مختارات شعرية لبيبة

______________________________________

1

بسألك ليه الهوى منك وفيك

المشاعر ما تعيش إلا بساعة شوفتك

المحبة والوفا وأبيات شعري تهويك

ليه أنت وبس اللي أموت ببسمتك

تدري لو مرة أقول إني كرهتك ما أبيك

يرجع علي صوت الصدا يقول

الله ما أكبر كذبتك

________________________________________

2

أكتب قصيدة وأشبك البيت بالبيت

وأشكي قوافي الليل من كل ضيقه

وأدخل بحور الشعر لا من تجليت

وأغوص في وسط البحور العميقة

في حبكم لاني بحي ولا ميت

كني كسير الطير ماله طريقه

________________________________________

3

محد يشق القلب من غير تفكير

حتى الدكاترة ترتجف ثم تحتار

الحب يشق الجوف من دون تخدير

ويبني قصور بداخل القلب وانهار

هذي حقيقة قلتها بصدق وتعبير

وأرسلتها للي حافظن كل الأسرار

________________________________________

4

تدري إني موت أحبك

وان مالي غير حبك...

واللي ينبض في ضلوعي

ما هو قلبي هذا قلبك..

تدري يا فرحي وهمي..

من كثر مانت في دمي

كل ما تنظرك عيني

عيني من عيني تسمي..

________________________________________

5

في خاطري لك شي ودي أقوله

مدري تصدقني أو تقول كذاب

قلبي يحسك دايم الدوم حوله

مع كل دقه يذكرك ياأغلى الأحباب

تدري عليك الروح با الحيل توله

وتدري بعد طيفك عن العين ما غاب

________________________________________

6

لا تلمس الجرح خل الجرح وأسبابه

الله يخليك ما فيني يكفيني

حتى حبيبي زمان الحب ما جابه

كان آخر إنسان متصور يجافيني

يكفيني إنه ترك لي شي أشقابه

دفتر قصيد وقلم مسجون بيديني

_________________________________________

7

حاولت في قلبي أقول بنساك

وأعيش دنيا في حياتي جديدة

أثر الغلا ما تعجبة غير دنياك

والقلب غيرك ما سكن في وريده

عشتقت لعيونك وصوتك ونجواك

عشتقت لظروفك لو هي عنيدة

حبك شربتة كيف ما أقدر أظماك

حبك عرفتة كيف ما حتاج اعيده

________________________________________

8

تخيل يوم عانقني خيالك خاطري وش قال ؟؟

تخيل قبل اسولف سألني عنك وجداني ..

سألني لين خلاني .. مدينه هزها زلزال !!

تخيل ماهدا حتى لقاك .. بوسط شرايني

________________________________________

9

طالت الغيبات يا غالي علينا

وان تحريتك فهذا من غلاك

لو يطول البعد والله ماسلينا

المشاعر همها لحظة لقاك

يا كريم النفس مثلك مالقينا

لك معزة زادها عندي وفاك

ليت قربك يا هنا العمر بيدينا

واتبعك كني ظلال من وراك

________________________________________

10

للفرح يوم هليت في قلبي هبوب

ما اظلم زماني يوم عن الكون غايب

لك بسمة تتملك الكون بالطيب

ولك نظرة سوت بروحي العجايب

يا جعل عمرك سعد وايامك تطيب

وجعلني فدا حبك ماعنه تايب

________________________________________

11

ابرفع قضية على الدنيا ومافيها

واول قضية برفعها على حالي

وبشعل النار في نفسي واطفيها

واكشف خفايا الروح وافضح هبالي

خلاص ماني مكحلتها ابعميها

احوسها واقلب الاول على التالي

________________________________________

12

ناس تفكر همهم..يسعدونك

وناس تفكر كيف تقدر..تبكيك

لا تشتري من حاولو..يخسرونك

ولا تخسر اللي فكر بيوم..يشريك

مافي اجمل من صديق..يصونك

ولا فيه اقسى من قريب..يعاديك

اكبر قهر لا صار ناس..يبونك

وانت تبيهم بس حظك..لعب فيك

________________________________________

13

خذني جريح شعور يعشق وصالك

ينزف جروح العشق وايامه شهود

خذني غريق احلام عانق خيالك

يرجي سحاب ايديك والشوق موقود

خذني بقايا انسان كلي حلالك

اسكن عروق القلب والشوق موجود

_____________________________________

14

أنادي من سكن بأقصى فؤداي

على من هو نفس روحي وزادي

على من هو حرم عيني رقادي

أنا أهــواه

يزور العين طيفه ثم أضمه

وأحس أن الهوى عطره وأشمه

________________________________________

15

كل عين تذرف الدمع بأحزان

وما كل من يضحك يعيش بسعاده

كم واحد دمعة على الخد هتان

من زود همه يذرف الدمع عاده

يحاول انه يبتسم قدر الامكان

ويضحك ونار الحزن تحرق فؤاده

________________________________________

16

كل الهموم وكل ما كنت اعانيه

تروح لحظة ما اتذكر طيبك

في غيبتك قلبي فقد من يسليه

من كثر حبك حلف ما يخونك

في غيبتك قلبي تحطم أمانيه

كرهت أنا العالم وحبيت كونك

في داخلي إحساس أجهل معانيه

بس الأكيد كل المشاعر يبونك

________________________________________

17

اشتقت لأيامك وجيت أنشد الوقت

وين الحبيب وضحكته وأمسياته

ليته يوسع خاطري لا تضايقت

مثل الكفيف ان قربوا له عصاته

ماهو زعل لا شفت وجهه ودنقت

العين تخفي في نظرها غلاته

________________________________________

18

تك يا ريف النشاما لنا جار

يوم اجيك ويم مثله تجيني

وليت المسافة بيني وبينك جدار

والباب بنص البيت بينك وبيني

حيثك عزيز ولك مع العز مقدار

وايضا تساوي بالغلا مثل عيني

________________________________________

19

لا كتبت اسمك تزين لي الحروف

ولا نطقته صار في لساني حلا

صدق أنا أحبك ولكن فيني خوف

خوف نتفارق بعد ذاك الغلا

لا تقابلنا يسكنا الكسوف

ضاعت الكلمات مني يا غلا

كانت الكلمات في لساني ألوف

ويوم شفتك ما ذكرت إلا هلا

________________________________________

20

افرح إذا شفت الفرح في محياك

وتضيق بي الدنيا إذا شان بالك

أعطيك عمري يا عسى من فداياك

وش هي حياتي ما تساوي رضالك

جعل الولي يا صاحبي دوم يرعاك

وجعل الفرح في كل الأيام فالك

________________________________________

21

انا غريب الدار من بعد فرقاك

وانا سعيد الحظ لاصرت جنبي

يا صاحبي روح وفكري تمناك

من وين ما اوجه اشوفك بدربي

يا ليتني دايم على طول وياك

ارتاح في شوفك ويرتاح قلبي

________________________________________

22

ودي أكتب والقلم عيا يطيع

مدري الأشواق والا انت السبب

كيف أعبر والحكي مني يضيع

اسعفيني يا قواميس العرب

يا حروفي اشعر بشي فظيع

في خفوقي نار وأشواقي لهب

هذي أقلامي بكسرها جميع

في سكوتي تصبح أشواقي ذهب

________________________________________

23

اشياء كثيرة ما تخليني انساك

اعيشها واطرد بقايا سرابك

لك ذكريات باقية لو فقدناك

صوتك وضحكاتك وكلمة هلا بك

حتى المكان اللي شهد يوم لقياك

للحين يبكي من سبايب غيابك

________________________________________

24

اكيد تدري صوتك العذب لاغاب

احس نفسي تنكسر من غيابه

كذا غيابك للحزن يفتح ابواب

غصبن علي البس شقاه وثيابه

حبيت صوتك وان تثيقلت كذاب

من يعشقك لا غبت يفقد صوابه

________________________________________

25

اشوف الموت من نظرة عيونك

مثل ما شفت انا فيها حياتي

انا بالله كيف احيا بدونك

اذا كان البعد يعني مماتي

حبيبي والغرام العذب كونك

حبيبي والعطش كله كياني

متى تمطر على قلبي مزونك

وتتحثث بلقياك امنياتي

______________________________________

26

تعال خذ مني هداياك

وباقي الصور واغلى المكاتيب

ماعاد تنفعني بلياك

وجودهن عندي تعذيب

يكفيني اتسلى بذكراك

دامك نويت تصد وتغيب

وبوعدك طول العمر ما انساك

حتى ولو حطمني الشيب

________________________________________

27

محد يشق القلب من غير تفكير .... حتى الدكاتر ترتجف ثم تحتار

الحب يشق القلب من غير تخدير .... ويبني قصور بداخل القلب وانهار

هذي نصيحه قلتها بصدق وتعبير .... وارسلتها للي حافظن كل الأسرار !!

___________________________________________

28

لا لاتلوم القلب يوم إنه اغلاك .... وش حيلتي مدام قلبي عصاني

غصب علي قلبي يوديني هناك .... جيت اشتكي لك من عذاب الزماني

ياروح روحي وش حياتي بلياك .... لاشفت زولك ارتبك في مكاني

________________________________________

29

ان غبت عني تظلم الدار والحي ... وإن غاب غيرك ماحسرني غيابه

أنا بدونك زهره مالها ري .... بين الهشيم وتستغيث بسحابه

مصفره الاوراق مقطوعه الفي ... يبكي لها سيح الشام وهضابه

النار تكوي ضامري كي ... والفكر متشتت وفاقد صوابه

________________________________________

30

انا الذي من شوف الاحباب محروم..

والله يكفي شر زلات الاقدام..

قبل امس مع ربعي سواليف وعلوم..

واليوم طاويني هواجيس وهيام..

اضحك ضحى قبل امس وابكي ضحى اليوم..

ما اسرع دورات الليالي والايام..

________________________________________

31

كلمة احبك غاليه بين الاحباب

لاقالها خلي احس بغلاها

اعطش لها دايم وادور لها اسباب

ابيه ينطقها يردد صداها

كن العسل من شفته فوقها ذاب

زود على كلمة احبك حلاها

ياليتني وياه في صفحة كتاب

قصة غراام وكل عاشق قراها

________________________________________

32

على ذاك الجدار اللي على حد البيوت

وقفت وهاجس الذكرى نفض غباره..

وفي ذاك المكان ثبت إن الآدمي من طين

تخيل يوم لمسته تنهّد من شقا ناره..

سألني وقال أنا أذكر تجوني اثنين

بكيت وقلت صدقني رحل وانقطعت أخباره

________________________________________

33

تذكرصاحبك وارجع تقرب له ولو بالصوت

على آخر نفس واقف تجي ولا يجيه الموت

وأشوف الموت أحرص منك وأشوف إنك تبي موته

وأخاف إنك بعد موته تحن وتفتح التابوت

وأخاف من القهر يقفل في وجهك باب تابوته

________________________________________

34

انا وقلبي والزمن والمعاناه

مدري نخون الحب والا نصونه

خلوني اخذ سجة الحب وياه

يتقبل طعوني واتقبل طعونه

اكذب على نفسي اذا قلت بنساه

لاتجرحون الحب لاتجرحونه

تكفون خلوني اباعيش دنياه

واللــــه ماتسوى حياتي بدونه

________________________________________

35

قبل لاروح بسألك سؤالين ورد علي بجواب

وش تستفيد من خيانه من قدملك قلبه بيديه و قالك حافظ عليه

وش تستفيد من جرح قلب هو بالأصل مجروح

وش تستفيد من خيانه انسان كان يحبك و يموت فيك

________________________________________

36

بعض المواقف تجي وتروح ماتبقى...

وبعض المواقف صداها بالعمر باقي

ياصاحبي لامعي تتعب ولاتشقى...

يتبدل الوقت واخلاقي هي اخلاقي

إن جيت"أرحب"واذا ما جيتني"تبقى"...

انت اكثر انسان عزيته من اعماقي.

________________________________________

37

ياصاحبي جعل ربي يخليك

ارفق بقلبي وارحمه ياحياتي

ارحم غريق في غرامك يراعيك

بعدك عذاب وشوف زولك غناتي

بين العرب هواجس القلب تطريك

وماظن ينسى من يسوي سواتي

متعلق قلبي بحبك ويغليك

وعسى غلاكم مايسبب وفاتي

________________________________________

38

اجمل زمن في ظل حبك قضيته

واحلى قصيده قلتها فيك ولهان

العين تهوى كل درب مشيته

وروحي تاطي لك شعوب ووديان

حبك هواي لي في الحياة ارتجيته

وعرفت في قربك غلا كلمة انسان

________________________________________

39

حالي ترى بفراقكم صار ماهو حال

والعين ملت من بعدكم نظرها

مرت علينا ايام اجيال اجيال

وروحي عليكم ذايبه من قهرها

مليت انا نفسي ومليت هالحال

وبعدك ترا هالحال كلن دمرها

________________________________________

40

هلت دموع العين عند الوداع

وارسلت دموعها شوق وحنين

قال ودع مايفيد الامتناع

الشقي مقسوم مير الله يعين

ياحسايف وقتنا والعمر ضاع

نجتمع يومين والفرقا سنين

________________________________________

41

يا غلا من عاش وياكم

عشتوا فـ قلبه ومن دونه

ما يتحمل يوم ينساكم

ولا يفكر يوم تنسونه

الحياة والروح تفداكم

وكل ما في الكون تسوونه

وسط نبضه صار يرعاكم

وانتوا عن دنياه تكفونه

________________________________________

42

الوفا في غير قلبك مالقيت

وان مدحتك بالقصايد ماوفيت

اعتذر ان كان في يوم قسيت

والعذر ان كان صديت او جفيت

فأنت حد السيف لامني اعتزيت

وانت اغلى شخص في عمري لقيت

________________________________________

43

يمطر لغيري من حنانك سحابك ..

ويموت قلبي ظاميٍ بين أياديك ..

رجيت عطفك بس طال الرجا بك ..

لين انقطع باليأس كل الرجا فيك ..

________________________________________

44

البارحه في لذيذ النوم لاقيته

حلوم جابت حبيب الروح خداعه

فزّيت ارحب ودمع العين هلّيته

رميت نفسي وجا راسي على ذراعه

وقعدت أضمه وفوق الصدر لميته

وأثرني أضم الوساده صارلي ساعه!!

________________________________________

45

بعض العرب من جور الايام مجروح .... وبعض العرب دله وسالي ومرتاح

مرتاح ماشاف الطباشير واللوح .... ولا راح وقته بين تحضير وصياح

حصه نشاط وبالتعاميم مذبوح .... وبين الاحتياط وبين الاشراف سواح

________________________________________

46

خزنت لك بالقلب عشره ملايين .... ماهو رصيد فلوس لكن موده

زكاة حبك هي غناة المساكين .... من الساحل الشرقي الى حد جده

بمشي معك والله على العسر واللين .... الموت والمقسوم ماحد يرده

________________________________________

47

ابيك تدري صوتك العذب لاغاب ....احس نفسي تنكسر من غيابه

كذا غيابك للحزن يفتح ابواب .... غصب علي البس شقاه وثيابه

ادمنت صوتك وأن تثيقلت كذاب .... من يعشقك لاغبت يفقد صوابه

_____________________________________

أشكرك على المتابعة ودمت بحفظ الرحمن