مشكور يا ولد النصوري
يا الضبانيه يدي مندني احمد حسن كنكوني

هو يقولن له مندودة المؤمن موجود في كنكون الحين ولا غير

[kankouni_q8]

انزين يا جماعه انا اشوي معلوماتي مو قويه كثركم وابصراحه الموقع اكثر من روعه
بس حبيت اعرف عايله كنكوني ترجع اصولها لمنو
الى اعرفه نصوريين
انتو اشوي متعمقين اكثر ابهالسوالف حبيت بالتفصيل اذا اتفيدوني لو مالكم امر
وسامحوني اذا خذيت من وقتكم اشوي

[بنت الكويت]

حياك الله
ان شاء الله محد راح يقصر معاك
بأى معلومه
وانت اذا تعرف اى معلومات لا تبخل فيها علينا

[kankouni_q8]

حياك الله
ان شاء الله محد راح يقصر معاك
بأى معلومه
وانت اذا تعرف اى معلومات لا تبخل فيها علينا

مشكووووووووره يا بنت ابلادي ماقصرتي كلكم فيكم الخير والابركه
ومنكم نستفيد انشاءلله واذا عندي شي ماراح ابخل عليكم
انا بس عندي كتابين الى فيه كل المعلومات
واحد اعتقد اسمه لنجه او عرب لنجه لكاتبه اماراتيه قديم حيل الكتاب لاني كنت بشتري نسخه ثانيه ماحصلته منه والثاني كتاب عرب فارس واعتقد الثالث كتاب عرب الهوله ماني متذكر اذا رديت البيت اعطيكم الاسامي والمؤلفين بالضبط

فيهم كل المعلومات والاصور الى موجوده اهني

وانشاءلله ما اكون قصرت من ناحيه اسامي الكتب
وسامحوني عالقصور

[بوفلاح]

ياحياك الله اخوي بين اخوانك و اخواتك

نورت المنتدى انشاءالله تفيد وتستفيد

بس عندي سؤال من وين حصلت على عنوان الموقع
يعني اذا تذكر من اي موقع لنه نحن مسوين اعلان في كذا موقع ويهمنا نعرف

تحياتي لك