السلام عليكم ورحمة الله وبركاته


كيف حالكم ياشباب عساكم طيبين


فالبدايه احب اعرفكم بنفسي اخوكم ناصر الهيدوس من قطر


وانا اقرا في مواضيع المنتدى لاحظت ان العربي يحاول يثبت بانه عربي بشتى الطرق والعكس الاعجمي يحاول يثبت عروبته
طبعا شيء طبيعي ان الواحد يفتخر باصله وفصله والمفروض ماينكر اصله من الاساس لانه بالاول ماراح يدوم وشنو يعني لو كان عربي او كان اعجمي هل العرب افضل من العجم او او العكس او اي تفكير يفكر فيه الناس
والرسول صلى الله عليه وسلم قال :
(( لأفرق بين عربي ولأ اعجمي ولأ ابيض ولأ اسود الأ بالتقوى ))

صدق رسول الله صلى الله عليه وسلم

ليش الواحد يبي يثبت انه عربي والعجمي ينكر اصله ؟

انا من رايي ان الواحد مايشغل وقته في مثل هالامور لان الحمدلله الاكثريه عارفين اصولهم سوا كانو عرب او عجم

الناس وصلو القمر وتحاول تطور وتنمي واحنا كل واحد يعاير الثاني يابو المهياوه وريحة حلجك وانت ايراني وانت مادري ايش وبعض الاحيان احس يعني من بعض الناس يشوفون واحد ايراني يستحقرونه

اتوقع هذا كله بسبب الجهل في الدين والعلم لان (المفروض ) فدوتنا الحبيب الرسول صلى الله عليه وسلم وكما انذكر الحديث فالسابق احنا مانقول نهمل اصلنا او اي شي اهتم لاكن مش لهالدرجه
هذا الي بينا تفاهات وفتن والمفروض احنا المفروض نكون يد وحده برايه لا اله الا الله محمد رسول الله ونحاول ان نرتقي بكل شيء

وربي يعطيكم العافيه